عشقتها رغما عني

السابع عشر

البارت السابع عشر
فردوس   :   هنيه يا هنيه هي راحت فين الزفته دي دلوقتي ؟  اتت هنية تهرول من خارج الفيلا اهو ياهانم خير يا هانم انا اهو
فردوس :   كنتي فين يا زفته انتي بقالي ساعه بنده عليكي
هنيه  :  معلش كنت بحضر العشا لعيالي اصلهم كلهم جم جعانين وابو محمد كمان جعان لانه كان ......
فردوس  بس بس  هو انت هتحكيلي قصه حياتك ولا ايه؟

عمر بيه صحى ولا لسه ؟
هنية :لا يا ست هانم ده صحي من بدري و كان نازل بيجري على السلم ودور عربيته ومشي  حتى ندهت عليه ما ردش عليا
فردوس بتوتر  : طيب طيب روحي انت شوفي وراكي ايه
هنيه :   حاضر حاضر يا هانم هو حضرتك كنتي عايزه مني حاجه
فردوس :  لا مش عايزه حاجه انا خارجه روحي انت
هنيه  : خارجه دلوقتي ياست هانم
فردوس بنرفزه :  وانتي مالك انتي روحي يلا

وصل عمر الى المستشفى وجري الى حيث يجلس والده عمر :  بابا بابا طمني اللي حصل بالضبط وهما عاملين ايه دلوقتي
والده  :  والله يا ابني ما انا عارف اقول لك ايه مش عارف ده كله حصل ازاي
عمر بتوتر :  طمني عليهم الاول مش مهم حصل ايه وازاي المهم اخبارهم ايه
والده  :  لسه ما حدش خرج يطمني من ساعه ما وصلنا المستشفى وهما جوه والدكاتره رايحه جاية وربنا يستر

خرج الدكتور ليطمأنهم  على حالة اسماء وابنائها
فقال : اطمنوا ياجماعه احنا عملنا اللي نقدر عليه بس رحمه ربنا كبيرة اوي هنصبر لحد بكره  هما هيكونوا تحت الملاحظه احنا عملنالهم كذا عملية تجميل وعالجنا بعض الحروق لانها للاسف كانت حروق من الدرجه التالتة وان شاء الله خير
محمود :  هيخرجوا امتى يا دكتور
الدكتور :  لا دا مقدرش احددهولك  دلوقتي غير لما نطمن عليهم الاول بس دلوقتي هما تحت تأثير البنج لما يفوقوا هدخلكم تشفوهم بنفسكم
عمر :  ما تقلقش يا بابا خير
على فكره يا بابا في حاجه كده عايز اقولهالك
والده :   قول يا ابني في ايه ؟
عمر  : بعد ما يخفوا  اخواتي ويخرجوا بالسلامه لازم يجوا  يعيشوا معانا في الفيلا ما ينفعش يقعدوا لوحدهم تاني وبعدين اكيد الشقه بقت كوم  تراب  دلوقتي مش هينفع يدخلوها هيروحوا فين
والده : والله ياابني انا نفسي في كدة من زمان قوي بس للاسف  القرار ده خطير يا ابني انت عارف والدتك ممكن تعمل ايه 
عمر  : ماا تكملش يا بابا سيب ماما عليا انا
انا هعرف اقنعها  كويس
والده :  انا كمان يا ابني عايز اقولك على حاجه مهمه كمان
عمر :  خير يا بابا
والده  :  انا طلبت من احمد عبد السميع انه يجيب عياله ويجيي يعيش معانا في الفيلا وهيقعدوا في الدور الارضي للفيلا مش هينفع يقعدوا لوحدهم من غير حمايه بعد كل اللي حصلهم  ده اصلي انا بحمل نفسي مسئوليه اللي حصل لبنتهم ندى اني انا السبب فيه
عمر  :  لا يا بابا ما تقولش كده حضرتك طول عمرك خيرك على الكل اللي تشوفه يا بابا صح اعمله
رن هاتف محمود بيه عبد الحي ليخبره الضابط المسئول عن التحريات الخاصة بالحريق بآخر التطورات التي توصلو لها
محمود بيه :  ومين اللي ليه مصلحة في كده ؟  علي العموم ابقي بلغني بكل جديد
عمر  :  في ايه يابابا ....؟
والده :  الضابط بيقولي انه الحريق دا بفعل فاعل
انا مش عارف الناس دي هتستفاد ايه لما تأذي غيرها ربنا ينتقم منهم
عمر في نفسه وقد تاكد ان والدته هي من قام بإستأجار احد لافتعال هذا الحريق فعلا يابابا عندك حق .....تابعوني والبارت الثامن عشر