ياربي ليش هيج داتعذب
وبقت تتردد با إذاني كلمه احبج وانتي موالي
يمكن ترددت ميت مرة بكم ثانيه بس
شنو الي يمنعه
يوصلي شنو الي بين اوس وشاهين
كل تفكيرنا هي مجرد لحظات وكل اوقات الصدمات هي لحظه تمر علينا تخربط كلشي
وبعض هاي الصدمات لوتهدم لوتبني
هالمرة مداعرف شنو نوع صدمتي حلم جديد لازم أشبث بي
واحارب علمودة لو كابوس راح ينتهي بموت كلشي
ينبض بداخلي
باوعت اوس كاعد وكامش خشمه وجه كل دم
ركضت عليه
وكعدت يمه
....هاي شنو عزة هاي شنو هيج خاف نكسر خشمك
شفت اكو ملابس جانت برة مشروره
اخذت منها بلوز
وجيت امسح وجه بس لمن خليت يدي
على وجه دفع يدي
.....انتي لشوكت اظلين تلحكين ورا
لج لشوكت اظلين بلا كرامه علمودة انتي شنو
انتي ماعندج عقل
....مجاوبته على الى كاله لان هسه مو وقت احاسبه واكله لتجاوز
لان منظرة و وجه المدمه
وخفت احد يطلع ويشوفه هيج
....كوم غسل وجهك
.....انتي معليج بيه انتي ظلي بالدكتور مالتج خلي يفيدج
.....كافي عد انت معليك بيه
....مع الاسف بقيت كل العمر الي عشته احبج
كام وكف ودفعني وراح على البوري مال حديقه غسل وجه
صراحه انقهرت عليه لان احنا اثنينا نعيش
نفس المشاعر اثنينا بقينا نخفى حبنا
وبعدين ماكدرنا نصمت
حبنا صار مثل النفاخه ظلت تكبر وتكبر وتكبر
وبعدها نفجرت
واني و اوس خفينا احساسنا لحد ماكبر ونفجر و بعد مامنه
لازم يبين ويفضحنا
بس هو يحبني الي واني احب شاهين
واني
مافكرت بيوم انو ازوج واحد غير شاهين ويكون عندي طفل هو مو ابوه
رجعت اباوع على اوس شفته طلع وصعد بسيارته وطلع كلينس
ورجع راسه ليورة وظل ميتحرك واني ساكنه
بمكاني
انتظرة ينزل لان اني خفت عليه واني طول عمري احب اوس
بس حبي ماممكن يكون حب بين رجل وامراة
ظليت واكفه وانتظرته وهو دار وجه وشافني واكفه وبقى يباوع عليه
وبعدها نزل وقفل سيارته واجى
بيدة كلينس
....بعدة خشمك ينزف
...لا وكف
.....ليش متروح للمسشفى
....عادي هاي مو اول مرة
...ليش شاهين ضاربك من قبل
....اي مرتين
....معقوله
....شفتي دكتور بس متخلف همجي
....مامعقوله شاهين موهيج
....اي اكيد راح دكولين مامعقوله لان انتي متشوفين شاهين بي عيوب
...شنو الي بينك وبين شاهين ليش هيج
اني جنت اشوفكم اصدقاء
اني كتلج سابقا عمري ماكنت صديق شاهين
والي بيننا انتي من زمان انتي السبب وراح تبقين انتي السبب
....اني.
....اي.
