Molkki

PURVI VIRENDRA PRATAP SINGH

Continued:

NB: Jara dheere sambhal ke Dhwani...
Aap abhi bhi weak hai...

Dh:Namarata ji, wo tasveer jis kisiki bhi hai wo bilkul hamari tarah dikhati hai... Kisne banayi hai wo tasveer...?

NB: Wo tasveer to Bhaiji ne banayi hai...
Bahut acchi painting banate hai Bhaiji...

Dh: Mukhiji ne...??? Itni hub hu tasveer nikali hai pr waise kapade to hum kabhi pehene nhi... Fir Mukhiji ne wo tasveer kaise banayi...???Aur to aur... Jab wo Panditji shaadi ke riwajon ke baare mein bata rahe the humein kisika chehara nazar aya...

NB: Panditji kuch iss tarah se hi bata rahe the... Humein bhi hamara shaadi ka din yaad aa gaya... Wo mandap, wo phere...

Dh: Humein bhi...

NB: Matlab...?

Dh:Matlab humein bhi koi shaadi dikhai di aur hum uss mandap mein dulhan ke kapde mein baithe the...

NB: To saath mein kon dikhai diya...? Kon dikhega aur... Main bhi na... Pati ke roop mein to Daksh hi dikhai diya hoga...

Dh:Nhi, nhi... Namarata ji... Waha humein Mukhiji dikhai diye...

Ye sunke Namarata jijj man hi man muskai... Unka plan kaam kr gaya tha... Purvi ko uske beete hue kal ki kuch kadiyaan yaad aa rahi thi...

NB:Bhaiji...??

Dh: Haaaa.... Namarata ji humein kuch samjh mein nhi aa raha... Uss din mele mein bhi humein aise hi laga ke ye saare pal hum pehelebhi jee chuke hai, tab bhi kisike chehare dikhe the humein dhundhalese...

NB: Achchaa, ek kaam kro apni aankhein band kro aur dekho mele ke un dhundhale cheharon ki jagah Bhaiji aur Juhi-Manas ka chehara rakh ke dekho...

Dhwani ne apni aankhen band krli aur jaise Namarata jiji ne kaha waise un palon mein Mukhiji aur bacchon ko dekhane lagi aur wo har pal ab usse poora lagane laga... Panditji ki baatein sunate hue bhi usse aisehi laga tha... Mukhiji ko apne pati ke jagah par dekh ke wo man hi man khush hui...

Dh: Namarata ji, ye dekh ke lag raha hai mera pariwar poora ho gaya ho... Pr aise kaise ho sakta hai...?

NB: Dhwani aapne mujhe ek baar kaha tha ke Juhi aur Manas ko halwa pasand hai ye aapko kisine bataya nhi fir bhi pata chala aur Bhaiji ke diabetes ke baare mein bhi...

Dh: Haaa pr uska abhi kya...? Mujhe kuch samajh mein nhi aa raha hai Namarata ji... Mukhiji ka uss mandap mein mere saath dikhna koi wehem hai ya koi sapna...

NB:Ye sachchai hai Dhwani... Warna Juhi aur Manas ki pasand aur Bhaiji ke tabiyat ke baare mein kisine bina bataye hai tumhe kaise pata hota....

Dh: Matlab...?

NB: Matlab jo bhi hai wo aapko aap ke Mukhiji hi samjhayenge...
Aayiye Bhaiji... Dekhiye mera idea kaam kr gaya... Purani yadon mein Dhwani ko aapka chehara dikhai diya... Aayiye Bhaiji batayiye Dhwani ko ke wo dhwani nhi PURVI VIRENDRA PRATAP SINGH hai...

Purvi ko yun bechain dekh Sudha ne Mukhiji ko jaake bataya... Apni Bawari ke chinta mein chhat pr aaye Mukhiji waha khade reh gaye aur unhone Dhwani jo Namarata jiji ko bata rahi thi wo saari baatein sun li... Mukhiji ke aankhon se khushi ke aansu chhalke... Unki Purvi ko, unki Bawari ko purani baatein ,purani cheezein yaad aa rahi thi....

