مرات احس الدنيا هوايه موعادله ويايه
احسها هوايه تظلم ناس وتأذي ناس
واكو ناس ميستحقون تنطيهم هوايه
شغلات
اني ماحلمت بهوايه لاحلمت بشهادةولاحلمت
بقصر ولاحلمت بحياة غير الحياة حتى احلامي
بعيدة
عن احلام البنات مختلفه
اني حلمت بي لان كلشي بحياتي جان يمشي عكس
فبطلت احلم اي حلم بس ماكدرت اتخلى عن حلمي أله
ماكدرت مااحلم بلي تمنيته طول عمري
بس هسه خلص لازم اصحى لشوكت اظل احلم بشي موالي مو من حقي
ورا طلعت شاهين وسدت الباب حسيت برد
وبغربه وكأنما عايشه عمري كله بحضنه
حسيت انو جزء من روحي راح وياه
ورجع بي المكان للوكت الي اني هسه بي
....هيلين
...ها ماماً
....شوفي ابوج شبي يصيح
....اي
رحتله بالغرفه نايم
....ها بابا حبيبي شتريد
...تعاي كعديني اليوم كله كظيته نايم
.....شربت علاجك
...مااريد ومااشرب بعد دوه
...ليش ياعيني
....بلكي الله ياخذ روحي واخلص على الاقل يقل حملكم
......لااسم الله عليك احنا مانسوة شي بدونك
...لاتسون هوايه هو اني شسويتلكم غير هذا العذاب
وشايليني وحاطيني
....وعلى كلبنا احلى من العسل لونظل عمرنا كله نخدمك
ونبقى جوة رجلك مانجازيك
.....انتي الله بكلشي خلاج مختلفه بشكلج وبااخلاقج طيبته كلبج بس ماعندج حظ مثل ابوج
...الحمدلله بابا
.....تخلص يابنتي وصير سوالف
...اي تخلص
وبكلبي اكول شوكت تخلص
ورا شويه اجتي خالتي ام اوس هي ودينا
دخلووو
...وخالتي سلمت علينا وكالت الحمدلله على السلامه
بس دينا ماكالت شي وجانت تباوعلي من بعيد
وتريد تاكلني بعيونها
وخالتي ام اوس تباوع هم عليه بدون مايحجون عرفت انو
اوس حاجي شي واظاهر كايللهم اريد ازوج
هيلين
لان جانن مختنكات
.. هيلين
....هاخاله
...سوينه انتي ودينا جاي طلعونه كليجه هم
....اي خاله
ماكلت لدينا يله
كمت ورحت للمطبخ ولحكتني دينا اني ماهتميتلها
لان جانت تريد تحجي متنكه تريد تنفجر
فكلت خلي اعوفها ومااكبر راسها احسن
خلي طك بس اعرفها متتحمل الا تحجي
....اي هاي موملابسي
باوعت على الهدوم
....اي
....ههههه
اخذيهن بعد ماالبسهن
كمت اغلي جان الكوب بيدي ردت اشيله واضربه
براسها بس سكتت ومجاوبتها
ردت كالتلي
.....شاهين سافر
....اي
....اي مومامتعلم على الضوضاء وميحب احد يجي يمهم
يختنك وبالذات اكو اشخاص محددين
....اي حقه بيته
.....هههه ضحكين انتي ماخذة الدنيا بفطارة
....شتريدين دينا احجي بلا لغوة زايدة
....وانتي منو داسلج على طرف ها
....روحي كعدي مدامج كاعدة بس تحجين مسوين شي
....لااسوي ليش لا بيت اهل رجلي هذا
الدكتور شاهين
...اي
...برأيج مو متراهمين اني وياة هو دكتور واني صيدلانيه
اي كلش راهمين
....اي الكل يكولون هيج
...اريد اكلج شي
....كولي
......لتحلمين بااوس
.... شتقصدين
...انتي تعرفين شقصد مو محاوطتهم
ولاواحد ياخذج اني اجيت اليوم داكلج خاف عبالج ياخذج اوس احنا منقبل وشاهين يحبني الي
وميباوعلج انتي تعرفين شنوبالنسبه النا لتباعين ليفوك
بيدي
جانت دولكه مال مي
ستيل جريتها وجان اضربها بيها على راسها قوي
وكامت تعيط والكل اجوي ركض على صوت عياطها