.....ليش اني
.....هيلين
.....نعم
....والله العظيم احبج ومااتخيل الدنيا بدونج
اني سكتت وسكتت وتحملت سهر وقلق
وتحملت اشوف نظراتج اله وكلماتج الي تحجيها
بدون ماتحسين على نفسج
كل هذا تحملته لاني احبج وحاولت ابتعد
لان عرفت بيج تحبي وكرامتي ماسمحتلي
بس لمن شاهين خطب دينا رجع الامل بداخلي رجع كلبي يدك من بعد ماجان ميت
رجعت اريدج اكثر واحبج اكثر
اني متهمني المستويات ولا الفوارق
ولايهمني اي شي مضى بحياتج
تهميني انتي
بس الباقي ماضي وانتي وحدج الحاضر
خلي يدج بيدي وخلي نبني حياة اني وياج بعيد عن الكل
كلشي بيه جان مضطرب وخايف من اجابتي وردت فعل اوس
لان نظرات عيونه وكفته توحي بأنو اذا كتله لا
يمكن ينقض عليه مثل الفريسه
بس لازم اكله لا
.....اوس
....نعم
....اني اسفه
وجنت منزله عيني واحجي ماكدرت اخلي عيني بعينه
ماردت اشوف حزن بعينه ولا ردت اشوف
قوة
....اني مااكدر اعيش وياك حياة واظلمك ويايه مااكدر بالذات انت اني عشت طول عمري احبك واعزك
واحترمك بس صعب اعيش وياك واكون زوجه
مااكدر
..تريدي اله
...لا هو حلم بعيد بس حتى اذا ازوج اخذ واحد مااعرفه وخلص حياة وامشيها اذا ازوجت اصلا
...تخربين حياة كامله لخاطرة ههههه عجيبه هاي الدنيا
ترفضين حبي الج وترفضين الي اني مستعد اسوي علمودج
علمود واحد ممهتملج ويشوفج متليقين بي
ليش
...سؤالي اليك انت ليش
...شنو قصدك
.....ليش اني ليش تريدني اني ليش
....لان حبيتج
.....ليش اني وليش حبيتني
...مااعرف
...اذن اني هم مااعرف
....اذا تحدي فخلص هو موضوع تحدي لو اني ازوجج
لو لا ماراح اخلي شاهين ياخذج ولو هو اصلا ميفكر بيج
لو انا لو متاخذين واحد منا عود ازوجي واحد متعرفي
احسن
ودار وجه وكف بعيد عني
متحملت اسكت
....اسمع اكلك اني مولعبه بيدك انت معليك بحياتي
سمعت وكافي عد طلعو من حياتي
بدون ميندار ويباوع عليه كلي
....اي ميخالف عود طلعيني من حياتج
....اي اطلعك
ودرت وجهي ودخلت جوة
كمشت نفسي ورحت كعدت خالتي جانت كاعدة
وتحجي وياامي
وامي تحجي وياها من ورا خشمها
كالتلها خالتي لاامي
....احنا خوما نخلي الزعاطيط يخربون بيننا
قصدها اني
كتلها
....قصدج بتج الصيدلانيه ليش زعطوطه هي
...انتي معليج هيلين حجى بيني وبين امج
....امي مريضه وماكو حجي بينكم طلعو من حياتنا
خلص معليكم بينا احنا ماانأثر عليكم بشي
....والله كل المصايب والمشاكل من جوة
راسج
.....صدك والله خوبن من جوة راس بتج الصفرة
الي شايله حقارة الدنيا كلها
.....اشو انتي متحترمين احد
....هوايه احترمنا وسكتنا وكلنا عيب ويله ونمشي وندوس على نفسنا وعلى اعصابنا ونسمع حجي تافة منكم
ونسكت شوفي هذا مستوانا شوفي بيتنا ميليق بيج
خالتي جان المفروض متنزلين مستواج وتجين لهيج
مكان خاف هدومج تتوصخ
....والله طلعلج لسان
....موااكلج متعلمين علينه فقرة هم بحالنا وهم فقرة بلسانه
بس الانسان الا طاقه.
عنده قدرة تحمل.
