عشقتها رغما عني

البارت الخامس عشر

البارت الخامس عشر
الحاج : محمود ها يا جماعه ايه رايكم في الكلام اللي انا قلته ؟؟
احمد عبد السميع : معقول يا حاج كلام ايه ده اللي حضرتك بتقوله انت عاوزنا كلنا نيجي نقعد عند حضرتك ازاي ده ؟
ناديه : مع احترامي لحضرتك يا حاج لكن ما ينفعش نسيب شقتنا وعفشنا وحاجتنا كلها ونيجي نعيش عندكو مدرسه بناتي قريبه كمان هيروحوا ازاي من عندك اكيد هتبقى بعيده

محمود : بصوا طيب تعالو نقعد تحت في الاستراحه علشان بيان ترتاح زي ما قال الدكتور ما ينفعش نحكي هنا كلامنا هيطول تعالوا يلا بينا

فارس : عندك حق يا محمود بيه يلا بينا

طلب الحاج محمود مشروبات واكل للجميع في الاستراحه وبما فيهم هو فلقد احس بالجوع فهم من اول اليوم لم يتناول اي احد منهم اي شيء وجلسو يتحدثون

الحاج محمود : يا جماعه انا مقدر والله انكم ما تقدروش تسيبوا مكانكم اللي طول عمركم عايشيين فيه بس والله كله علشان مصلحتكم
دي اكيد ناس ثقيله اللي ورا ابراهيم ده ومش هيسبوك يا ابو فارس لان في نظرهم انت اللي اتسببت في فشل الخطة بتاعتهم في انهم يحرقوا شركتي بالكامل ويقضوا عليا وادي انهارده كانوا عايزين يخطفوا ندي لولا ستر ربنا واننا كنا مبلغين الشرطه فعملوا حسابهم و انت بنفسك قلتلي يا ابو فارس انك حاسس ان في حد بيراقبك في الرايحه وفي الجايه صح وان كان على مدارس البنات وكليه فارس انا هخصص لهم عربيه بسواق توديهم وتجبهم
ندى بفرحه : صحيح يا بابا الله وافق والنبي يا بابا وافق انا من زمان نفسي اعيش في فيلا ونفسي كمان اركب عربيه
فارس : طب وهنقعد لحد امتى عند حضرتك يعني اكيد في يوم من الايام هنروح بيتنا
محمود : لحد ما ربنا يسهل والخطر يروح ونعرف مين اللي ورا ابراهيم ده ومين اللي معاه وبعدين الفيلا عندي واسعه وان شاء الله هترتاحوا فيها
بس معلش علشان خاطري انا في عندي طلب لو وافقتو على عرضي ده ليكم
ابو فارس : خير يا حاج
الحاج محمود بتردد : مراتي فردوس
ناديه : ما لها يا حاج دي هتبقى زي اختي وهنقعد نتسلى مع بعض (( ده انت طيبه قوي يا ام بيان ده انت هتشوف ايام حلوه مع فردوس ))
الحاج محمود : ههههه ضحكتيني يا ام فارس انت ست طيبه قوي على فكره شبه اسماء مراتي
ناديه : هو حضرتك مش قلت ان اسمها فردوس ولا انت متجوز اثنين
محمود بيه : اه انا متجوز اثنين يا ام فارس بس انا بعتبر نفسي متزوج من واحده بس اللي هي اسماء فقط لا غير اصل فردوس دي بتعتبر نفسها من عالم تاني او كوكب ثاني وكل اللي حواليها رعاع او تحت الصفر علشان كده انا عايز اعرفكم طبعها قبل ما تتنقلو وتعيشو معانا علشان لو حاولت في يوم من الايام انها تضايقكم شويه بكلامها الجارح فاستحملوها علشاني انا يا ريت يا ريت لو سمحتم ماتحطوش كلامها في دماغكم هي كده كده مش بتحب غير نفسها وبس فمعلش كله في الاخر علشان مصلحتكم
تمام قلتوا ايه بقي ؟
وبعدين هي من اساسا بتكرهني وانتم ضيوفي ومن طرفي فاكيد مش هتحبكم طبعا علشان ابقى قلتلكم الكلام ده كله من البدايه
ابو فارس : طيب سيبني افكر في الموضوع ده شوية محمود : ماشي يا راجل يا طيب بس بسرعه كل دقيقه بتمر عليك انت وعيلتك خطر عليك انما انت هتبقى في حمايتي انا عندي بودي جارد كثير جدا والله والامن موجود على الفيلا 24 ساعه
عندي انا انت هتبقى في حمايتي انت وعائلتك بعد ربنا سبحانه وتعالى وكل برده بارادة ربنا وحده

وفجاه رنه هاتفه ليرد الو الو
ايوه مين معايا ...؟ ايوه ايوه يا حمزه
(حمزه دا امن العماره اللي فيها اسماء هي وعيالها ) محمود بصدمة :: ايه امتي ده حصل و انتم كنتم فين يا اغبيه طيب طيب انا جاي بسرعه

ابو فارس : في حاجه يا سعاده البيه خير

محمود : حريقه كبيره جدا في شقه مراتي اسماء الثانيه واتصلوا بالمطافي والاسعاف واسماء هي وعيالها جوه الشقه استرها يا رب
ناديه : يا نهار اسود يا حاج ربنا على الظالم والمفتري روح الحق عيالك ربنا يسترها ابقى طمنا عليك وعليهم لما توصل
فارس : هو ايه اللي بيحصل انهارده ده هو اليوم ده ماله كده كله حوادث ليه هو انهاردة اليوم العالمي للحوادث ولا ايه
ابو فارس : ربنا يسترها يا ابني
تابعوني في البارت السادس عشر