ويصيحون
مخفت ولاهتميت ولااول مرة اتحدى خجلي وخوفي واوكف كدامهم كلهم
....شوفي ولج والكل خلي يسمع الفقر فقر النفوس الي مثلج عندها فقر بااخلاقها موانتي تجين دكولين انتو تخدمونه بس العتب على امي وكلبها الطيب الي خله
خواتها يصيرن مثل الحيايه ويستغلوها ويجروحها
بدال مايوكفون وياها ويساندوها
ويباوعولها بنظرة اقل منهم
احنا مواقل من عدكم احنا عزيزين نفس
وحدة مثلج حقيرة ماتجي تحجي هيج ويايه هالمرة
ضربتج مرة الثانيه اشرب من دمج
وحدة مامتربايه خالتي ماعرفت تربيج انتو وفلوسكم وشهاداتكم جوة
وباوعت على رجلي هذا
....شنو هالحجي موعيب
...العيب بيكم
خالتي ام شاهين كلما تريد احد يخدمها ادز علينا بس من اجينا البارحه اختنكت ولليوم كل شويه تدخل لغرفتها وظل وين يله تطلع مع الاسف تصير بين الاخوة مصالح ومستويات
انعل ابو الدنيا الي خلتنا نعتازكم ونكون بحاجه الكم
لان لو اكو عدل مجان صار عدنا اهل مثلكم
انما انتي ياحيه ياصفرة
واشرت على دينا حسابج بعدين واني اعرف شلون
اضر بج
....امي جانت واكفه تسمع الحجي وايمان هم ومحد كدر بعد يحجي
بس بعدها خالتي ام اوس
....كامت تحجي وكالت لاامي
.....شوفي بتج شوفي اخلاقها
.....دربالج تحجين على بتي انتي ماعرفتي تربين مثل ماربيت بناتي اني ربيتهن بكسران الظهر
كل الي حجته هيلين صدك بس اني كلبي الطيب
خلاكم ادوسون عليه اركضلكم من عدكم حاجه
من اسمع وحدة بيكم مريضه
الليل كله مانام كلبي يصير نار عليكم
تعيروني بفقري وتشوفوني اقل منكم
وسكتت وكلت خواتي ويحبني بس انتن ماتستحقن
الي جنت اسوي قبل علمودكم
لو نسيتي يافوزيه جنت اسوي لخاطرج
كامت تبجي امي وهي بلاشي جانت مخنوكه والتمت عليها
...احنا شمسوين هيج كبيتي انتي وبتج علينا
....متدرين لانكم ماعدكم احساس
....احنا
...باوعت على خالتي ام شاهين وكالتلها
....لوبيتج تصير عتبته ذهب بعد ماافوته
...اني شسويت
...بلاماتحجين اني احسج يابنت امي وابويه
انتن لاخواتي بعد ولااعرفكم الي بكلبي هوايه
وهسه بعد طلعته لان مااكدر وراح اطك
حسبي الله على الدنيا وحسبي الله عليكم
يجي يوم ونتواجه وتجون لبيتي اطلبون السماح
.....ايمان هيلين يله
خلو ابوكم بالعربانه وخلي نطلع
رحنا خلينه ابويه بالعربانه وطلعنا وهنا
واكفات يخلن لدينا كطن براسها
يمكن كامت تنزف
حيل بيها
طلعنا من البيت واني جنت ادفع ابويه بالعربانه
.....وامي كالت دخت بعد مداكدر امشي
كعدناها على الرصيف
وكعدنا يمها و شويه جنا غادي من بيت خالتي وشويه
وجان تطبك سيارة
باوعت واحد نزل
شفته جان اوس اجى ركض
...شكو هنا اشو على الرصيف شصار خالتي
....مصار شي روح ابني عوفنا بحالنا
....صدك جذب خاله شدتحجين شنو الي صار
هيلين احجي
...امي كالت لعلي روح ابني شوفنه تكسي لهنا جيبه مااكدر
اكوم بعد امشي والدنيا باردة وابوك لينتكس مناقصين
....اوكف علي اني اوديكم وين متروحون
....لانشكرك
....هيلين احجي شكو اني امي خابرتني كالتلي اختك راسها مفشوخ
....اي اني ضربتها
...صدك
...اي بالله
