...بس بقى شي واحد
.....شنو
....اوس
ضاج كلش وطلع باكيت الجكاير وطلع جكارة ورثها
وكام يدخن
.... ليش تحجين بي ليش جيبين اسمه شبي
....ليش نسجن وانت سبب بسجنه
....اي اني بلغت عنه
....صدك
....اي والله
.....ليش شسوه هو
...زور بيت وقطعه ارض
...شنو يعني
.....يعني اخر شي كام ياخذ حقوق الناس يزور بيوتهم
ورا زواجج اكتشف هذا الشي بس ماحجيت كلت احتمال غلطه وحدة ويصلحها
بس من رجعت عرفت انو هو زور بيت ناس هما كاعدين بي وباعه وهجول عائله كامله
بس هما ميعرفون منو الي سوا هيج لان جان شغله مال واحد شاطر كلش
بس اني عرفت هو لان الي باع بيتهم هو يعرف
ابنهم يصير صديقه واستغل انو الولد كله انو هما عدهم مشكله باوراق البيت
فجانت هنا فرصته رتب الوضع وباعه لواحد خارج لعراق
....اي
...شنو اي واني عرفت بي لان قبل سواها واني سكتت
بس هالمرة ضميري ماسمحلي اسكت وأتغاضى عن فعلته
.....شسويت
.....كلت لااصحاب الحق وكنت شاهد
....يعرف بيك
.....اي
....اخاف عليك خاف يسوي شي الك
...لتخافين جبان
... ميطلع
....سمعت منطين فلوس حتى لايطلع
بس احتمال جبير هو هم ينطي فلوس ويطلع
....اكول دينا فاتحه صيدليه
....اي بفلوس اخوها هاي وحدةمتستحي لاتحلل
ولاتحرم واالله استحي هذا ابن خالتي
صدوك وصمة عار علينا
هيج الانسان ينخدع بااقرب الناس اله
بس تعرفين اوس مجان هيج صحيح من احنا صغار كانت بيننا منافسه بس مجان يتصرف هيج تصرفات ولاجان عندة هيج قابليه ويسوي هيج
.....اني هم كلش مستغربه معقوله هذا اوس تحول لهيج انسان
.....اوس بداياته انتي والاساس امه واخته من زمان اابو الله يرحمه ميشتغل وهو اخذ على عاتقه تحمل مسؤولياتهم
بس كامو يضغطون عليه اكثر من الازم ويطلبون منه
وكامو يقرون براسه وتعلم على سوالفهم وكام يمشي وراهم وتبعهم للأسف
....بس احس ميمشوها النا
....منو
....الكل
...دينا واوس وحتى كاميران
...ههههه لتخافين واني موجود
....اخاف عليك
....لتخافين
ابتسمت اله
حلو شعور الأمان من تحسين اكو انسان يحميج
....اني جنت دائما احميج من بعيد مامعقوله مااحميج
وانتي بقربي
....زين انت شكلت لكاميران وهيج خليته يطلكني
....هههههه
....ليش تضحك
...مو صرت من وراج عصابجي
....هههه شلون يعني
.....كتله اذا مطلكتها اقتلك خلاص ومتكلفني اكثر من طلقه ام الربع دينار وانت تعرفني بعد
مشفتي بيوم الى اجى خايف ويباوع ميحجي
...كاميران موانسان سيء بالعكس
....استغفرالله
....شبيك
...اشو كمتي دكولين موانسان سيء تريدين ارجعج اله
اذا هيج
...لا
....ها
.....شاهين
....نعم
....اني اقبل
ضحك
....واني هم اقبل بيج يله شسوي هذا الموجود
.....هههههه صدك والله
...ابتسم
يله اوصلج للبيت اتأخر الوقت
..اوكي
قفلت المحل وكمش يدي وصلني للسيارة
حسيت نفسي كأنما بته وكامشني وخايف عليه
شكد حلو هذا الاحساس انك تكمش يد انسان وتحسه هو ملاكك الحارس والشخص الي يخاف عليك من الكل
ويحميك بلا متدري
كعدت بصفه وبقى يسوق لحد ماوصلني لباب البيت
كتله
....استحي انزل ا خاف احد شافني شيكولون عليه