Dhwani ne piche mud ke dekha... Mukhiji kuch dur khade aankhon mein paani liye muskura rahe the... Namarata jijine Purvi ke kandhe ko sehlaya, kaha "hum aapse baad mein milate hai" aur waha se chali gyi...
Pr Purvi to Mukhiji ke dekh rahi thi, unki aankhon mein paani dekh uske bhi aankhon se paani aya... Kuch paani gaal pr utar aya to usse ehsaas hua...

Mukhiji dheere dheere aage aye...
Unhone Purvi ka haath pakada aur kehne lage...
"Kitne waqt se iss pal ka intezaar kr raha tha main Bawari... Tanne yaad hai na main tanne Bawari bula tha aur tu manne Kroor Singh...? Main jungle ka raja Babbarsher tha aur tum sab mere jungle ke prani...? Dekh sab kuch isssi waqt yaad aana shayad mushkil hai... Tanne agar takleef ho rahi hai to hum koi baat na krenge... Pr ab to tu yo jaan gayi hai ke tu koi Dhwani na hai... Tu PURVI VIRENDRA PRATAP SINGH hai... Meri Bawari, iss gaav ki Mukhiyani, Juhi-Manas ka haathi-unki Maa... Bss itna kaafi hai... Tere bina humne yo samay kaise kaata hai wo bass hum jaante hai, Bawari... Tu chahe to tanne apni saari tasveerein, cheezein mein dikhavunga to tanne mere baat ka bharosa ho jayega... Main ab ke ke kru... Manne to kuch samjh mein naa aa raha..."

Purvi Mukhiji ki saare baatein sunke dang reh gayi... Usse sabkuch samajh mein aa raha tha pr kuch bhi samajh mein nhi aa raha tha... Usne apni aankhen band krli... Ab band aankhon ke saamne Mukhiji ke saath Dhwani bankar beete hue pal usse dikhane lage aur ye kya...?? Ab Purvi ke bhi purane pal purani yadein aankhon ke saamne chalane lagi jaise koi film chal rahi ho... Wo shaadi ka mandap, wo peheli baar gaadi mein baahar gaye the, wo bachchon ke school mein dono saath gaye the, wo cycle pe dono college gaye the, wo jab Mukhiji ne apni dil ki baat usse kahi thi aur wo bhi jab Mukhiji ne Purvi pe chillaya tha, usse bahut daata tha-Sabkuch.... Usse sabkuch yaad aa gaya... Purvi ne Mukhiji ke haath se apna haath nikala aur chhat ki seedhiyon ki taraf chal padi....

Mukhiji ko man hi man laga - Bawari ne ek bhi shabd na kaha aur chali jaa rahi hai, shayad usse kuch yaad na aya, Namarata ki koi galatfehmi ho gayi hai... Yo sab bol ke manne Bawari ko aur takleef mein daal diya...

Chalate chalate Purvi ruki,usne mudke Mukhiji ko awaj diya... "Mukhiji..."
Mukhiji ne apni aankhein ponchhi aur Purvi ki taraf mud gaye.... Aur.....
.
Aur....
.

Aur....
.

Jaise jor ki hawa beheke tumhe chhoo jaye waise Purvi Mukhiji ke bahon mein chali gayi... Wo daud ke jaake Mukhiji ke gale lagi... Mukhiji ne bhi apne bajuo mein usse kas ke pakda,
jaane kitne dino baad,mahino baad dono yun saath the ek dusare ke baahon mein... Dono ke aankhon mein paani tha aur hothon pe muskaan... Kuch bolne ki jaroorat hi nhi thi...
Uss hug ne saare jazbaat bol diye the...
Itne din dono ek dusare se dur the pr pass hi the... Ab itne pass hokar dur rehna unhe manjoor nhi tha... Aaj dono itne pass the ke dono ke bich se to hawa bhi na gujar sakein... Dono ke rishtein mein gile-shikave bhi the pr aaj uska koi mol nhi tha... Mukhiji to Purvi ke the hi aj firase Purvi Mukhiji ki ho gayi thi...
Unki baahon mein bss ek hi baat Purvi ne kehdi... "Haaa hum PURVI VIRENDRA PRATAP SINGH hai... Aapne Kroor Singh ki Bawari..." Aur ye sunke Mukhiji ke chehare ki wo dimplewali smile khil uthi.... Itne dinon ki doori aaj khatam ho gayi....
.
.
.
.
To be continued....