..ليش
....لان ماعدها اخلاق متستحي
...شنو هالكلام هيلين
....اي والله شنو ممصدك
....عيب ترة هذا الحجي
...دروح بابا اركضلهن خطيه مفشوخه ولو هي جذابه كلشي مابيها مثل البزونه
...ليش هيج تحجين مدكوليلي شنو الي صار
...هما يكلولك روح هسه يخلص دمها
ولازم اجيبولها دم هدورة دمها نادر ماموجود منه
بالعالم كله لان دمها اصفر سام
..هيلين معقوله انتي هيج كاعدة تحجين
....ليش مو معقوله لو تعلمتو علينه ضعفين وساكتين
ومانحجي
...اليوم مااحجي وياج لان الظاهر الحجي وياج
ميفيد
امشو اوصلكم
...ماكو داعي هيانه اجى علي
اجى علي ويا تاكسي جان رجال جبير
كمنا اني وايمان وعلي كعدنا ابويه وسدينه العربانه مالته وخليناها بالصندوك مال سيارة
وكومنه امي كعدنها
وصعدنا واوس واكف يباوع علينا
ومشى التكسي
كتلها لاامي
.... وين راح نروح
....نروح لبيت ام اسعد اليوم وباجر نظف بيتنا
ونشوف شنكدر نسوي بي
وسكتت لان مابيها حيل تحجي اي شي
وفعلا رحنا لبيت ام اسعد واستقبلتنا استقبال افضل من استقبال اهلنا
دورات الغربه يكونون افضل من الاهل
وهي كانت ماعدها احد بس رجلها
وجبير بالعمر وابنها معايش وياها
المهم ظلينا ليله وثاني يوم بدينا نشتغل احنا بالبيت ونظف
وطلعنا كل الاغراض الي بي
ورا يومين اجوي عمال الصبح يشتغلون بالبيت
استغربنا
طلعت ماما كالتلهم
شكو شدسون
.....انتي ام البيت ام هيلين حضرتج
...اي نعم
...احنا الدكتور دزنا انطانا فلوس واتفق ويانه
انو نرتب البيت
..اني سمعت اسم الدكتور تخبلت
....ماما بس لحظه
دخلت
....هابنتي شتريدين
....لتقبلين يرتبون البيت هم راح يمننونه وخواتج يكيفن
احنا مامحتاجين احنا نرتب البيت ونكعد بي مؤقت لحد مايصير عدنا ونرتبه
سكتت وكالتلي
...اي هم صدك
طلعتلهم
....عيني البيت مانريد نعمره ورجع الفلوس للدكتور
وكله نشكرك
..بس ميصير احنا اتفقنا
...اتفقتو وياة
مو ويانه
.....براحتج وخلو وراحو
وساعه وجان يدك تلفون علي
واجى علي اخويه كلي
...هيلين وين امي
...نايمه
...هذا على التلفون شاهين
اخذته
...الوووو
....الوو السلام وعليكم
....وعليكم السلام
.....هيلين
....اي
مشيت وطلعت برة
.....شلونج
....الحمدلله
.....اني دزيت عمال علمود بيتكم ديرتبوو شو كال ماقبلت ام البيت وكايلتله رجع لفلوس
للدكتور
....اي صحيح
..ليش
...منريد بعدشي منكم
...قصدج منو
...انتو كلكم احنا بعد ماعدنا اهل
....شكو شصار
.....ليش متعرف
.....شنو الي اعرفه
....ها مكالولك ولو انت مثلهم متفرق عادي عندك
عالعموم نشكرك دكتور
واحنا موبيت اهلك طلعنا من بيتكم
ولاراح ندخل بيتكم مرة ثانيه ولا راح نقبل اي مساعدة
من اي احد خلص
احنا موبحاجة احد
.....شبيج هيلين كوليلي شصاير
....هما يكلولك
....اريد اسمع منج
....اني تعبانه ومابيه حيل لكلشي
سكت وجان كلبي يدك بالثانيه مليون دكه
....هيلين ليش انتي تسوين هيج
.....شسوي
....ليش بالذات اني ويايه تتصرفين هيج وتبعديني عنج
...اني ابعدك والك
حسيت عندي الجرأة احجي يمكن لان مداشوف عيونه
ولان مديباوع بوجهي.
