....لااخر مرة اكلك اطلع من حياتي عوفني اعيش
كافي هاي الكلمه هوايه كلتها طلعو من حياتي
....ضحك
...اسف مااكدر لان
جنت اتمنى يسئلوني منو انتي بحياتي
واجاوبهم هي معجزة تمناها الكل بس اني الي حظيت بيها
ودار وجه وطلع وخلاني
عايشه بعالم من الهذيان ياريت لو جنت اكدر ارد على كلامه وماابقة جامدة بس الي بكلبي صعب
يصلح عندي شي اعمق من الكلام
الدنيا اخذتني ودتني
راجع من جديد راجع وكله غرور وكبرياء
راجع من بعد شي ردت ادفنه بااعماق روحي
اني اريد انسى كلشي يخصه بس شلون واني مداكدر
واذا كدرت هو ميخليني راجع هسه ليش
لمن طلع شاهين دخت وبعد كمت مااركز على شي
سديت المحل ورحت للبيت
واول مادخلت شمرت غراضي
ورحت على امي
....ماما
...ها هلو بنتي شو اليوم تأخرتي
...اي موكتلج راح ابقى بالمحل امي شنو سالفه اوس
صدك مسجون
....شنو
وطفت الطباخ وندارت عليه
شبي مسجون مااعرف والله
....اي شاهين كلي
....شو لعد فائزة ماكلتلي انو ابن فوزيه ساجني ليش
المصخم شمسوي هالمرة
....ماادري
..... كرت عينها لفوزيه على هاي التربيه ولاعرفت تربيهم
البنيه تلف ودور منا ومنا والولد بعد امر منها
..عبالي تعرفين
...راح اخابر خالتج واسئلها
....بكيفج
....كومي جيبيلي التلفون
...دقيقه
رحت للغرفه جبت التلفون على الشاحنه واجيت
ودكت على خالتي
...الوو هلوو شلونج فائزة شخبارج شو صار يومين ماكووو
ها اكلج شنو موضوع ابن فوزيه اوس صدك مسجون
اي وشنو الموضوع متعرفين ليش
ها وشاهين شيكول
اي تعاي باجر انتظرج
الله وياج
اني واكفه اباوع انتظر امي تخلص ودكلي شكو
سدت امي التلفون وكتلها
....ها شكو
....متدري دكول شاهين كلي قبل يومين
وماكايل شنو السبب
....ها
....وانتي وين شفتي شاهين ليش
.....اجاني هنا لصبح قبل مداطلع للدوام وبعدها اجاني العصر للمحل
....ليش شكو
.....يحجي ويايه
....بشنو يحجي كوليلي بنتي لاظمين عليه
...يريد يخطبني
...صدك والله
ضحكت
...اكلج هو مو مزوج
.....يكول مطلكها من زمان
...ها
...وشكلتيله
...كلتله لا اكيد
...اشك هدومي منج ليش بنتي
....نسيتي ياامي شسوه قبل وراح سافر مااريد ازوج اريد اشتغل
واحقق الاشياء الي اريدها
...اوف اوف منج قهرج شكبرة انتي ماادري شوكت ترتاحين واني هم ارتاح
......ماما فدوة لعمرج لتدخلون بحياتي اني ارتب وضعي مااريد ارجع اغلط نفس الاخطاء السابقه اريد كلشي يتبدل
اريد احس بنفسي اريد احس بالراحه
....بكيفج
تركت امي ورحت لغرخفتي وطلعت التلفون من الجنطه
وخابرت ايمان
دك مجاوبتني بعدها بشويه خابرتني
....الو
....هلووو هيلين شلونج
....الحمدلله انتي شلونج بيدق شلونه حبيب خالته ناطف كلبي على شوفته
يله هسه انتي لازم بعد ترجعين اني هنا رتبت شغل الي والج
وانتي تعرفين بكلشي تعاي رجعي
....ماادري والله شو مابين اريد ارجع ومااريد ارجع