ماحسيت غير دموعي كامت تنزل حسيت كل هموم الدنيا تراكمت فوك راسي كلشي بحياتي اجى
هسه
حالنا كعدتنا الي لاترضي لاعدو ولاحبيب وضع ابويه وضع امي
وضع اخوتي
وضعي اني الكل دياخذ قطعه مني
ومابقتلي ولاقطعه بكلبي اعيش بيها
امي اشرتلي كافي
.....ليش عود اسكت ليش ياامي طلعيهم من حياتج
مثل ماهما جانو دائما حاسبينه لاشيء يمهم
مثل مجانو يسمعوج حجي وتجين دمعتج على خدج
وتسكتين
...احنا خواتها والدم ميصير مي موانتي
أجايه تغيرين وضعها علينا
....شفتي شدكلج ياامي وضعها علينا قصدها خدامتها النا
سمعتي اعترفت بلسانها
هبت خالتي واكفه
سكتي لج واني الى اجيت هنا وبنيتي غير شي
وكتلها لاامج بس والله لو يثكلوج ذهب مااخذج
.عرفت دتقصد انو هي اجايه
تريدني لااوس لان مبينه جارها جر وجايبها
هي ماتكدر دكول لااوس لا ن هو الي يصرف عليهم
زوجها رجال جبير ميشغتل واوس
يشتغل وحالته زينه ومعيشهم
فااكيد جابرها تجي
...والله لو يبقى اخر رجال مااخذة
شالت جنطتها وطلعت
امي تباوع متحجي بس وضعها لاامي مديريحني من يوم الحريق
ولحد الان تعبانه وخامله
ومتتحرك ودوخ
لازم اوديها لدكتور بس ماعدنا فلوس
شلو راح ادبرها
دخلت للغرفه الجوة وصحت
علي وايمان
....ها هيلين
.....ايمان نزعي هاي التراجي وهذا الزنجيل ولو كلش خفيف
بس خلي نبيعه ويا هاي التراجي مالتي وحتى نسوك
ونودي امي للدكتو ر
نزعتهن
ايمان وانطتنياها واني هم نزعت التراجي ولفيتهن بكلينسه
وشلتهن
....لدكولون لاامي شي وعلي انت لازم تشوفلك شغله
صانع شي اطلع دورلك حاجه
واني هم من باجر اطلع اشوف بلكي الكه شغله
خوما نظل هيج نموت من الجوع
....اي ميخالف هسه اطلع
ادور بلكي احد يشغلني
...جنا عايشين ونكلبت حياتنا سودة بسواد هاي الغرفه المحروكه
وجانت اليوم كامشتني البجيه كل شويه ابجي
كعدت يمي ايمان وحضنتني
....شراح نسوي هيلين
خليت يدي على راسي
.....والله مااعرف ماادري شسوي مااعرف ليش هيج دنتعذب
ياربي رحمتك ياربي ارحمنا وافتحنه باب رزقك
وثاني يوم الصبح كعدت وضع امي زايد
ومتحجي ومتقبل تاكل
وصيت ايمان عليها وعلى ابويه وطلعت رحت على
صايغ علمود بيعتً هذا الذهب بكوة انطاني 200الف
بعته ورجعت وذكرت مرة خالتي جانت دكول كاميران خوش دكتور وهو العيادة مالته بصف العيادة مال شاهين
لان اني مااندل غير واحد
واجى اخويه يصيح
....هيلين هيلين
....اش شبيك
....لكيت شغل
....صدك ياالله وين
...عند هذا ابو الاسواق الي براس الشارع كلي انطيك
خمسه باليوم بس العصر اروح اربع ساعات
....عزة هاي شلون نعيش بيها
...ادور على شغله الصبح هم
...اوف ياربي الله كريم علاوي الله مايكطع تفرج
ان شاءالله
ندكت الباب وجتي ام أسعد
.جايبتلنا غده
....خاله هيلين
....ها خاله
...هاج
.....شنو هالزحمه خاله فدوة
...يمعودة الناس للناس
....مااعرف شلون نجازيج على وكفتج ويانه والله سويتي الي ماسواه اهلنا.