....اي
.....غلطان
.....ليش مارحتى ل اوس يساعدج
...مااريد مساعدة من اي احد
...خليني اساعدج اني رجاءا لتخلين بالي دائما يمج
جنت اريد استفزه اذكرت شلون ضربت دينا
.....صدك نسيت اكلك
...شنو
....ضربت هاي الخبله
....منيه
....حبيبتك
....منيه
...دينا منيه غيرها
....صدك بيش ضربتيها
.... اي بالله ضربتها بالدولكه الستيل على راسها
.....هههههه ههههههه ههههههه لاوالله
شنوظل يضحك اول مرة اسمع ضحكته طك من الضحك
متوقعت راح يضحك كلت هسه يغلط عليه ويسد التلفون
....شو تضحك
مو شغله اتخاف بس هي كل همها تبعدك عنا
....اذا اريد شي اسوي ومااهتم لااكبر واحد ولااخاف من احد
والي اكول عليه يصير وتعرفيني انتي
......والله طلعت مااعرف احد
....خاله اني عندي بيت صغير جنت مأجرة روحو كعدو
بي مؤقت
...لانشكرك
...هسه انتو ليش اي مساعدة رافضيها.
كتله
....احنا منريد مساعدة من اي احد على كولت خطيبتك انتو تعرفون مستواكم وتعرفون انتو شنو بالنسبه النا
علويش بعد احنا نعرف مستوانا
منريد احد يساعدنا احنا مثل ماوكعنا نكوم
ضاج وكام وكف
وبدون ميححي شي
كلي.
....تعاي
باعتلي امي
هزيتلها راسي وطلعت ورا
واكف ومندار وكفت بظهره
....نعم
ندار وكمشني من يدي وجرني
...انتي شنو هالجرأةالي عندج ها شلون تحجين هيج
ويايه شنو جاهل كدامج
...عوف يدي اني كلت الحقيقه
....ياحقيقه ها
....ليش لازم حتى من اجيت محد كلك الي صار
.....مااسمع حجي نسوان اني لان كله تصفيط
....لا قصدك متريد تغث امك وخطيبتك
....انتي ليش تريدني اضوج منج هسه غير اكرهج وكافي
تلعبين بااعصابي
...اني العب بااعصابك
....هيلين اني داساعدكم واريد اسوي الي يريحج
....الي يريحني
....اي يريحج الج انتي
..ليش
....لان تهمني راحتج
...تهمك
...اكثر من ما تتخيلين
....شتريد توصلي بديت تتغير يوم عن يوم
نوبه تاذيني ونوبه تحسسني بااهتمامك
...مشكلتج متشوفين زين
لان عايشه دور الضحيه وبس
....اني ضحيه نفسي ضحيه ظروف ضحيه حلم ضايع
....منو بحلمج
...مااعرف
...راح اسئلج اخر مرة وجاوبني وبعدها راح يتغير كلشي
...شنو سؤالك
...تحبي وراح تزوجي
...مااعرف بس يمكن يكدر يغير وضعنا هسه كمت افكر بطلبه
.....يعني تزوجي علمود وضعكم
....مااعرف
....اني اساعدج واسوي الي تريدي لدفنين مشاعرج
...ليش مهتم لمشاعري
.....لان
...لان شنو
