عشقتها رغما عني

البارت العشرين

البارت العشرين
مر حوالي اسبوع  تقريبا علي وجود ضيوف محمود بيه في الفيلا لم يخلو طبعا من بعض المشاحنات بين فردوس ومحمود بسبب وجودهم في الفيلا
محمود بقولك ايه يافردوس خفي شوية من تلقيحاتك بالكلام دي كل يوم والتاني هو صحيح محدش اشتكي منك بس دا لانهم محترمين وعاملين حساب ليا انا فمتصغرنيش قدامهم
فردوس : بقولك ايه دي فيلتي انا اعمل اللي انا عاوزاه محدش له عندي حاجة واللي مش عاجبة يتفضل يمشي
محمود :  والله انا لو بكلم حيطة كانت فهمتني
وتركها وذهب الي الشركة

نادية : كفاياكي مذاكرة بقي دا انتي صاحية من الفجر ريحي نفسك شوية واطلعي بره الاوضة دي دا انتي من يوم ماجينا وانتي حابسة نفسك هنا علطول
بيان :  اعمل ايه بس ياماما الامتحانات خلاص بعد اسبوع وانا فاتني كتير ايام ماكنت تعبانة وبعدين ماهي كندة وصباح بنت دادة هنية بيجو يقعدوا مع ندي ويذاكرو مع بعض فانا بقعد معاهم شوية
نادية : طب قومي كدة اخرجي اقعدي شوية برة في الجنينة فكي عن نفسك يابنتي
بيان :  حاضر ياماما
ذهبت بيان الي الجنينة في الفيلا فقالت الله الله علي الهواء النقي دا ولا منظر الورد دا والخضرة عسل والله انتي عندك حق ياماما دا انا اجيب كتبي واجي هنا اذاكر احفظهم هوا
وفي هذا الوقت استيقظ عمر من نومه وقال الله الجو جميل اوي انهاردة اما اقوم اعمل شوية رياضة في التراس برة
وقف عمر في التراس وبدأ في عمل التمارين الرياضية
ولكنه توقف فجأة عندما رأي فتاة جميلة للغاية ذات عيون زرقاء بشعر بني طويل يصل الي اسفل ظهرها وقد تدلت خصلة منه علي وجهها فذادته اشراقا فوق اشراقه وترتدي بلوزة باللون الوردي علي جيبة صك سوداء فكانت روعة في الجمال فدق قلبه لاول مرة في حياته
لاول مرة يعجب ببنت ولكن مهلا من هذه الفتاه ياتري
من تكون ولماذا اتت الي فيلتنا من تريد وماذا تريد
سأنزل لأري من تكون هذه الجميلة ياتري ؟

دي اول مرة عمر يشوف بيان فيها

نزل عمر علي الدرج بعد ما ارتدي ملابسه وذهب الي جنينة الفيلا ولكنه لم يري اي احد فيها

عمر : اي دا هي راحت فين معقول اي دا هو انا كنت بتخيل ولا ايه لأ لأ طبعا معقول انا شفت بنت كانت واقفة هنا جنب الورد دا انا هتجنن والله
وقف عمر محتارا جدا بعد هذا الموقف ولم يأت في مخلته ان هذه بيان ابنة احمد عبد السميع

فارس : اي دا انتي دخلتي بدري ليه كده من الجنينة
بيان : والله يافارس القعدة هناك ميتشبعش منها بس اعمل ايه بقي في المذاكرة الامتحانات خلاص علي الابواب ربنا يستر
فارس ربنا معاكي ومعانا يارب هي البت ندي فين
بيان بتذاكر مع صباح وكندة
فارس :  طب كويس سلام بقي علشان ورايا محاضرة بعد ساعة
التقي فارس بعمر في الجنينة وهو خارج
صباح الخير ياعمر بيه
عمر : صباح الفل عليك بس انا عمر بس بلاش بيه دي احنا اصحاب ولا ايه
فارس : طبعا طبعا دا يشرفني اخبارك ايه انا شايفك بتكلم نفسك وانا خارج
عمر :  هههههه انت شوفتني لا ماتخدش في بالك ياصاحبي
فارس :  ماشي سلام بقي علشان ورايا محاضرة
عمر : ابقي خلينا نشوفك سلام

اتي لؤي من وراء عمر وقال بصوت عالي فجأة عمر حبيبي
عمر :  بسم الله الرحمن الرحيم هما بيطلعو ازاي دول
لؤي : اسم الله عليك يا حبيبي انتي اتخضيتي ياقطة
عمر : يابني بطل بقي انت ايه مش بتكبر ابدا روح ذاكر روح يااخي
ذهب عمر الي الاعلي وارتدي ملابسه وذهب الي جامعته والتقي مع اصدقاؤه وبعد فترة ليست بقصيرة جلس عمر في الكافتريا لوحده يفكر في هذه الفتاة التي رآها من داخل تراس غرفته
اتت ريهام من وراء عمر ووضعت يدها علي عينيه وتقول انا مييييييين 
عمر : اقعدي يا ريهام
ريهام : وحشتني ياعمر برده كدة مابتسأش 
عمر : معلش ياريهام مش فاضي الايام دي خالص
ريهام :  عمر انت بتحبني ولا لأ
عمر : بلاش الكلام دا ياريهام خلينا اصحاب احسن
ريهام : يبقي انت في حد تاني في حياتك
عمر : ولا حد ولا سبت سلام انا مروح
رجع عمر الي فيلتهم فوجد امه واسماء يتشاجرون ونادية تحاول فض هذا الشجار
عمر : اي دا في ايه اللي بيحصل هنا دا
نادية : تعالي ياابني شوف الحكاية دي ايه انا مش عارفة اسكت دي ولا دي
عمر : في ايه ياماما مالك
فردوس :  انا ياابني كنت داخلة المطبخ علشان اقول لهنية تعملي قهوة لقيتها عاملالي المطبخ قعدة بلدي ولامة حواليها الخدامين والست دي مرات العامل اللي عند باباك في الشركة الكلام دا مينفعش هنا انا ليا نظام وقوانين الكل لازم يحترمها
اسماء : قوانينك دي علي نفسك مش عليا الخدامين اللي انتي بتتكلمي عنهم دول بني آدمين زينا مش من حقك تقللي منهم كدة وتهزأيهم كل شوية
نادية : الهي يسترك ياام لؤي ياشيخة
وانتي ياست ام عمر معلش في الكلمة كلنا عبيد ربنا وكلنا سواسية و...
فردوس : استني ياست انتي ايه ست ام عمر دي انا اسمي فردوس هانم
عمر :  ياماما ياحببتي هي مش قصدها حاجة وبعدين سيبي كل واحد هنا يمشي بطريقته متفرضيش قوانينك دي ونظامك دا علي غيرك وسلام بقي علشان انتو صدعتوني