عشقتها رغما عني

البارت الخامس

وكانك خلقت لتصبح بداخلي ابديا لا نهاية لك
عندما خرج عمر من باب الفيلا راي امه مازالت واقفة بجوار سيارتها بعد ان اخرجتها من الجراج الخاص بالفيلا
سال عمر محدثا نفسه :اي دا مش ماما دي هي واقفة كده ليه  ؟ ياتري مستنيه مين ؟وعمالة تبص حواليها ليه كده  ؟
وفجاة اتي رجل غريب الشكل يبدو عليه انه حرامي او مجرم مثلا  اعطته بعضا من النقود ثم ذهب وهي ركبت سيارتها وذهبت الي النادي ففكر عمر في نفسه وقال ياتري ياماما بتتخططي لايه وناوية علي ايه ؟
ذهب عمر بسيارته الحمراء الي حيث يسكن اخوته ووالدتهم
دق جرس الباب وفتحت له زوجة ابيه وقالت اهلا اهلا  عمر حبيبي اتفضل ياابني يامرحب يا مرحب نورتني انهارده
عمر :صباح الخير يامس اسماء عاملة ايه
اسماء : اي دا اي ادا مس اي دي انا زي ماما ياحبيبي متحسسنيش اني غريبة عنك انا طلبت منك كتير قبل كده انك تقولي ياماما
عمر : حاضر من عنيا فين كندا ولؤي امال مش سامعلهم صوت هما مش موجودين ولا ايه ؟
اسماء : لا يا حبيبي هما راحو مدارسهم من بدري بس خلاص قربوا يرجعوا دول هيفرحو قوي لما يشوفوك علي فكرة انت هتتغدي معانا انهارده او تكون مفكر اني هسيبك تمشي
عمر : اكيد دا انا واحشني اكلك خالص
اسماء : والله ماباخد منك غير الكلام يابكاش انت قولي بقي اخبار كليتك ايه ابوك عامل حسابه انك تمسكله الشركة بعد ما تتخرج ان شاء الله وتبقي مهندس اد الدنيا
عمر بلامبالاه آه آه طبعا ان شاء الله
وعلي الناحية الاخري في شركة الحاج محمود للاستيراد والتصدير كان ابو فارس ينظف مكتب الحاج محمود وفجاة وجد بعض النقود اسفل درج المكتب فقال : اي دا اي الفلوس اللي مرمية علي الارض دي اكيد وقعت من الحاج محمود وهو مروح من شوية انا هاخدها اخليها معايا وبكرة ان شاء الله ابقي اجبهاله وبالمرة اقوله كمان علي الخطة اللي عاملينها الحرامية ولا الكلب دول واهو ربنا يسترها الاعمار بيد الله والارزاق علي الله بس انا مش ممكن اعض الايد اللي اتمدتلي بالهير عمري ما انسي لما جيت اقدم في الشركة دي ومكانوش عايزيين حد يشتغل هنا وبتوع الامن كانوا هيضربوني لولا الحج الله يكرمه كان داخل وشافهم ساعتها وهزاهم كلهم وشغلني علطول واداني مرتب شهر مقدم كمان لما عرف ظروفي وانا لازم اكون حامد وشاكر ربنا علي انه خلي الحج يشوفني ساعتها ويشغلني عنده يارب استرها معايا ياستير وابعد عني كل شر
اتصلت اسماء بالحاج محمود زوجها واخبرته بان عنر جاء ليزورهم وانه سوف يقضي باقي اليوم عندهم وطلبت منه ان ياتي هو الاخر لكي تجتمع الاسرة كلها للغداء وبالفعل وافق واتي علي الفور
رن جرس الباب وكان عمر يشاهد التلفاز بملل في انتظار اخوته لكي يراهم ويقضي معهم وقتا لطيفا قبل ان يذهب فنادت عليه اسماء
عمر افتح الباب لو سمحت ايدي مش فاضية
حاضر انا رايح اهو تلاقيهم اخواتي
فتح عمر الباب ليكون الطارق هو والده
فقال له : ازيك ياعمر يا حبيبي عامل ايه ياابني
عمر : بابا اي المفاجاة الحلوة دي انا كنت فاكر نفسي هفتح الباب الاقي كندة ولؤي جو من مدارسهم
الاب : خلاص هما زمانهم علي وصول اسماء اتصلت بيا وقالتلي انك هنا فرحت جدا انك بتحاول تكبر علاقتك باخواتك بنا يحميك ياابني  عمر : آه طبعا يابابا دول اخواتي طبعا انا صحيح مستهتر ومش بتحمل اي مسؤلية بس مش ممكن اتخلي في يوم من الايام عنهم
فرح الاب بكلام ابنه كثيرا لانه يخاف علي اسماء وابنائها من فردوس التي دائما تخطط لابعادة هو وعمر عنهم بل وتفكر ايضا في ان تتخلص منهم بشتي الطرق فقال له :كويس ان انت معترف انك مستهتر ومعندكش اي تحمل للمسؤليه بص ياابني انا ليا اعداء عايزين يدمروني بس انا طبعا ماشي علي خطي ربنا وطول عمري ماخلفت شرعه في اي حاجة علشان كدة واثق انه ربنا مش هيخيب ظني ابدا مش هو اللي قال انا عند حسن ظن عبدي بي علشان كدة ياعمر ياابني ارجوك اقف جنبي وامسك الشركة معايا نكون ايد واحده مع بعض متسمعش كلام والدتك دي طول عمرها بتكرهني انا عارف
عمر :متخافش يابابا متقلقش من اي حاجة
وفجاة رن جرس الباب مرة اخري فقال عمر اكيد دول القرود اخواتي اخيرا وصلو هقوم افتح الباب بعد ازنك يابابا
ما رايكم في هذا البارت اتمني ان ينال اعجابكم وانتظرو مني كل جديد