،،،،،انت تعلم بأنني أحبك كالموت
والحياة فلا الحياة تتوقف
ولاالموت يموت ،،،،،،
،،،،،،،،،،
وكفتنا نظرات وكأنما نظرات وحش
وصوت يكول
.....عالخير دكتور مبروك ياعروسه ياهيلين
باوعت هذا اوس
شفت لحيته طويله وهدومه مخربطه ويااه ولد
جان منظرة مكسور ومهزوز صراحه انقهرت لمن شفت شكله هوايه متغير معقوله قباحة أفعال الانسان تغير
حتى شكله سواد القلب وحقدة يظهر على الوجة
شاهين وكف وجرني ورا
باوعت زين من ورا شاهين وكلبي الي جنت كامشته
من الفرحه هسه كمشته من الخوف
سمعت صوته وهو يكول لشاهين
.....اليوم عرسك اجيت اهنيك
.....اي زين
.....اي شلون تريد اهنيك
.....شوف اوس لم زعاطيطك منا وروح ولشوفني وجهك
زين يله ترة انت متهز شعرايه من راسي
...خفت مني
....ههههه اي كلشي
شتريد اجاي هسه ها فضني موجنت مسجون بس زين فلوسك الي مال حرام فادتك
...اي بفلوسي طلعت وهاي الواكفه وراك ترة اني احق بيها منك
.....شوف اكلك ترة اذا اجيب طاريها اسويك ميت قطعه
دربالك
...واذا مادرت بالي شراح يصير
..انت تعرف شنو الي يصير
اني سكتت لحد الان على سوالفك دير وجهك وروح
....انت سكتت انت دمرت حياتي اخذتها مني وسجنتني ودمرت اختي
......انتو بئرة من الحقارة والفساد والأذيه
بعد متحملت
طلعت من ورا شاهين وباوعت بوجه اوس وشفته بقى صافن عليه وتقرب منا
.....هيلين مبروك بت خالتي يامن جنتي دكولين دائما اني صديقة طفولتك
....مابقى شي بينه لاصداقه ولاحتى قرابه للاسف انت دمرت كلشي حلو جان يخصك بداخلي
.شتريد اوس ليش اجاي تخرب فرحتي
اندار وأشر للولد الي اجاين وياه
وكللهم
.....روحو يم السيارة هسه اجي
كلي
....هذا دمر حياتي
وأشر على شاهين
هم اخذج وهم سجني
باوعت عليه كلت هذا لازم احجي وياة بهداوة حتى ليسوي
شي لان عيونه بيها شر
....اوس اترجاك روح وعوفني اعيش كافي الي شفته
كلي شاهين
....لتحجين وياة بله خلي اشوف هو شيكدر يسوي
حجيت بصوت ناصي
.....شاهين ليش دتستفزه هو مبين ميريد يسوي شي
...خلي يولي عباله يخوفني مبين شارب شوفي شلون مديتوازن
نزلوو اصدقاء شاهين جانت سيارتهم واكفه بعيد
من شافوً
واكف
اتقدمووو كالو لشاهين
....هاشاهين شكوووو
....ماكو شي
....دننتظرك
...هسه شويه
...اوكي
وراحو وكفو بعيد
كله شاهين لا اوس
....يله روح منا
....عبالك مااكدر اكتلك
....اي يله
ندار عليه وكلي
.....راح نتلاكه مرة ثانيه اني اليوم مااجيت اسوي شي
بس اجيت اتأكد من اخر حلم نهدم بحياتي
ودار وجه ومشى وراح وكف يم السيارة وبقى يباوع من بعيد
وعرفت نظراته بيها انتقام بس مثل مكال موهسه بعد
يمكن هو راد يأذي شاهين
بس وجودي الي وكفه
للحظات حسيت هاي النظرة راح يكون وراها هذا الوحش الي راح يدمر كلشي ويبوك فرحتي
الحمدلله
الي عدت على خير
بعدها صعد بالسيارة وراح ضحكت ضحكه حسيت
الدنيا كلها ضحكت على ضحكتي
وشاهين
مد يده وكلي
....يله يامسك الختام
....حبيبي
ابتسم
فتحلي باب السيارة وصعدت وهو مشى وحجى ويا امه
وبعدها اجى وصعد بصفي
قبل مريت بهذا الموقف نفسه