...صدك اني خابرتج اريد اسئلج شجاب شاهين يمج بتركيا وليش خابرتي واكعه بيا مصيبه ها
.....شمدريج
....وج شلون متحجين ها ليش ماكلتيلي عفتيني هو يحجي واني افر بأذاني
....ليش رجع حجى وياج
....وج ايمان شكو وشمسويه كوليلي
...اوف ياهيلين اني الدنيا لعبت بيه لعب
....شكوو
....قبل كم شهر قبل طلاكج تقريبا بفترة كصيرة اجوي ناس علينا يدكون بالباب
واني جنت اني وبيدق بالشقه وحدنا لان هذاك
الشفيه طردته من البيت صار كم شهر
النهار كله شرب
ونسوان ويجي يضربني ويضرب بيدق قبل فترة ضربه
ودفعه على المرايا نشك راسه
دمرني اخر شي بعد مابيه ماتحملت زهكت طكت روحي
كتله اجيب عليك الشرطه
وهو اخذ ملابسه وطلع وبعد ماشفت وجه وهو اني اشتغل الصبح واشتغل العصر
مامفتهمه من يومي شي
...اي ومنو الي دكو الباب
....اي نرجع للبدايه كتلج اني وبيدق وحدنا دكو الباب
ركض بيدق فتحها
دخلو لنص الشقه تلث رياجيل كل واحد شضخمه
شكبرة وركض بيدق ورايه ختل
ردت اعيط خله واحد يدة على حلكي كالولي اذا عيطتي
متلومين الا نفسج
طلعو يطلبون فقار فلوس مداين منهم حتى يشرب ويدور نسوان وهما يدورون عليه ومندلين الشقه وكالولي الي منا
اربع تيام ماجيبين الفلوس ناخذ ابنج
متدرين شصار بيه ادك عليه ميجاوبني دزيتله رساله
يكلي دبري نفسج اني مين اجيبلج افلوس
واني الفلوس يادوب طلعني أجار واكل
كمت الوب
خفت اروح للشرطه والمكان الي كاعدة بي شعبي
وكله مشاكل بس لان ايجار رخيص كاعدة
المهم كلت هذوله منين
اجيبلهم الفلوس بقيت
وبقيت مثل المخبله مابقى عقل براسي ورا يومين هم دكو
عليه الباب
يكلولي ها دنذكرج خاف نسيتي
ورا يوم طلعت العصر رحت يم بيت جوارينا
وبيدق يلعب وياجهالها نزلت اجيبه شفت واحد من هذوله كامشه ومن شافني جرة
واشرلي على سجينه موجودة بحزامه
ودفعه كلي اليوم اخر يوم الج
ضاكت بيه واني غريبه واني وهذا الطفل واعرف بيج ظروفج وضع اهلي
مااجى على بالي غير شاهين
خابرته العصر ثاني يوم بالليل اجاني
تفاهم وياهم ودفع الفلوس الهم
وحولني من هاي الشقه بغير شفه ودفع هو الايجار مال
سنه
وحجى ويا فقار والتقى بيه وكله دربالكم توصللهم ومهددة
طبعا حاول انو ارجع لبغداد بس اني ماقبلت
ابد
ومااعرف ياهيلين لومو هو جان صار بحالنا
لان ماعندي فلوس اروح لمكان ولااكدر انهزم
هو صدك نقذني يعني صدك رجال وميهاب شي
لو شوفي شلون وكف بوجهم
وهددهم وشمر الفلوس عليهم يعني يمكن لو اخويه
ميسوي الي سوا ويايه
وقبل ميسافر ترك فلوس بالشقه مالتي بلا ماانتبه
وطلع تعرفين شكد جنت ماخذة عنه نظرة انو هو شايف نفسه وميساعد احد ابد
ويشوفنا احنا مومن مستواهم ويبعد عنا بس طلعت غلطانه
وجنت مترددة انو اخابرة بالبدايه متوقعت يساعدني بس مجان عندي بديل
والحمد.الله ساعدني وخلصت من فقار ومشاكله
هم ميعرف حتى وين كاعدة