....ومنو يكدر يجيب طاريج بكلمه
انتي هسه مالتي
....شراح اسوي هسه
... كلشي مااسوي
...شنو كلشي مسوي يعني انت مواجيت وكلت اريد اخطبج
....لامااخطبج احبج سنتين
ههههه لج بابا اني كبرت فااكيد راح اجي اخطبج
كمش يدي وكلي
...لدوخين نفسج مااريد شي يعكر مزاجج لان ياستار من يتعكر مزاجج تنكلبين حتى وجهج يصير
وسكت
...شنويعني اصير محلوة
نصه صوته تصيرين احلى واني مااتحمل لان حتى
هذا قربج يمي يخليني اتعب
اني مااريد يجمعنا بس مكان اريد يجمعنا احساس
ونفس واحد
.....خجلت
...هههه
.... يله اتاخر الوقت خلي اروح
نزلت وعيوني تلمع بفرحه وماصدكت الي صار يمكن اني بحلم وهسه اصحى
وارجع للواقع المرير
فتحت الباب مال بيت وباوعت على شاهين بعدة كاعد
ينتظرني ادخل جوة
سويتله باي بيدي وجان ميهلي افوت ردت اباوع بوجه
اكثر
ومن دخلت وفتحت الباب
شفت امي واكفه وصايرة عصبيه
عرفتها ضايجه من شي
....كلت
....السلام وعليكم
اخويه مجاوبني
امي كالتلي
....وعليكم السلام
تعاي هيلين
...اي جيت
رحت وراها للمطبخ
....ها ماما شكو
....انتي كوليلي شكو
....شمدريني اني شصاير
...طبعا ملتهيه وياشاهين
...ها شاهين ليش شمدريجً
...اخوج اجاج للمحل وشايف شاهين وحاط وراجع واجى كام يحجي ويعيط
...ها مابقى بس علي الي يعلمني
...اخوج شنو يعلمج
.....واني هم اخته احسن مخالته يدفعج عليه المفروض دكوليله هاي اختك
.....بنتي انتي مطلقه
....وشنو يعني مطلقه كل الي اطلكن موخوش
...العالم تحجي ومترحم
....وعلى شنو العالم متحجي لشوكت نظل نوقف حياتنا
علمود الناس
....بيش دتقنعيني انتي ها شنو تريدين احجي شنو يريد منج
...عالعموم اني مااسوي شي غلط وشاهين راح يخطبني
واني وافقت هالمرة
....اصخام بوجهي اي والله شتوافقين ومرته اجايه هي والبنيه
هنا
شتوافقين خرب حظي
.....شنو
.....اي لعد شنحجي
...شو ماكال
....علااساس كالت مرته ميعرف مسويتها مفاجئه
اجتي اليوم اني لان اليوم رحت يم خالتج
ودخلت مرته هي والبنيه الصغيرة
دكولين لعابه
صغيرة وكعدت وحدة فد لسان اكل الدنيا بلسانها
يريد يخطبج عود مااعرف اني شبي حظي وحظكم
....بس هو مطلكها
....والله شمدريني شوماكالت فائزة ومكيفه بيهم والبنيه
مانزلت من حضنها
حسيت الحايط وكع عليه كمشت راسي ورحت كعدت
على الكرسي
امي بقت ساكته ومتحجي وتركتني وراحت للغرفه
واني كعدت شويه وبعدها كمت
دخلت لغرفتي
ياالله يعني شلون اني مااكدر افرح شويه هاي منين طلعتلي هالمرة هو موكلي اني مطلكها ليش اجايه شتريد واذا مطلكها شلون تجي بيت اهله
هم راح ارجع ألم جروح واداويها
عشت وياه لحظات فرح هسه حسيتها نهدت
وفعلا صحيت من هذا الحلم جنت خايفه بس صحيت
على وجع
ماعرفت شسوي غير انو انام حتى لااظل افكر لان كثرة التفكير راح تقتلني
نمت وكعدت الصبح مزاجي متعكر وراسي يوجعني
وماحجيت ويااهلي بدلت وطلعت رحت للدوام
وبعدها رجعت للبيت نمت وبقيت شويه وهم رديت رحت للمحل
لحد مصارت ساعه بالسته وشويه نفتحت الباب ودخل شاهين وياه بنيه صغيرة
