البارت 24
كانت بيان سعيدة جدا بمنظر جنينة الفيلا ومنظر حمام السباحة الذي اعطي للفيلا مذيدا من الجمال مع بعض انواع الاشجار والنخيل المختلفة والورود الجميلة الالوان فحقا سبحان الخالق اذ ابدع وسبحان الخالق اذ صور
بيان : الله علي العصافير اللي فوق الشجرة دول تحفة انا لازم اصورهم
اي دا انا نسيت تليفوني جوه هروح اجيبه واجي اصورهم وكمان اتصور انا كام صورة اوريهم للبنات صحابي دول هيتجننوا لما يشوفو المنظر دا ومش بعيد كمان يفتكر انه دي صور فوتوشوب ههههه
وفي اثناء خروج عمر الي الجنينة اصطدم ببيان التي كانت ذاهبة لتحضر تليفونها من اوضتها
لحظة توقف فيها الزمن عندما اصطدم جسده بجسدها فكادت ان تقع ارضا لولا انه في لمحة من البصر امسك بها فرفرف قلبه من سعادته برؤياها للحظة تاه في زرقاوة عينيها وجمال بشرتها البيضاء
ياالهي هل انت ذلك الملاك الذي رايته وانبهرت به لايام معدودة كم انك مبدع ياالله
بيان لاول مرة يحدث لها مثل هذا المنظر
ومع من .....؟ مع شاب وسيم للغاية طويل القامة بشعر اسود لامع مع رائحة عطره الآخاذ وعيناه الخضراء التي تشبه لون الخضرة كثيرا
فتاهت هي ايضا في لون عينيه الخضراء فللحظة انبهر كلا منهم بالاخر
بيان بتوتر ملحوظ وقد احمر وجهها من شدة الخجل من هذا الموقف التي تحسد عليه : انا انا اسفة مش قصدي خبطت فيك غصب عني
عمر : ياريتك خبطي فيا من زمان ياريتك تخبطيني علطول
بيان : افندم حضرتك بتقول ايه مش فاهمة
عمر بتوهان وعيون تلمع مثل ضي القمر : انتي بجد ولا انا بحلم ؛ انتي انس ولاجن ؛ انتي بشر ولا ملاك انتي مين وكنتي فين .....
بيان متلخبطة ومش عارفة ترد
بس جه اللي ينقذها من الموقف دا
كنده : بيان انتي فين يابنتي ماما بتسال عليكي من بدري
بيان : انا هنا اهو ......
هي فين مامتك وانا اروحلها .......؟
كندة : فوق في اوضتها اطلعيلها
ذهبت بيان تحت عيون عمر ذلك الشاب الذي يقف منبهر جدا من تلك الحورية ( بالبلدي كدة واقف متنح )
كندة : عمر انت ياابني فينك انا بكلمك
عمر : ايوة ايوة ياكندة انا هنا مالك عايزة ايه وايه اللي جابك اصلا دلوقتي
كندة : الله الله دي باينلها هتبقي فل
عمر : تعالي هنا يابت انتي قوليلي مين دي ؟
كندة : اي السؤال الغريب دا ...؟ معقول انت مش عارف مين دي ! انت عايش معاها بقالك اكتر من شهر وبتقولي مين دي ...لا دي باينلها هربت منك علي الاخر
عمر : انا بتكلم جد انا اول مرة اقابلها واتكلم معاه
كندة : دي ياسيدي بيان بنت عمك احمد عبد السميع وبنت خالتك نادية اللي قاعدة جوه دي مع دادة هنية عرفت بقي من تكون هذه الفتاه
عمر بصدمة مخلوطة بالتعجب : مش معقول هي دي بيان مش ممكن مستحيل انا ازاي مفكرتش انها ممكن تكون هي قبل كدة دي مجاتش في بالي ابدا
ايعقل ان تكون هذه هي بيان تلك الفتاة التي تبرعت لها بدمي دون ان اراها .....
ايعقل ان تكون ملاكي هي التي يجري دمي في جسدها
ايعقل ان تكون من اغرمت بها وعشقتها هي من اختلط دمي بدمها
يالله اكاد ان اجن ....
تركت كندة عمر غارقا في ملاكه كما اسماها هو وذهبت اللي ندي وصباح اصدقائها
خبطت بيان علي الباب لتستأذن بالدخول
اسماء : ادخل
بيان : صباح الخير
اسماء : بيان بتخبطي ليه يابنتي ادخلي علطول
بيان : كندة قالتلي ان حضرتك بدوري عليا
اسماء : اه فعلا كنت عايزاكي في موضوع
عايزة اعمل حفلة بمناسبة نجاح كندة ولؤي وعايزاكي تساعديني في التحضيرات اللي تخص الحفلة
بيان : الله حفلة انا بحب الحفلات دي اوي انا تحت امرك قوليلي اعمل ايه وانا هعمله
اسماء : العفو يابنتي الامر لله وحده اولا انا مش عايزة حد يعرف بالحفلة دي انا عملاها مفاجاة تمام
بيان : طبعا انا بحب المفاجآت اصلا
اسماء : تمام اتفقنا بس انا لازم اقول لمحمود وأخد اذنه الاول واعرض عليه الفكرة علشان بس فردوس دي متعملناش مشاكل وتخلبطلنا الدنيا
بيان : اه فعلا عندك حق
اسماء : ماشي ياقمر انتي بس ايه الحلاوة دي كلها
بيان : تسلمي يارب وانا أجي ايه جنبك بقي داانتي القمر كله
اسماء : ها نتيجتك قربت تظهر اكيد انتي قلقانة بقي ومتوترة انا كنت زيك كدة
بيان : انا مش قلقانة ومتوترة بس انا تقريبا فصلت شحن لحد ماالنتيجة تظهر
اسماء : هههه ان شاء الله خير
بيان : الا قوليلي ياطنط اسماء انا هو مين الشاب اللي واقف تحت دا انا اول مرة اشوفه
اسماء : مين دا تقصدي مين
بيان : شاب كدة طويل وعنيه خضرا
اسماء : اه دا عمر انتي ازاي مش عارفاه
بيان بتوتر اه اصلي اول مرة اشوفه
ماشي بعد اذنك انا هنزل اشوف ماما
محيي الدين : ها يارشدي عملت ايه في جديد
رشدي : احنا مش ساكتين ياباشا بس هو اصله مكثف الحراسة والامن اوي اليومين دول
محيي الدين : الكلام دا مينفعش معايا اظاهر اني مشغل معايا شوية اغبية
رشدي : رجالتنا مش ساكتين وان شاء الله قريب هتسمع خبر حلو
محيي الدين : نظر امامة نظرة شر طيب لما اشوف انا لازم اخليه يدوق من المر كاسات ابقي بلغني باخر التطورات عايز اخبار تفرحني
أنت تقرأ
عشقتها رغما عني
Romanceرواية جميلة تحتوي علي العديد من الشخصيات والاحداث المثيرة الشيقة وصراع بين الحب والفقر والثراء فهيا بنا نتابع