هذا حظنا ويا الرياجيل جابني من بغداد لهنا بمكان تعبان وضع اتعب. المهم الحمدلله على كل حال الله مايكطع
....وكل هذا وماحجيتي
....شكلج شيطلع بيدج سوين ورجلج كامشج وشدكوليله يكلج لا
....كلشي اكدر اسوي المفروض ادكولينه
...قصدج غلطت من كلت لشاهين
....لا ماغلطتي بس هو مامضطر يساعدنا احنا
تعلمنا نشلع شوكنا بيدنا محد يساعدنا
اهسه ارجع الفلوس الي دفعها الج هناك
...لدكولين لاامي
..لامااكلها مااريدها تقلقل هي وابويه بس اريدج ترجعين لبغداد خلي نبدي ياايمان نسترد نفسنا وخلي ابنج يربى بنصنا
لتخلينا بقلق عليج وانتي هناك وحدج
....اتخافين عليه واني بميت رجال
...مو ميه الف اعرف بيج مينخاف عليج وسباعيه
بس احنا مشتاقيلج وخلي بيدق يتربه بينه ويعيش بين حبنا ليش وحدة لااب لااهل
....اشوف شلون
...متشوفين ترجعين هنا وخلص وداومين معهد وتشتغلين ويايه بالمحل وبيدق يبقى يم امي
....ان شاءالله
....منا ليومين تلاثه ترتبين وضعج وتجين زين
.....زين
...يله اريد اروح ارتاح شويه نتخابر عود
....روحي ارتاحي هيلانه ههههه
....شكلتي ولج
...هيلانه على كولت شاهين
.....ليش جاب طاريه
...اي مو هوايه بس حجى على شغلات مثلا قبل ومجان يكول هيلين هيلانه هههههه
.....محجى على زواجه
....لا كال مزوج وعندي بنيه بس مكال شي بعد
....ها
....روحي عيني هيلانه كلبي نامي ههههه
...امشي لج ههه
يله بوسيلي بيدق
...اوكي تصبحين على خير
....وانتي من اهل الخير
كمت غيرت ملابسي ونمت وبدأ يوم ثاني بس نفس التعب من دوام الي محل
مجان بي شي
ورا يومين العصر
دك تلفوني كان رقم كاميران استغربت داك عليه شيريد
....الوو
....الووو هيلين
...اي نعم
...عندج ملابس وغراض بالبيت خليتها بصندوك وداريد اجيبها
....اخذها الك او اشمرها
...لامالتج كوليلي وينج انتي
مردت يروح للبيت وامي تشوفه خاف تصير مشكله
دليته المحل مالتي
وكال اني هياني قريب منج
وسديت التلفون
وشويه
وسمعت الجامه تندك
باوعت
شاهين
اني جنت كاعدة بيدي المكص اكصكص بالورد
دخل ويحجي ويايه رسميات
....السلام وعليكم
...وعليكم السلام
....اريد باقة ورد واريد بيها بطاقه واكتب بيها خاطرة
...ها اي ليش لا
وأشر كال اريد من هذا النوع قصدة روز
كتله
...يالون
....مااعرف انتي برأيج يالون
....الابيض او الاحمر
......الابيض يلوكلها. بس هي اذا تلبس احمر ياعيني
...شنو
...لامو يمج الموضوع اريد ابيض وبنصه فد تلث اربع وردات حمرة
...اي حاضر
وبديت اشتغل بالباقه خلصتها وطلعت كارت
وانطيته قلى
.... كتله اكتب تفضل
.....اي افضل بخط يدي بس اريد كارت اكبر ماكو
...لااكوً
انطيته. كلي
....شكرا
...العفو
وكام يكتب واني صافنه على يدة وشلون كاعد وكامش القلم
حسيت على نفسي من داباوع ابتسم بسرعه غيرت ملامح وجهي
كمل وانطاني الكارت
جان مكتوب
