Molkki

Hum aise rukna chahate hai...

Continued:

J&M ko school mein drop krne Mukhiji gaye the aur saath mein hi kuch kaam tha wo karke ghar laute... Pr aaj pure din Daksh ke bartaav ke baare mein hi Mukhiji soch rahe the... Uska Dhwani ko Mukhiji ke yaha se leke jaana, uski baatein,uska Dhwani pr haq jatana... Uska andaaz kuch badal gaya tha, maano Mukhiji se ab wo koi relations nhi rakhana chahta ho....

M(self):Yo mere man ka wehem hai yaa sach mein Daksh ka bartaav kuch badal gaya hai... Manne laga tha Bawari ki yaadasht laut aaye isliye Daksh madat karega... Pr ab mera vishwas dagmagane laga hai... Pr naaa... Usne Bawari ki kitni madat ki hai... Manne naa lagata meri madat karane mein wo piche hatega...
.
.
.
.
.
.
.

"Mukhiji...."
M(self): Yo to Bawari ki awaj hai...
"Mukhiji...."
Purvi sach mein ayi thi,daudate hue,muskuraate hue... Uski aankhon mein alag hi chamak thi.... Darwaje pe ruki hui Purvi Mukhiji ko dekh ke daudkr unke gale lagi.... Jaise unka koi rishta ho puraana... Jaise Purvi ko sab kuch yaad aa gaya ho.... Ek pal ke liye Mukhiji bhi hairan reh gaye... Jab se Purvi Dhwani bani thi tab se Mukhiji se gale lagana to dur ki baat ek dusare ka haath bhi kam hi baar chhuva tha... Pr hr baar Dhwani ne Mukhiji ko koi apna ho aisa hi mehsoos kiya tha... Aaj jo Dhwani gale aa ke lagi wo jaise Bawari apne Kroorsingh ke gale lagegi,Purvi Virendra ke gale lage-jaise ek patni apne pati ke gale lage- aisa kuch ehsaas tha....
Mukhiji kuch sawaal kre tab tk...
Unke hothon pr haath rakhate hue Purvi boli..."Kuch bhi mat kahiye... Koi sawaal mt kariye... Bsss thodi der sab kuch aise hi rehne dijiye... Shant... Bsss HUM AISEHI RUKNA CHAHATE HAI aapke pass,aapke karib....kisi rok-tok, kisi bhi sawalon ke binaaa...thodi der...."
Purvi ke baaton se saaf saaf pata chal raha tha ke usne apne Mukhiji ko pehchaan liya tha... Maano kisi bhi sawaal-jawab se, kisi bhi baaton se jyada Mukhiji ke kareeb hona uske liye jyada jaroori tha... Kitne mahinon ke baad donone ek dusare ko aise gale lagaya tha... Ye waqt maano saalo saa kata tha... Purvi ke chehare pr ek sukoon aya hua tha aj... Uski aankhon mein khushi ke aansu the... Kisi apne-uske apne Kroorsingh-apne Mukhiji ke baahon mein hone ki khushi uske chehare se jhalak rahi thi.... Mukhiji se dur rehna uske liye mushkil tha pr usse bhi jyada usse ye baat khaaye jaaa rahi thi ke wo apne Mukhiji ko,apne bachchon ko, apne pariwaar ko bhul gayi thi...
Purvi ke chehere pe aayi baalon ki lat hatake Mukhiji ne Purvi ko ek baar fir se dekha... Ye balon ki lat hatana to Mukhiji ka favorite kaam hai... Aaj kitne dino baad ye karane ka mauka mila... Mukhiji ki dimplewali smile khil uthi...
Purvi ne fir se apna sir Mukhiji ke seene pe rakhaa... They were so close that it might be impossible for air to pass through... Mukhiji ke dil dhadkan sunai de rahi thi Purvi ko... Maano unka dil keh raha tha, 'iss waqt manne kabse intezaar tha...Meri Bawari-Meri Laal Pari- Meri Shehzaadi Jasmine mere pass laut ayi hai...'
.
.
.
.
.
.

Ting...ting....ting...
Darwaaze ki bell bajane ki awaj ayi...
Mukhiji ki neend khuli.... Ankhen mal ke unhone chaaro tarf ek baar dekha... Nhi.... Unki Bawari waha nhi thi.... "Ohhhh... Yo to sapna tha... Na jane kab yo haqiqat mein utarega....?"-Mukhiji
Kal ke Purvi ke bukhaar ke chakkar mein Mukhiji ka bahot exertion hua tha... Isliye thake hue Mukhiji living room mein couch pe hi so gaye the...
Purvi,Daksh inke baare mein sochte sochate kab aankh lag gayi unhe khudhi pata nhi chala tha...

To be continued....