....لاتهتمين حبيبه انتو جوارين عمر وياما وياما
امج واكفه ويايه وراكضه ويايه بمشاكلي وبحاجتي
امج درة بس خاله عينج عليها لان مبينه تعبانه
كلش
.....راح اوديها لدكتور اليوم ان شاءالله
...محتاجه فلوس
.....لا خاله تسلمين متقصرين
....يله من تجون اجي اشوف اشكال الدكتور
...هلا بيج
...مع السلامه
....مع السلامه
دخلت الاكل ودخلت جوة صبيتلهم
اكلو ونطيت الدوة لاابويه
وكتلها لاامي
....يله ماما كومي داوديج للدكتور
،....مااروح ومنيلج فلوس
....عندي. معليج
...مااروح
...يله فدوة لكلبج وساعه نقنع بيها يله
قبلت لبستها عبايتها واني بدلت واخذنا تكسي
ورحنا اني اندل العيادة مال شاهين مرة
رحت ويا خالتي
وصلنا للعيادة وسئلت رجال جبير
السلام وعليكم عمو بلا زحمه الدكتور موجود
....لاوالله يابنتي بعد نص ساعه هيج يله يجي
هسه بعدهم كل الدكاترة ما موجودين
كعدي هنا بنتي انتظري
...اشكرك عمو تسلم
لكيت كراسي حاطيها للمراجعين برة كعدت امي وكعدت بصفها.
هو مجمع طبي العيادة مال شاهين بصف العيادة مال الدكتور كاميران
لمن كعدت صارت القطعه
مال العيادة مال شاهين كدامي
مكتوبه بلون الاسود
د.شاهين
وسرحت بحروف اسمه مثل ماكلما اسرح بخيالي وياة
ظلينا كاعدين وننتظر
فوك النص ساعه يله اجى السكرتير واخذ اسمنا بس كال وراكم هوايه وبدو المراجعين يصيرون هوايه
وشفت حالات تمرد القلب
وظلينا كاعدين وامي منتهيه مابيها حيل كوة كاعدة
واحنا ننتظر ونباوع ناس رايحه وناس جايه
لحد ماشفت شاهين اجى ودخل للعيادة مالته بس منتبه علينا لان مندار
ردت اشوف مكان اكوم ماكو كله عالم كاعدين ومااكدر اخذ امي اوكفها
ظليت كاعدة كلت
هو بعد ميطلع دخل لغرفته
بس ورا شويه شفته طلع ونازع سترته ولابس قميص ابيض وبنطرونه نيلي انيق فوك المعقول صدك
يخطف الانفاس
ويبوك دكات كلبي مني
درت وجهي حتى ليشوفني
عبالك بايكه بوكه
مااريد اشوفه مااريد اسمع كلامه مااريد أوجة
مااريد يساعدني بشي
بس هو دخل للعيادةمال صديقه
الدكتور كاميران وطلع ومن طلع مشى شويه وبعدين رجع وكف وباوع علينا
تقرب
.....هيلين خالتي شكوو
.....ماكوشي
....اجاين عليه
....لا على الدكتور كاميران
....ليش شكوً
.....امي مريضه كلش
....وليش ماكلتيلي ها
...ماكو داعي
.....وليش مادخلتو
....بعدة مااجاي اسمنا
....صار شكد كاعدين
...فوك الساعه
....دكومي
وكوم امي وباسها من راسها
....خاف تدللين
وكعد يشاقه وياها وهي تضحك بس مجاوب
دخل على السكرتير
وكله
.....اكو مراجعين يم الدكتور
....لا هسه راح ادخل
...زين لعد
ودخل وفتح الباب ودخلنا وكعد امي على الكرسي
....هاخير شاهين
كال هاي
...خالتي
....اهلا وسهلا
....باوعتله
كتله
....السلام وعليكم
...وعليكم السلام اهلا وسهلا
....وكام يحجي ويا امي ويايه وكال لازم اسوي فحوصات
وتجي على الاسبوع الجاي
وكتبلها ادويه مال ضغط جديدة وكال عدها عصب التوازن
وكال لازم فحص مال جهد ماادري شنو واني ساكته
اباوع علبهم يحجون هو وشاهين بلانكليزي
