البارت اثنين وعشرين
ذهب عمر الي حيث تتجمع شلته ليسهر معهم فكانو مجتمعون في كافيه علي النيل يحتفلون بعيد ميلاد ريهام
ريهام : انت متأكد انك اتصلت بيه يا خالد
خالد : يابنتي اهدي دا انتي سألتيني السؤال دا عشرين مرة وقولك ايوه زمانه جاي
ريهام : امال اتأخر ليه كدة
ميار : رن عليه تاني ياخالد خليه يجيي بقي عايزين نقطع التورته ونكمل سهرتنا في النايت كلاب
خالد : بقولك ايه انتي وهي فككو مني زمانه علي وصول
حازم : اهو جه اهو
عمر : مساء الفل عليكو
خالد : مساؤوو ورد يا برنس اخيرا شرفت
ريهام : كده ياعمر تتأخر علي عيد ميلادي كدة انا كنت فاكراك اول واحد هتوصل
عمر : ليه هو انهاردة عيد ميلادك
ريهام مصدومة : ايه ليه هو انت كمان مش فاكر
عمر : لا لا ابدا فاكر طبعا انا بهزر معاكي بس
حازم بعد ما احسن ان عمر في ورطة
مش يالا نقطع التورته بقي انا جعان
ميار : عندك حق ياحزومي يالا
احتفلو بعيد الميلاد فقالت ريهام عمر تعالي نرقص مع بعض عمر عمر انت فين
عمر وقد كان عقله في مكان اخر عند تلك التي سلبت منه تفكيره فقد كان يحتفل معهم وهو ليس معهم
فعقله وقلبه ايضا في مكان آخر
عمر : لا ابدا انا معاكي اهو كنتي بتقولي حاجة
ريهام بزعل : لا مفيش
خالد : مش يالا بينا بقي نكمل سهرتنا في النايت كلاب
عمر لم يستطيع الاندماج معهم واكمال سهرته كما كان من ذي قبل عندما يلتقون فقال معلش ياجماعة انا مصدع شوية انا هروح انام روحو انتو كملو سهرتكم
ريهام : معقول ياعمر هتنام دلوقتي دي الساعة لسه 9
عمر : هحاول سلام
عاد عمر الي الفيلا وفي طريقه وجد اسماء تجلس مع نادية في الجنينة ويتسامرون فلما رأته اسماء نادت عليه فجاءها علي الفور
عمر : مساء الخير
نادية : مساء النور يا ياعمر بيه ياابني
اسماء : تعالي ياعمر ياحبيبي اقعد معانا شوية
جلس عمر معهم لانه احس منهم حنية واهتمام به لم يره من قبل
اسماء : مالك ياعمر في حاجة مضيقاك
عمر : ها لا مفيش انا بس مصدع شوية
نادية : سلامتك ياابني تلاقيك بس مرهق شوية من كتر المذاكرة
عمر بضحك : والله انتي طيبة اوي ياست نادية قوليلي بقي مرتاحين معانا هنا لو في اي حاجة انتو محتاجينها قوليلي علطول متتردديش تمام
والكلام دا برده ليكي يا ماما اسماء مع اني عارف ان ماما مش بتبطل تلقيح عليكم بس مع الايام هتتغير ان شاء الله
نادية : لا يابني متقولش كده دا بيتها ومطرحها برده احنا ضيوف
اسماء : مش مهم ياابني الكلام دا احنا اتعودنا علي اسلوبها وتعاملها معانا وبعدين باباك موصيني قبلك ومفهمني كل حاجة
المهم الامتحانات قربت وانت مش مهتم بجامعتك وكل شوية طالع داخل مع اصحابك مش هينفع كده ياابني دي اخر سنة ليك وهتمسك الشركة مع باباك
نادية : ايوه ياابني فعلا الامتحانات خلاص الاسبوع اللي جاي دا انا عيالي والله مش بشوفهم بسبب الدروس والمذاكرة ليل نهار
عمر : ربنا يوفقهم ويوفقني يارب ادعولي بس انتو بالهداية بعد اذنكم
صعد عمر الي غرفته وفورا اخذ حماما دافئا وارتدي تيشرت اسود علي بنطال اسود فكان غاية في الجمال فعمر وسيم جدا وخرج الي التراس فتذكر تلك الحورية التي منذ ان رآها وهو في عالم آخر
وفجأة سمع صوتا ياتي من الاسفل يصرخ ويقول ساعدوني الحقوني الحقوني ........
ياتري في ايه ......؟
أنت تقرأ
عشقتها رغما عني
Romanceرواية جميلة تحتوي علي العديد من الشخصيات والاحداث المثيرة الشيقة وصراع بين الحب والفقر والثراء فهيا بنا نتابع