لان بينك وبين اوس مشكله وتريد تخرب عليه
مو اخو خطيبتك شلون هيج تتعامل ويا متخاف تزعل منك
...ياترى لواكلج الي بكلبي تفهمي ياترى تحسي
لو اشرحلج تستوعبين لولا راح تعرفين شنو بداخلي
راح تشعرين
حسيت كلشي بجسمي رخه لان نظراته صارت حنينه
....كلي واني افهمك
وسمعنا صوت بابنا نفتحت
ندارينا اني وشاهين شفنا
اوس وامه جاين
اوس نظراته نكلبت وعيونه جدحت بشر
وخالتي فوزيه سلمت على شاهين وماسلمت عليه ودخلت جوة
واجى اوس وكف كدامنا ويباوع بوجهنا
شاهين ضاج
جان يمد يدة اوس وكمشني وكلي
...تعاي
شاهين فتح عينه
....كله
.....هاي شدسوي
...انت شنو دخلك
.....خطيب وخطيبته
...شنو
كتله
.....اوس شبيك
....هيلين باردة عيوني انتي امشي ندخل جوة
جرني وندارينا واني متفاجأ ومااعرف شنو الي اسوي بس لمن دارني اوس
حسيت انجرينا اني و اوس ليورة
شاهين جر اوس من سترته واوس جان كامشني
فرجعنا اثنينا ليورة
ولمن اوس ندار
رفع شاهين يدة وضربه بوكس
واوس وكع بالكاع وكمش خشمه
تقرب شاهني
وكلي
...احبج بس انتي موالي
ولااني الج انتي مجرد مشاعر
ومشى
بعدها بقيت بدون حركه ماااعرف جمدت من الي سمعته من الي صار
من الموقف الي نحطيت بي
بس كلمه احبج شلت تفكيري بس ماردتها هيج
جنت راسمتها بخيال مختلف
حتى الي اريدة من يتحقق بنص حلم وبنص كابوس
ودك براسي صوته من كلي احبج بس انتي مو الي
ليش موالك
اني الك اسمعني والله اني الك
كمت اتخيله بكلبي واحجي وياة
واكله اني الك وروحي الك وكلشي بيه الك
ليش موالك
ياربي ليش هيج داتغذب
وبقت تتردد با إذاني كلمه احبج وانتي موالي
يمكن ترددت ميت مرة بكم ثانيه بس
،،،،،،،..،،،،،،،،،
كنت أعتقدبأن كلمة احبك لن يقولها لي
إبدأ كنت اعتقد بأنني اذا سمعتها
سوف اموت من شدة الفرح
انا اليوم سمعتها ويتردد صداها باذني
الف مرة ولكن هناك غصه في قلبي
تقتلني لقد قال لي احبك ولكنك لست ملكي
وأنا غيره لااملك
وغيره لم أعشق
لقد انتظرتك طويلا في محطات الانتظار
وها انت أتيت ولكن أتيت كلشتاء
أتيت وانت محمل بالغيوم
أتيت واخذت ماتبقى
من اوراق الخريف
هاانا الغائبه الحاضر بقلبك
هاانا لنداء قلبك استجيب
ولكنك
أتيت بكل قوة ودمرت كل مارسمته من اجلك
ايها الحبيب
وهاانا اقف وانظر
الى اخر ورقه طارت من قصاصات احلامي
يافارس احلامي الضائع
بين ركامي وحطامي
ويااخر ماتبقى من روحي
يتبع....
