عشقتها رغما عني

الثامن عشر

البارت الثامن عشر
اشرقت شمس يوم جديد على جميع شخصياتنا
فعمر ووالده داخل المستشفى منذ الامس في انتظار خبر افاقة اسماء وكنده ولؤي
واخيرا خرج الدكتور من غرفه العنايه المركزه فطمانهم على حالتهم وانه سوف يتم نقلهم الى غرفه عادية وانهم سوف يخرجوا خلال يومين او اسبوع بالكثير من  المستشفى
وعند بيان نائمة كالملاك على سرير المستشفى وبجوارها والدتها التى اصرت ان تقضي هذه الليله معها ولا تتركها
وذهب ابو فارس و فارس وندى الى شقتهم لكي ينالوا قسطا من الراحه بعد كل هذا التعب اليوم
وبعد مرور اسبوع
فردوس :  ايه اللي انت بتقوله ده يا عمر مين دي اللي تيجي تعيش معانا هنا انت اتجننت ولا ايه
هي دي ليها عين كمان انها تيجي هنا بعد ما خطفت منى زوجي خطافة الرجاله دي انا استأمنتها على ابني وعلى بيتي زمان وجبتها تديلك دروس خصوصية  خطفت منى زوجي كان يوم اسود يوم ما خليتها تيجي  الفيلا    عمر بنرفزه :   ماما ايه اللي انت بتقوليه ده خلصتي كلامك يا ماما ولا لسة بقولك ايه بقى انا من الصبح ساكتلك ومراعي ان انتي والدتي بصي بقى طنط اسماء واخواتي دول هيجوا يعيشوا معانا هنا في الفيلا برضاكي او غصب عنك
فردوس  :  ولد احترم نفسك يا خساره تربيتي فيك  عمر  :  تربية ايه ..؟ هي فين تربيتك دي
فردوس  :  انت قليل الادب و هتطلع لمين بقى ما انت شبه ابوك انا ما حدش يقدر يغصبني على حاجه

عمر :  انا ياماما اقدر ولو مسكتيش انا هاروح ابلغ الشرطه عنك وانك انتي اللي دبرتي  للحريقه اللي حصلت في شقه بابا وكنتي تقصدي انك تخلصي من مراته وعياله صح
فردوس بتوتر ملحوظ   : ولد ايه اللي انت بتقوله ده انت فاكرني ايه رئيسه عصابه انت مش ممكن تكون ابني يا ولد انت اللي غيرك كده يا ابني
عمر  : خلاص يا ماما اللي عندي قلته سلام واعملي حسابك ان هما هيجوا انهارده اخر النهار انا حبيت بس ابلغك علشان تكوني في استقبالهم سلام يا مامي

ابو فارس :  يلا يا ناديه خلصتي كل حاجه
ناديه :    ايوه يا اخويا جهزت الشنط وكل اللي هنحتاجه هناك
بيان  :  بس انا لسه تعبانه يا بابا مش كنا استنينا شويه ابو فارس :   يا بنتي ما انا فهمتكم قبل كده كل حاجه وان قعدنا هنا في الشقه لوحدنا في خطر علينا كلنا وان احنا هنقعد فتره مؤقتة مش على طول يعني اعتبروا نفسكم في فسحه او تغيير جو

فارس  :  العربيه وصلت يا بابا هاتي يا ماما من ايدك الشنطه دي انا هانزل كل حاجه وبعدين انتم تنزلوا تركبوا علطول
ناديه طيب يا ابني
ندي  :  هييه هييه هنعيش في فيلا هنعيش في فيلا الله انا فرحانه قوي يا ماما
ناديه  : صبرني يا رب هبله من يومك
نزل الجميع الى الاسفل فوجدوا الحاج محمود ينتظرهم بجوار العربيه بتاعته علشان يوديهم الفيلا

ابو فارس :  يا خبر يا حاج انت جاي بنفسك علشان توصلنا
محمود :  ايوه طبعا انا لازم اوديكم لحد هناك واطمن انكم ارتحتوا انتم ضيوفي وبعدين العربيه دي يا دوبك شايله حاجاتكم مع انه ملهوش لازمة دا كله والله
اركب انت يا فارس مع السواق وانا هاخذ والدتك واخواتك وابوك
فارس  : تمام يامحمود بيه حاضر يلا بينا

وهو في طريقه الى الفيلا ومع عائله ابو فارس اتصل بعمر ابنه واخبره انهم قادمون في الطريق فقال له عمر انه اتي الى اخواته في المستشفى لياتي بهم الي الفيلا
الحاج محمود :   ربنا يستر يا ابني من رد فعل والدتك عمر  :  لا ما تقلقش انا اتكلمت معها انهارده وفهمتها كل حاجه بس للاسف نسيت خالص حكايه ابو فارس وعيلته انا اتكلمت معها بخصوص طنط اسماء واخواتي
الحاج محمود :  ربنا يستر يا ابني انا دلوقتي رايح بهم الفيلا ولما نشوف رد فعل والدتك
تابعوني في البارت التاسع عشر