ظليت كاعدة لحد مااجتي امي
.....يله هسه شويه ونروح
كللها اوس
....خاله اني اوصلكم
...لاحبيبي تسلم راح يوصلنا شاهين بطريقه
...زين خالتي براحتج
وراحت امي ورجعت يمهم سمعته يكلي
.... هسه ماكلتيلي ليش نهزمتي مناك
.....لامانهزمت
....ضايجه من شي
...لا لويش اضوج موكتلك ماكوشي
.....اني احس بيج من ضوجين حافظ حركاتج
...ههههه هاي شنو مراقب حركاتي انت
...اي نسيتي احنا اصدقاء من صغار
...اي كلنا جنا اصدقاء بس هسه كبرنا وتغيرنا
....اني ماتغيرت واذكر كلشي
وابتسم وكال تذكرين مرة من جان عمرنا تقريبا سبع سنوات وردنا نروح نلعب بالمراجيح ونهزمنا اني وياج
وضعنا و معرفنا وين نروح وانتي كعدتي تبجين خفتي ورحتي وكعدتي على الرصيف وظلينا كاعدين وظليت خايف عليج وكامشج من يدج قوي خفت احد يأذيج
...ههههه اي اذكر بوقتها جانت الدنيا باردة
ونزعت القمصله مالتك وانطيتنياها لان خفت اتمرض
ههههه ايام حلوة صدك
...اي صحيح ايام كلش حلوة
...بوكتها منو رجعنا مااذكر
تغيرت ابتسامته
...شاهين اجى علينا وكام يعيط عليه
واخذج الج وراح واني كمت اركض وراكم
...اي اذكرت
ومن جان ديحجى اوس حسيت الي كاله عبالك شريط فيديو
ومشى كدامي
...صفنتي
....اي ذكرت هاي الايام
...اي
ضحكت كتله اي سولفلي
....ياابن خالتي شو مازوجت لحد الان
...بعدني صغير
......اي خطيه
....هو غير اني اكبر منج بسنه و 15 يوم بس
....اي قابل اني صغيرة ههههه
.... بعدج صغيرة واصلا انتي كلما دتكبرين دصيرين احلى
....ههههه لا صدك ليش مزوجت
....ملكيت وحدة مثلها
...اهاا تحب
...اي
هو ديحجي واجتي دينا وشاهين ديمشي وراها
....هاي انتو هنا
...وين تروحون
طلع شاهين للحديقه
ودينا وكفت
...للحديقه
كللها اوس
...شبي
....مابي شي
باوعلي اوس وكال لأخته
...ها شو مخنوك
دخل شاهين وكعد على الميز
...دينا
....ها عيني
...اريد كهوة لان راسي راح ينفجر
..اي هسه
وراحت تسوي كهوة وهو كعد يلعب بالشمعدان الي على الميز وميحجي شي
رد التاف عليه اوس
...اي وين جنى نحجي
وتقصد عبالك يعلي صوته
اني نصيت صوتي
....كتله تحب
كام يحجي بصوت عالي
..اي احب
...لعد ليش مزوجتها
كمت احس شاهين خال اذانه يمنا واني كمت مااعرف احجي بحيث احجي بدون تركيز
....ياريت لواكدر
...ليش
حرك وجه بحزن
...لهوايه امور
...اذا هي تحبك ليش لا
...تعرفين يا هلين اني احبها من شوكت احبها من اول مابديت اعرف شنو يعني نحب انسان ونتعلق بي
ذكرني بنفسي ونفس الشعور الي احسه انو اني حبيت شاهين من اول مابديت اعرف شنو الحب
....ياعيني مبينه حلوة
....كلش حلوة
وجان يباوع بوجهي من يحجي
جنت عبالك احسه يقصدني ولكن بعدت هاي الفكرة من راسي لان اني كلش احب اوس واحترمه عكس الكل
كلبه طيب ويايه وتعامله كلش راقي
وهادئ ودورات يصير شقاوجي واستمتع بالكلام وياة
رفعت حواجبي
...نيالها
ابتسم ونزل عينه وباوع على الكاع
.....اني من اباوع بوجهها افقد الشعور بالمكان والزمان
ودكات الساعه توكف
...ياعيني ياعيني مبينه عدها حظ بس اني بدالك ازوجها
...مااتصور تقبل