واني حجايه اعرفها وعشرة مااعرفها
اخذ شاهين الراجيته
وكال ابقي هنا يم الدكتور حتى اجيب الدوة ويفهمج عليه
....دكتور شاهين اني اجيب الدوة
....روحي كعدي هيلانه
وطلع وسد ورا الباب
باوع عليه الدكتور وابتسم كلي
...انتي نفسج مو
ضحكت لان اذكرت من جنت بالمرجوحه
....اي نفسي
....اسمج هيلانه
....لا اسمي هيلين
....مو داكول بس شاهين صاحج هيلانه
....اي هو يدلعني من جنا صغار
وبعدها سكتنا وظل هو يوزع ابتسامات ويباوعلي
طلع ورقه وكتب رقمه
ونفتحت الباب ودخل شاهين
وكف
وكاميران مد الورقه وكلي
...هذا رقمي اي شي يصير اوتحتاجين حاجه اتصلي عليه هذا رقمي الخاص
اخذت الورقه باارتباك لان عيون شاهين
صارت نار
....اشكرك
اجى شاهين انطه للدكتور كاميران الادويه
وبدا الدكتور يفهمني ويحجي ويايه ويكتب على الادويه
و وكف شاهين وجتف ورفع حواجبه بعصبيه ويباوع عليه
لان الدكتور جان يحجي واني احجي وياة
..تسلم دكتور
...ولو ياعيني تدللين
شاهين اختنك خفت لايضربه مثل اوس ردت بس اكوم
كومت امي
وشكرت من الدكتور وشاهين
وطلعت وشاهين هم ويانا
...كتله
....لشاهين اشكرك
بس شكد افلوس الادويه
تقرب من يمي
....سكتي مااريد اسمع صوتج ابد
انتظروني دقيقه اجيب السترة مالتي واجي
...ماكو داعي انت عندك مراجعين
خطيه
...انتظري كتلج
امي كالتلي
...دوكفي يابنتي هسه هو يوصلنا مابيه حيل ترة
تعبانه
...يله ماما
دخل للعيادة وطلع وجان شايل تلفونه وسويج السيارة
والجنطه مال لابتوب
والسترة على يدة
....يله
وطلعنا وصلنا للسيارة
وماما كالت
.....هيلين كعديني ليورة اريد امد رجلي
....اي ماما
كعدتها وكعدت اني بصفه
ميحجي شي وساكت
بس دخت لان هو يمي
تخيلت اني مرته وكاعدة هيج يمه وهو يباوعلي بحب
بس هو طول الطريق لاحجه ولاباوعلي
وصلنا للبيت ونزلت ماما وهو هم نزل ساعدنا
ودخلتها
وكلي
...تعاي اريدج
دخلت ماما ورجعت كتله
....يانعمً
....يانعمين
ليش اخذتي الرفم منه ها
...هو نطاني الرقم
.... وانتي ماعندج لسان ودكوليله شاهين يتصل بيك
....وشتريد مني
رجعت نظراته باردة ونطفى بريق الغضب بيها
...ماريد شي
....نشكرك جدا تعبت نفسك علمودنا
....هههه مبينه ضايجه علمودة
....علمود منو
....الي ضربته البارحه والي مستعد اضربه
ميت مرة
.....ليش
...محد يتعدى حدودة وياشاهين
....بس هذا الي يهمك
....هوايه شغلات تهمني
حسيت اكو هوايه كلام بكلبي لازم اكوله واكو ناس هوايه لازم تطلع من حياتي
حتى اكدر اتقدم وحتى لاابقى بنفس المكان
...انت اناني ومتفكر بس بروحك وكاعد دسوي شعلات عيب رجل دارس وفاهم مثلك يسويها
...مواني الي اسوي العيب
اني كلبي نكسر وصار ميت قطعه بسببج
...ليش
....اي اعترف اني احبج
اذا هاي الكلمه ترضيج بس انتي مترضيني
انتي مشروع مشاعر وداحاول اقتلها بس كلشي ينتهي بصعوبه بس بعدين ينتهي
....شنو الي دتحجي
...شنو حقيقه الي بينج وبين اوس
....ماكوًشي
...جذابه
...مامضطرة اكذب عليك
انت بيش تتهمني
