The Love Of Partner

အပိုင်း[၂]

[Unicode]

ရိပ်လွန်းသာ သယ်လာတဲ့ လွယ်အိတ်ထဲက အင်္ကျီတွေကို ထုတ်ရင်း အခန်းရဲ့ ဗီဒိုထဲကို စီစီရီရီထည့်ထားလိုက်တယ်၊နည်းလွန်းလှတဲ့ သူ့အဝတ်တွေကြောင့် ဗီဒိုမှာ နေရာအလွတ်ကျန်နေတုန်း။လွယ်အိတ်ကိုပါ ဗီဒိုထဲသို့ထည့်ထားလိုက်တယ်။

အခန်းကိုကြည့်ရင်း သူပိုသဘောကျလာတယ်။အိမ်သာ၊ရေချိူးခန်းပါတွဲရက်ပါတော့ ပိုအဆင်ပြေတယ်။အရင်လို စတိုခန်းရဲ့ နေရာကျဉ်းကျဉ်းလေးမှာ မအိပ်ရတော့ပေ။

လုပ်စရာမရှိတော့လို့ လွယ်အိတ်ထဲက ဂျာကြီးလက်ဆောင်ပေးခဲ့တဲ့ ဂျပန်စာ စာအုပ်ကို စာလုပ်ဖို့ ထုတ်လိုက်တယ်။

သူ့ဘဝက မိဘမဲ့တစ်ကောင်ကြွက်၊အမေက ကလပ်ရဲ့ အကမယ်ဖြစ်ခဲ့ကာ သူ့ကိုမွေးပြီးဆုံးသွားခဲ့တယ်။ကလေးငယ်တစ်ယောက်ဖြစ်လို့ ကလပ်ရဲ့အကမယ်တွေက စုပြီး သူ့ကိုကလပ်မှာပဲ မွေးစားခဲ့သည်။

ငယ်ငယ်ကတည်းက စတိုခန်းမှာ နေခဲ့ရပြီး ကလပ်မှာတောက်တိုမယ်ရလုပ်ခဲ့ရသည်။အကမယ်အမတို့ရဲ့ လိုအပ်တဲ့ကိစ္စအဝဝတို့ကို ဘေးကနေ ကူညီပေးခဲ့ရတယ်။

လူတစ်ယောက်က စာတော့ဖတ်ရမယ်ဆိုကာ ကလပ်မန်နေဂျာကြီးက သူ့အသက်၁၀နှစ်ပြည့်မှာ စာရေးနည်းကို စသင်ခဲ့ရသည်၊သူငယ်တန်းကနေ၁၀တန်း ကျောင်းစာတွေအကုန်လုံးကို မန်နေဂျာကြီးဆီက သင်ယူခဲ့ရသည်။

ဖတ်စာ စာအုပ်တွေကိုတော့ ကလပ်ပိုင်ရှင်ရဲ့ သမီးသုံးပြီးသားစာအုပ်တွေကိုသာ သုံးရင်းစာကြိုးစားခဲ့ရသည်၊အသက်၁၅နှစ်ပြည့်မှာ ကလပ်ရဲ့အမတစ်ယောက်က နှုတ်ထွက်ကာ လက်ထပ်သွားသည်။နှုတ်ထွက်လက်ဆောင်အနေနဲ့ သူ့ကို ဖုန်းအဟောင်းတစ်ခုပေးခဲ့ကာ ထိုဖုန်းမှတစ်ဆင့် အပြင်အကြောင်းကို သူသိခဲ့ရတယ်။

တဖြည်းဖြည်း ကလပ်မှ အရက်စပ်တဲ့အကိုတွေဆီက သင်ယူရင်း အရက်စပ်နည်းလည်းတက်သွားသလို အမတွေဆီမှလည်း ကနည်းမျိူးစုံကို သင်ယူခဲ့သေးသည်၊ယုတ္တအဆုံး အစောင့်ဘော်ဒီဂတ်ဆီမှ ကိုယ်ခံပညာကို နည်းနည်းသင်ယူခဲ့သည်၊ဘယ်အရာမဆို အထွန့်မတက်ပဲ သူ့နေရာသူသိအောင် ကြိုးစားလုပ်ကိုင်ပေးလို့ ကလပ်ကလူတိုင်း သူ့ကို သဘောကျကြတယ်။