عشقتها رغما عني

البارت الثاني

حبيبتي لا تتركيني وحدي فانت الماء الذي يروني وانت الهواء الذي يحتويني
استيقظت الجميلة بيان علي صوت والدتها وهي تنادي عليها وتقول
اصحي يابت قوني يالا الساعة بقت 9اصحي ساعديني شوية في شغل البيت ابوكي خلاص علي وصول واخوكي صحيمن الصبح بدري وراح كليته اصحي يابت
بيان :حاضر ياماما اهو صحيت ياه ياربي الواحد ميعرفش يرتاح شوية في بيته كل يوم اقوم علي نفس الاسطوانة دي مفيش مرة اقوم فيها براحتي من غير ما حد يصحيني وينكد عليا نومتي آه يآني يافرستي
الام :سامعاكي ياهبلة بتقولي ايه قومي يلا قومي
دخلت بيان الحمام توضأت وصلت الصبح وذهبت لتساعد والدتها في اعمال المنزل التي لا تنتهي
بيان:صباح الفل علي احلي ماما في الدنيا
الام:صباح النور يابكاشة مالسة بدري
بيان:ياماما ياحببتي الساعة لسة 9وبعدين انا بسهر طول اليل اذاكر يعني مش خسارة فيا انام ساعة زيادة يعني ولا ايه يالمبي
الام :لا يا لمضة ربنا معاكي يارب ويوفقك وتبقي احلي دكتورة في الدنيا بس اعمل ايه انا صحتي يابنتي مبقتش زي الاول وابوكي كان معاه شغل اضافي الليلة اللي فاتت دي يعني اكيد هيجي ميت من الجوع وانتي عارفه ان الظروف متسمحش انه يشتري اكل من برة هو يادوب مكفينة احنا بالعافية يالا الحمد لله علي كل حال احنا احسن من غيرنا بكتير
بيان:الحمد لله ياماما احنا راضيين وطول عمرنا كده مش بنشتكي من اي حاجه ابدا بابا دا احسن راجل في الدنيا كلها ربنا يخليه لينا يارب ويديه الصحة
الام :يارب يابنتي
بيان :عارفة ياماما انا بتمني السنة دي تخلص بسرعة وادخل كلية الطب واتخرج كدة واساعد بابا ويفرح بيا انا واخواتي
الام :فكرتيني بكلام اخوكي فارس التاني برده بيقول نفس الكلام
بيان:طبعا ياماما احنا تربيتك انت وبابا ربنا يخليكو لينا يارب
الام :-طيب يالا بقي روحي حمري البطاطس واعملي السلطة لحسن ابوكي خلاص زمانه علي السلم
بيان :حاضر ياست الكل
وبالفعل رن جرس الباب وفتحت بيان بابا حبيبي حمدالله علي السلامة
بيان:ليه يابابا هو انا كنت مسافرة ولا ايه
الاب:يابنتي دا انا بقيت بشوفك بالصدفة من ساعة مابداتي في السنة دي وانا مش بشوفك الا كل فين وفين ربنا يوفقك ياحببتي
بيان :ياحبيبي يابابا فعلا انا مقصرة معاك بس اعمل ايه نفسي احقق حلمك وابقي دكتورة مش هتنازل عن اقل من كدة
الاب يارب يابنتي مش عايزة حاجة مفيش حاجة نقصاكي يا حببتي قولي مستورة والحمد لله
بيان:لا يابابا مش ناقصني غير رضاك عني والله اروح انادي علي ماما واحضر الفطار
الام :صباح الخير يا ابو فارس
الاب :صباح النور يا نادية عاملة ايه
الام:الحمد لله يااخويا المهم ان انت بخير مالك يا ابو فارس في ايه
الاب :مفيش حاجه ما انا اهو تمام
الام :ازاي بقي هو انا مش عارفاك ولا ايه لما بتكون مضايق من حاجة احكيلي مالك خير اللهم اجعله خير
الاب :بعدين يا نادية ابقي اقولك لحسن حد من الولاد يسمعنا ولا حاجة
الام:ماشي روح انت غير هدومك وتعالي افطر وارتاح شوية وبعدين نتكلم قوم
الاب:اديني قايم اهو يارب انت العالم بالحال يارب
ياتري اي هو الشئ الخطير اللي مضايق ابو فارس ومخليه متوتر وقلقان ؟هنعرف في البارت القادم
لو عجبكم البارت شير وتشجيع كده حلو في كومنت