كافي هيلين لان اني نفسي مامتحملها
.... تريدني اعوف الخجل واكلك شي
تريدني اصير جريئه واحجي تريدني اكلك انت شنو
واني شنو
....لا
....ليش تخاف
....ماخفت على شي بحياتي بكد ماخفت
يجي شي يلوثج بس اكتشفت الكل ملوثين
.....اي اكيد اني مومن مستواك النقي انت اكيد البيئه الي عايش بيها
هي بيئه موملوثه انما البيئه الي يعيشون
بيها امثالي لا
متوالم الي امثالك
......شنو امثالك وامثالي
....اي حقيقه ليش تبعد عنها
....هيلين
... اوف شوكت ترتاحين هيلين شوكت الدنيا تلتاف الها
الله يخليك كافي اني مااريد احد منكم طلعو من حياتي خلونا نعيش واحنا حايرين باجر شناكل خليني
اعيش لوحدي انت حلم مااكدر اكمشه
روح لظلون محاوطينه وتطلعونا من كل مكان
عوف الجرح لاتفتحه لدكلي احبج حتى لااضعف عشت منتظرتها هاي الكلمه بس ورا كلمه احبج سجينه
تدخل بكلبي
الناس كلهم يحجون حتى يرتاحون
بس اني اسكت حتى اعيش خفت من نفسي من كلبي من شعوري الك
اي عيب اعترف
اي يمكن عيب بس بعد مااكدر كل مرة تجي كدامي وتجرحني بكلامك لو بنظراتك
واخر شي كمت تلعب بمشاعري
واني مااكدر اتحمل لان تعبانه من كلشي
تعبانه من وجعي اني بطلت اطالبك بحلمي
بطل تطلع بحياتي روح خليني اعيش وجودك
ديخربط كلشي بيه
....اني احبج ياغبيه بس صعب يجمعنا درب
....اعرف مو من مستواك اعرف اني وياك من عالمين مختلفين
...اني ميهمني المستوى وميهمني كلام الناس
بس صعب اتخلى عن دينا وصعب انسى هوايه شغلات صارت
...اي اكيد المثل دينا صعب تتخلى عنها
فرصه
...احبج واغار عليج بس اكو اشياء تمنعني
.غمضت عيني
وكتله
...الله على هاي الكلمه بس اخ من جرحها
شكد جنت اتمنى اسمعها بس بدون ماتكملها
اني اعرف انت مثل الهواء صعب اكمشه
تقرب مني وكمش يدي
..اني مو هوى اني شاهين الي جنتي تهربين منه
دائما
جانت اكو شهكه بكلبي حسيتها راح تموتني بس مردت اضعف اكثر
برغم جنت حابه تنزل دمعتي
ويمسحها بيده
....مختصر الكلام ياهيلين اني كلبي هلك وهو يمارس الحب سرا
.....واني هم تعبت
روح ياشاهين انت متعلم تجي تلعب بنبض كلبي وتغير دكاته وتروح
روح الها هي احق بيك لازم من هاليوم اطلعك من حياتي مااريد اعرف سرك
ولاراح اهتم شنو الي يمنعك لان الي يحب يقاتل
صحيح اني جنت ساكته طول هذا الوكت
بس جنت اشوفك تحبها وجنت اعتقد مومن حقي اخرب حياة احد ظليت واكفه واتخيل بس من بعيد مافكرت مرة
اكمش هذا الخيال
وانت عشت ومتت بكلبي وانت راح تبقى وهم
دار وجه
وكلي
....مع السلامه
،،،،،
سلاما على قلبي وعلى دمع الهوى
سلاما الى من بعذابي ارتوى
ياحكايات العمر لقد انتهى
لقد فاض بي حبي وشوقي
وكرهي وكلها معا بعضها
كلما أراه يختالني بصمت عيناه
ويقتل قلبي بكثرة الهوى
هو لا يعلم ماذا يريد من قلبي
وانا قلبي لايتحمل قتلهً متعمدا
عد الى ديار الهوى
فانا بحياتي معذَّبا
لاتزيد عذابي
يكفي مابي لقد ذبل ورد عمري
قبل ان يتفتح وانتهى طريق
عودتي قبل ان اذهب
لقد تساقط نيزكك على قلبي
ولكن لكل شيء دمرّا
يتبع...
