صُدْفَة | Serendipity

٠٥

صحيت اليوم الثاني على الظهر وحسيت جسمي كله متكسر ، يوم الجمعة كان دايم في بيت عمتي الكبيرة ، ام منال وملاك ، تجهزت و لبست ورحت انا وابوي وثامر ، طبعاً خالتي ما تروح معنا لان عمتي دايم تدقها بالكلام كثير ، حسافه كانت احلى فقره يوم الجمعة.
وصلنا عندهم و سلمت على عمتي و عمامي الباقين ورحت المجلس اللي فيه البنات ، دخلت وسلمت وشفت بنات عمامي اللي ما نشوفهم الا الجمعة ، قعدت جنب منال و كانت تطالعني وتضحك.
"شفيك انتي بسم الله"
"كل امس وانا بسألك وش صار بينك وبينه لكن البثره ملاك كان موجوده"
"ما صار شيء ، عطيته فلوسه وتوكل"
فتحت جوالها و ورتني الصوره.
"والله حبيتكم مع بعض مره كيوت"
"وربي يا منال بيكون هلاكي على يدك"
قعدت تضحك وانا منهاره جنبها اطالع بالصوره ، كانت يون اعطيته الفلوس ، طالعت فيه كيف كان يناظرني وحسيت بشعور غريب ، نظراته كانت لطيفه لكن ما سمحت لنفسي اني اشوف كذا ، كان عقلي يقولي انه مجرم و بياع و بيوديني في دواهي لكن قلبي كان يقول انه يمكن يكون طيب يعني امانه هذي نظرات احد بيضرني.
ظلوا عقلي و قلبي يتهاوشون وانا اطالع الصوره و مو مستوعبه ، فتحت الرسايل وارسلتها لنفسي و عطيتها منال.
"ها اعجبتك الالتقاطة"
"الله الله وش هالكلمه من وين جايبتها"
"قاعده اتابع مصور و دايم يقولها حسيت اني محترفه وانا اقولها"
ضحكت عليها و قمت اصب لي قهوه و اتحلى.
رحنا تغدينا و مر اليوم عادي ، اقترحت ملاك نروح كوفي او مول نغير جو شوي ، وافقت ورحت اطلب ابوي وقالي عادي.
"محتاجه فلوس؟"
"اي والله يا ابوي نسيت اقولك"
"زين بحولك على بطاقتك واصرفيها بحكمه"
"من عيوني"
"الا ليان تعالي بسألك"
كنت بروح غرفتي البس واتجهز لكن تجمدت مكاني ، يارب استر.
"لبيه؟"
"مين بيوديكم؟ ملاك؟"
"لا ما اتوقع عمتي تخليها تسوق لهناك ، يمكن نروح مع سواقهم"
"اقطكم انا عادي والسواق يرجعكم"
"ما عندي مشكله بس بقول للبنات"
رحت لغرفتي وانا اتنفس بصعوبه ، خفت ثامر قاله ولا شاف شيء هو ، كلمت البنات وقالوا برضو ما عندهم مشكله تجهزت و مريناهم و رحنا.
"الا يا ملاك قولي لي وش تخصصك؟"
"برمجة"
"ماشاء الله اشوفها مطلوبه في سوق العمل وعندنا وظايف شاغره كثير ، ان شاء الله تتخرجين و تتوظفين عندي"
"ان شاء الله ياخالي"
"وانا يا خالي ما تسألني عن طموحاتي واهدافي؟"
"ولا تزعلين يا منال ، وش ودك تتخصصين؟"
"انا ودي اتخصص أركيولوجيا"
"بسم الله الرحمن هذا وش؟"
"اما يا خال ما تعرف أركيولوجيا؟ مالك حق الصراحه اول احسبك فله ومعاصر للاحداث"
"اخلصي علينا وش ذا؟"
قالت لها ملاك وهي تضحك.
"أركيولوجيا يا طويل العمر علوم اثار"
ضحك ابوي.
"ماشاء الله طموحك عالي يا منال"
"ما فيه واسطه توظفني ولا بس ملاك ، واضح مين المفضل بيننا"
"ولا تزعلين اوظفك عندي غصباً عنهم واخليك رئيسه ملاك"
ضحكت على وجه منال اللي حس بالفخر من كلام ابوي ، مرات اتمنى اني اقدر امزح واضحك مع ابوي نفس ما يضحك ويمزح مع منال وملاك ، لكن ابوي تعودت عليه جدي و ما يضحك الا هه بالموت وابتسامه بس مو ضحكه حتى.
وصلنا للمكان ونزلنا ابوي و قالنا لستة تحذيرات و تعليمات كأننا اول مره نطلع ، وصى ملاك علينا بما انها اكبرنا و مشى.
دخلنا كوفي و طلبنا وقعدنا نسولف ، رحنا بعدها نتسوق شوي.
"امانه بنات خن نروح نلعب شوي"
قالت لنا منال يوم مرينا من عند الملاهي.
"والله صدق من زمان ما لعبت في الملاهي"
"انا مشكلتي اللي اخاوي بزارين"
"اقول اص انتي تراك اكبر مننا بسنه"
"يليل ذي شراره ما ينقال لها شيء"
راحت منال قبلنا عند بوث البطاقات ودفعت لها ولي بطاقه.
"خير انا قلت انكم بزارين بس مو معناته مابي العب"
"الاقتصاد زين انا وياك ببطاقه وحده و ليان ببطاقه"
رحنا نلعب و قعدنا شوي ناكل سناكس و نريح ثم رجعنا نلعب ، خلص اليوم وكان ما ينسى ، اغلب ايامي مع منال وملاك كانت كلها ممتعه ، ربي ما رزقني بأخت لكنه عوضني في منال وملاك.
يوم خلصنا كلمنا السواق وركبنا معه و رجعنا للبيت.
فتحت جوالي ونزلت السنابات ورديت على الكل ، فتحت الرسايل و لقيت مصلح مرسلي فويس نوت.
كان صوته مو واضح وكأنه بعيد ، شكله مركب سماعات ، وكان كلامه اصلاً مو مفهوم ، ارسلت له و شفته بعد دقايق يكتب.
ليان
وش قاعد تقول ترا ما فهمت ولا شيء
                                                         مصلح
                           حذفت الرساله شلون شفتيها؟
ليان
شكلك حذفتها من عندك ياغبي 😭😭
                                                        مصلح
اولاً انا مو غبي ثانياً انا قايل لسلطان يسويه لي الكلب
ليان
الله صديقك اسمه حلو
                                                         مصلح
                                  اسمه بس حلو الباقي لا
ليان
شدراك يمكن يعجبني ورني اياه
                                                         مصلح
                                           شايفتني خطابه؟
ليان
عاد عناد والله توريني حلفت
                                                         مصلح
                                 حلفتي مشكلتك هذي 😉
                                             Seen 9:21
                                                         مصلح
                             شف الحقيره مسويه تردينها
                                              Seen 9:25
                                                         مصلح
    خلاص يا بزر بوريك اياه وهذا وجهي ان اعجبك
ليان
ناس ما تجي الا بالعين الحمراء
                                                         مصلح