بس جان الشعور يفرق
قبل ردت اصيح واكللهم لتخلو ياخذني مااريد
نزلوني. داختنك داموت بس
هالمرة اريد ابعد عن العالم كله وابقى بس وياه
باوعت على اهلي امي واختي
كلهم واكفين بالباب
وشفت سيارات وكفت ورا شاهين
كتله
...هاي منو
...اصدقائي مااقتنعو انو ازوج هيج
.....ههههه
....لعد
....يله خلي نشوف
شغل السيارة
وصلنا لبيتنا جانت اكو هوايه سيارات
ولد شكد واكفين
فتحلي الباب ونزلني
واصدقائه ولد عمه شغلو اغاني وكامو يركصون
وهو واكف وكامش يدي وكل شويه وينزل البركع على وجهي
ودخلني جوة
وبعدها بدو يسلمون عليه
وراحو
وشويه ودخل شاهين جوة
غمزلي😉😉😉
جنت كاعدة بالصاله
اجى كعد بصفي وكمش يدي
كلي
...هيلين
دنكت راسي وجسمي كام يرجف ولساني بعد ماكامت تطلع منه الكلمه
...هيلانه احجي شو ساكته شنو البزونه اكلت لسانج سمعيني هالصويت الي يخبل
،..نعم
....شلونج
...الحمدلله
...ليش خايفه
ورفع وجهي وباوعني
وكلي
والخدود صايرة حمرة والعيون تلمع
...اني مخايفه بس ممصدكه اليوم اني صرت مرتك
اسجد شكر لله الي انطاني هاي الفرحه بحياتي
...الحمدلله كلشي راح وصرتي الي
نزلت عيوني
.....باعي بعيوني لتهربين مني
طالعه حلوة ماردت هاي االليله احد يشوفج
...تغار عليه
....اموت من القهر من احد يحاجيج وج لواكدر اسجنج بيه لواكدر اخذج بين كلبي واخليج
لو اكدر مااخلي حتى الهوى يلمسج
احبج هوايه هيلين وتعبت هوايه وتحملت هوايه ودست
على كلبي هوايه وابتعدت واني جنت اموت كل يوم
جنت كل يوم احس نفسي افقد جزء مني
خفت عليج وحبيتج للدرجه الي ماكدرت افهمج
بس موبيدي
هيلين مااريد يجي يوم وتزعلين ومتنامين بحضني
مااريد احس بالبرد وانتي يمي
احبج بس بطريقه تجاوزت انو اعرفها
دائما جانت ابتسامتي مربوطه بيج
كون تحبيني وتفهميني وتفهمي مزاجي المتقلب
وساعات عصبيتي.
....راح افهمك وراح احسك
واني اشوفك ابتسم وادعي الله لايحرمني منك
اني هم هوايه تعبت وهوايه تألمت
وصلت لمرحله من اليأس محد يمكن وصله
جنت عايشه على الهامش
محد كدر ياخذ مكانك ومحد كدر ياخذ ولوشويه من كلبي
كلبي بس انت مليته وبس وياك حسيت باامان
انت فارس احلامي الي جان وهم وتحول لحقيقه
وكف وكمش يدي
ورحنه لغرفه النوم
نزع سترته ورباطه وكلي
.....اليوم انتي الي
كل جزء بيج وكل نفس بيج الي
وكف وجان يكلي
...اخ اخ
...شبيك
.....منا يوجعني
...منين
..منا
وأشر على حلكه
.....ههههه حيال
وملكني جسد وروح
،،،،،،،،،،،،.،..،،،،
عندما قبلني بهذيان روحي أخذني
وعندما احتضنني لآخر الدنيا أرسلني
هويملك جسدي وأنفاسي المضطربة
ودقات قلبي المتسارعه المغتربه
أنا اصبحت ملكك الان ياسيدي
ياطبيب قلبي فهل لك ان تطمئن على
نبضي فوالله قلبي يخفق بشدة
منذ أن رأيتك يا عمري
انت الان عمري القادم
فمن يستجرأ وياخذ
روحي مني
وانت روح نولدت في
داخلي
سوف ابقى على امل الانتظار
بان يرزقني الله جزء منك
يحمل دمك ويشبه اسمك
ويأخذ غرور عينك
ودفء كلماتك
وصوتك النابض بالحنين
ياملاكي ياماضي اصبح الان
حاضرأ بي وياحب
لم يمت منذ سنين
