عشقتها رغما عني

البارت التاسع عشر

البارت التاسع عشر
هنية :  خلاص يا محمود بيه احنا دخلنا كل حاجة جوة في الاوض تامرني بأي حاجة تانية .....؟
الحاج محمود :  شكرا يا ام محمد روحي انتي حضري اكل للجماعة ومش هوصيكي عليهم تمام
هنية :  ياخبر يابيه في عنيا الاتنين طب والله انا حبيتهم من اول ماشفتهم
الحاج محمود  :  لما فردوس هانم توصل بلغيها اني عاوزها ضروري وخليها تطلعلي فوق علطول
هنية :  حاضر يابيه 
وعند عائلة بيان
نادية : الله علي العز ياولاد دا احنا اتارينا مش عايشيين
زوجها :  اهو هو دا اللي كنت خايف منه
نادية : متقلقش يا اخويا احنا طول عمرنا راضيين بالمكتوب وعمرنا ماقولنا غير الحمد لله لس غصب عننا اول مرة الواحد يشوف الحاجات دي برده
زوجها :  امال الاولاد فين
نادية :  بيان ياحبة عيني دخلت نامت علطول من اول ما وصلنا وندي وفارس بيرتبوا في حاجتها جوة في اوضهم
زوجها :  نادية مش عايز مشاكل اليومين دول مفهوم لحد ربنا مايسهلها ونرجع بيتنا معززين مكرمين
نادية : اخص عليك يا ابو فارس هو انا برده بتاعة مشاكل
زوجها : مش قصدي انتي يا نادية انتي يعني مسمعتيش البيه قال ايه عن مراته
نادية :  وانا مالي ومالها صباح الخير ياجاري انت في حالك وانا في حالي
خبط الباب قامت نادية لتفتح
هنية :  اتفضلي يا ام فارس الاكل جهز
نادية :  ياخبر ابيض وجايباه بنفسك لحد هنا طب كنتي ندهتي عليا وانا اجي اخده
هنيه :  والله انتي طيبة يا ام فارس وحنينة كدة وشكلنا هنبقي صحاب واهو تسليني بدل ما انا قاعدة لوحدي علطول مش لاقية حد اكلمه
نادية :  طبعا طبعا اكيد دا انا حبيتك والله من اول ماشفتك وبعدين احنا غلابة زي بعض وهنفهم بعض كويس
هنية هنية انتي يازفته انتي
يالهوي دي باينلها فردوس هانم جت من النادي سلام سلام دلوقتي لحسن تطين عيشتي وتسم بدني بكلمتين زي عوايدها
فردوس :  كنتي فين ساعة بنده عليكي
هنية :  اصلي كنت عند ......
.
محمود بيه وقد اتي فور سماع صوتها ونزل علي الدرج وقال فردوس تعالي هنا من فضلك شوية انا عايزك في موضوع
فردوس :  طيب جاية
صعدت فردوس الي الاعلي لتري ماذا يريد محمود منها

فردوس : مالك يامحمود في ايه ....؟
محمود :  اقعدي عايزك في موضوع مهم
فردوس :  في ايه ....
محمود :  حكي لها كل ماحدث وكيف انقذ احمد عبد السميع والد بيان الشركة باكملها وانه قرر ان يحميه وهو وعائلته من اعداؤه الذين يتربصون به لذالك اتي به الي هنا ليكون تحت اعينه واعين حراس الفيلا

فردوس :  يعني هما تحت دلوقتي ...؟
محمود  :  ايوة وعايزك تحترميهم الفترة دي ومتحاوليش تضايقيهم
فردوس :  يعني مكفاش الست اللي جاية في الطريق دي هي وعيالها كمان جايبلي عمال الشركة كمان لا دي مبقتش فيلا دا بقي فندق يا محمود بيه
محمود : فردوس اتكلمي كويس اولا الست دي تبقي مراتي والعيال دول ولادي وثانيا العمال دي ضيوفي ومش ممكن اسمحلك انك تققلي من حد فيهم انتي فاهمة
فردوس وقد نوت في نفسها ان تجعلهم هم من يتركون الفيلا دون ان تطلب منهم هي ذلك
طيب طيب متعليش صوتك كدا عليا انا نازلة

اتصلت ريهام صديقة عمر بالجامعة بعمر والتي تحبه وتعتبره ملكها هي فقط وتعتقد انه هو ايضا يبادلها نفس الشعور 
ريهام :  الو ايوة ياعمر انت فين مش بترد علي مكالماتي ولا رسايلي علي الواتس حتي الفيس قافل علطول برده كده اهون عليك
عمر :  معلش يا ريهام والله غصب عني انا اليومين دول حرفيا كدة مش شايف حتي قدامي تقريبا كدة فصلت شحن ولا حاجة
كندة :  يالا ياعمر احنا جاهزين
عمر : يالا يا حبيبتي
ريهام بصدمة :  اي دا يا عمر ايه اللي انا سمعته دا انت بتخوني ياعمر
عمر : انتي ياهبلة يابت اخونك دا ايه محسساني انك المدام ولا حاجة
ريهام : امال مين اللي بتقولها ياحببتي دي
عمر :  دي اختي كندة يابنت المجنونة بقولك ايه انا مش فاضي لشغل العيال دا روحي يالا سلام
ريهام اي دا دا قفل في وشي
ميار صديقتهم :  يابنتي مليون مرة اقولك اتقلي شوية مينفعش اللي انتي بتعمليه دا الشباب مبتحبش البنات المدلوقة عليهم كده
ريهام : اعمل ايه بس ياميار بحبه بحبه قوي
ميار :  طب وهو متاكدة انه بيحبك
ريهام : بصراحة لأ بس هو بيعاملني كويس
ميار :  طيب اتاكدي من حقيقة مشاعره ناحيتك الاول وبعدين ابقي احكي لحسن تقعي علي جدور رقبتك بعد كدة

وصل عمر ومعه اسماء وكندة ولؤي الي الفيلا

استقبلهم محمود وهنيه من علي الباب ودخلو جوه في الفيلا وعرفهم محمود علي اوضهم وعلي الخدامين وايضا علي ابو فارس ومراته
نادية : اهلا اهلا ياست هانم الف سلامة عليكي
اسماء : ست هانم ايه بس انا لاهانم ولا حاجة قوليلي يا ام لؤي احسن
اتعرفو علي بعض وبقو اصحاب
هنيه ياهنية هاتيلي النسكافيه بتاعي في الجنينة علشان الفيلا بقت تخنق أوي
نادية :  صوت مين دا
اسماء :  دي فردوس مرات محمود وام عمر
نادية : ومالها كده بتلقح بالكلام كده ليه وبعدين دي حتي ماجاتش تقولنا حمدالله علي سلامتكم
والي اللقاء في البارت العشرين

اتمني رايكم في تعليق