عشقتها رغما عني

البارت الثاني عشر

تعقب رجال الشرطه هاتف بيان وبالفعل توصلوا الى مكانه وعلى الفور توجهوا اليها لكي يتم انقاذها و بعد مرور ساعه على خطف بيان
افاقت من اثر المخدر الذي وضعه على فمها هذا المدعو كريم ووجدت نفسها في غرفه داخل منزل مهجور على سرير مليء بالاتربه واخذت تصرخ باعلى صوتها
فجاء كريم على الفور وقال :  اخيرا فوقتي يا حلوه ما تتعبيش نفسك ما حدش هيسمعك
شفتي بقى انا اقدر اعمل ايه عاملالي فيها الست جوليت هانم وانا عامل زي الباشا روميو داير وراكي وانتي مش بتردي
ايه هو احنا مش قد المقام ولا ايه
بيان ببكاء : روح ياشيخ منك لله ربنا ياخدك ويريحنا منك انت فاكر ان اللي بتعمله ده صح ولا قانوني دي عقوبته كبيره قوي وفيها سجنك ان شاء الله
كريم ههههه مين ده اللي هيسجني يا بنت الكلب ابوكي عامل النظافه
بيان :  اخرس يا كلب يا واطي يا سافل بابا ده احسن منك ومن امثالك انت صحيح اهلك ما عرفوش يربوك 
كريم : فقد اعصابه واخذ يضرب بيان بكل قوته وهو يسب ويلعن بها و باهلها بافظع الالفاظ وفجاه اتي صديقه صاحب التوكتوك ليقول له الحق يا كريم الحق يا صاحبي في بوكس بوليس جاي علينا
كريم :  انت بتقول ايه وايه اللي عرف البوليس مكانا ده احنا كده روحنا في داهيه
صديق كريم :  ولا داهيه ولا حاجه يلا بينا نهرب بسرعه وانا معايا مسدس الحمد لله ان انا جبته معيا كان قلبي حاسس انك هتوديني في داهيه في الاخر معاك بس مش مهم يلا بينا
كريم وقد اخذ بيان ليهرب
بيان اه اه اه سيبني ياسافل الحقوني الحقوني الحقني يا فارس فارس فارس
وبالفعل هجم ضباط الشرطه عليهم قبل ان يهربوا ببيان ولكن قام كريم بضرب النار على الشرطه مما دعا رجال الشرطه للاشتباك والدفاع عن انفسهم وتبادل اطلاق النار وقد اسفر هذا الاشتباك عن اصابه بيان بطلق ناري من كريم في كتفها الايمن فقد كانت تود ان تهرب وعندما جرت  وافلتت من يده قبل ان تصل الى اخوها اطلق عليها النار ولكن رجال الشرطه امسكو بهم واتصلوا  بعربيه الاسعاف لينقلوا بيان الى المستشفى
حملها فارس مع رجال الاسعاف وذهبوا بها الى اقرب مستشفى وفي طريقهم  رن فارس علي ابوه واخبره   بما حدث
فذهب ابو فارس الى المستشفى بعد ما قص على الحاج محمود رئيسه في العمل ما حدث وسمح  له بالذهاب على الفور

اخذ رجال الشرطه كريم وصديقه الى القسم واعترفوا بجريمتهم كامله وتم حبسهم على ذمه التحقيق

وعلى الناحيه الاخرى دخلت بيان غرفه العمليات لاستخراج الرصاصه من كتفها ولكنها نزفت دما كثيرا فاضطر الدكتور لطلب اكياس دم خارجيه وذلك لان فصيلتها من النوع النادر 
اتت والدتها وهي تهرول وتقول بيان بنتي حبيبتي استرها يا رب استرها يا رب
ابو فارس :  خير يا ناديه ان شاء الله ادعيلها
فارس :  بطلي عياط يا ماما انتي  تعبانه مش حمل الزعل ده كله ان شاء الله هتكون بخير

ناديه اخبارها ايه دلوقتي طمنوني عليها الدكتور قالكم ايه
فارس :  لسه يا ماما في العمليات محتاجين دم واحنا مش مطابقين لنفس  فصيلتها
نادية  :  ولا انا طيب خذوا مني اللي انتو عاوزينه
فارس :  لا يا ماما ولا انتي  اطمني انا اتصلت بكل اللي اعرفهم واتصلت  بقرايبنا و اصحابي في الجامعه ان شاء الله نلاقي حد منهم
نادية :  استرها يارب  دي بنتي غلبانه قوي وفي حالها وعمرها ما اذت حد
ابو فارس وقد اخذ مصحفا وبدأ يقرأ القران ويدعو الله بان ينجي ابنته
خرج الدكتور ليسالهم لقيتو  حد يا جماعه يتبرع بالدم  ولا لسه كده خطر عليها الوقت ده كله محتاجين دم فورا
فارس : خلاص يا دكتور انا اتصلت  بناس كثير زمانهم على وصول
وبالفعل اتي  حوالي 20 شخص ولكن لم يجدوا منهم اي واحد يصلح  للتبرع بالدم

وفجاه اتي الحاج محمود الى المستشفى ليطمأن على ابنة احمد عبد السميع المدعو ابو فارس
ابو فارس :  يا خبر معقول يا بيه جاي  بنفسك تطمن على بنتي
محمود :  متقولش كده يا راجل ربنا يشفيها يا رب طمني ايه الاخبار؟ 
فارس:  محتاجين نقل دم ومش لاقيين نفس فصيلتها محمود :  هي فصيلتها ايه
فارس  : فصيلتها.  .. . .
محمود :  متقلقوش  انا عندي الحل 
تابعوني