كمت تقربت يمهم وشكد جنت عصبيه وضايجه بس من شفتها كمت اضحك حلوة
وصغيرونه ويدها صغيرة وعدها ستوتات اثنين
ولابسه لون وردي وعيونها تخبل
شكلها خلاني اشعر براحة نفسية
...هلو هيلين
....هلو
كتله من ورا خشمي
باوعت على البنيه
كتلها
....هلو شنو هالعسل هذا
.....هاي ياسمين
....حياتي شلون حلوة
ترك يدها وكامت تلعب وتروح وتجي وبكوة تمشي
كمت اسئل عليها
كتله
.....شكد عمرها
.... يعني بالضبط مااعرف ههههه بس يمكن سنه ونص شويه اكثر شويه اقل هههه
...الله يخليها
انطيتها دب جان بالمحل موجود
بقت كاعدة وتلعب بي
بقى يباوعلي
وكلي
...ياريت لو ياسمين منج جان مانقسم كلبي نصين
....ليش
.....لان المفروض الاب بحياه بنته هو السند الوحيد وهو اجمل رجل يمر بحياتها وهو الفارس الشجاع الي يحميها دائما وهو الرجل الي تتمنى في يوم ما ترتبط بواحد يشبه بكلشي
فكنت اتمنى هي بنتج حتى ماابتعد لاعنج ولاعنها وتكونون اثنينكم بحياتي
ماعرفت شجاوبه
بقيت ساكته
....ليش ساكته شبيج
......زوجتك رجعت
....اي رجعت
.....ها يعني
...قبل متكملبن هي مو زوجتي هي طليقتي
....ها
...اي
...لعد ليش اجتي
.....الي يربطني بيها بتي ولاتظنين فديوم اقلل من احترامها لان الي يربطنا شي المفروض يبقى اساسه الاحترام المتبادل
بس الي يربطنا هاي الطفله ماتربطني بيها مشاعر وحب
تمام
فلي اريدة منج انج تتفهمين هذا الشي
....ها اتفهم هذا الشي
....اي
....يعني شلون بله اتفهم انو انت مطلكها وهي اجايه بيتكم ودكعدون وتحجون وطلعون سوا
شلون يعني
....هههههه
....ليش تضحك
....شكلج حلو من تغارين
....وليش اغار قابل انت حبيبي زوجي خطيبي انت ابن خالتي
بقى يباوع ويضحك بغرور
....اريد اشرب جكاير بس مااكدر اشرب من ياسمين موجودة
بقيها يمج اطلع اشرب جكارة بالباب واجي
...ميخالف
طلع وبته تباوع عليه
رحت يمها وكمشت يدها ياالله شكد تشبه شاهين
عيونها وحلكها بس خشمها يختلف
ونظراتها نفس نظراته
بقيت العب وياها
وذكرت شلون
حرمني كاميران من الاطفال لمدة اربع سنوات
نداريت وشفت شاهين ديباوع علينا من الجامه
وشويه ودخل
كلي
....شبيج اليوم شو مختلفه لو هم كلبتي
....اني ماكلبت بس عرفت زوجتك راجعه
...وشو يعني وهي مو زوجتي كتلج
...يعني مبين هي تحبك وتريد ترجعلك وصراحه من شفت بتك انقهرت لازم هيج ملاك يعيش بين اب وام
حرام
ابتسم
.....اني هوايه رادن يوصلن لكلبي وهوايه جانن بحياتي
بس انتي الي جنتي بداخله
واني مااريد ارجع زوجتي ارد واكلج كلبي مقسوم نصين
بس مااكدر ابتعد عنج اني اريدج الج
.....وياسمين
...ياسمين
وباوع عليها وضحك وجتي ركض عليه وبقى يباوع عليها
رد كال
.....ياسمين راح تبقى ويا والدتها لان مااكدر احرمها منها
ومن تكبر شويه هي تختار وين تفضل تعيش يمي او يم والدتها
....ان شاءالله
....يله اني اروح
...شاهين زوجتك يمك قصدي بيتكم
.....ضحك اي بغرفتي وغمزلي
....صدك
...لااكيد اني اريدج انتي بغرفتي ههههه
...لعد وينها
....راحت
....وياسمين
...يم امي لان ممصدكه بيها طايرة
...اي اكيد حفيدتها تحبها
