သူတော်စင်နှင့်နတ်ဆိုးဘုရင် [မြန်မာ ဘာသာပြန်]

Chapter (4.2)

Zawgyi

အပိုင်း(၄)ဒုတိယပိုင်း
(အခမ်းအနား)

ထိုအရိပ်က ကောင်းတဲ့အရာမဟုတ်တာကြောင့် ဒီလိုမျိုးလွယ်လွယ်ကူကူကျေအေးပေမည် မဟုတ်မှန်း ချန်လီကုန်းသိလေတယ်။
သူထင်သည့်အတိုင်းပင်...နောက်တစ်နေ့တွင် ထိုအရိပ်ပြောသွားခဲ့သည့် စကား၏အဓိပ္ပါယ်ကို သိသွားတော့သည်။

ဂိုဏ်းချုပ်ဘုန်းတော်ကြီးများစွာနှင့်အစည်းအဝေးကျင်းပနေခဲ့သည့် ချန်လီကုန်းက ထိုအရိပ်သောင်းကြမ်းနေသည်ကို ကူကယ်ရာမဲ့စွာကြည့်နေရလေသည်။

ထူးဆန်းသည်က တခြားသူများမှာ ၎င်းကိုမြင်ပုံမရပေ။

အရိပ်က ချန်လီကုန်းရဲ့ကိုယ်ပေါ်တွားတက်လာပြီး လက်မောင်းဆီမှတစ်ဆင့် ရင်ဘတ်ထံရောက်သွားတော့သည်။၎င်းနောက် ဝမ်းဗိုက်အောက်ပိုင်းသို့တဖြည်းဖြည်းလျောဆင်းသွားလေသည်။

ချန်လီကုန်းမှာ ထိုအရိပ် သူ့အသားကိုညင်သာစွာပွတ်သတ်ထိတွေ့နေသည့်အပေါ် အံကြိတ်သည်းခံနေရ၏။
မိုက်ကယ်လ်၏ခန္ဓာကိုယ်က သည်လိုအရာမျိုးတွင် အတွေ့အကြုံမရှိသည့်အတွက် အလွန်ခံစားလွယ်နေပြီး ခပ်မြန်မြန်တုန့်ပြန်လာတော့သည်။

သို့ပေမဲ့  သွေးသားဆန္ဒဟူသည် သူတော်စင်တစ်ပါးအတွက် ယင်တဝဲဝဲအုံနေသည့်အသားစိမ်းနှယ် ညစ်ညမ်းလှပေသည်။

ပုပ်ရဟန်းမင်းကြီးလေး၏မျက်နှာတော်သည် ပန်းသွေးရောင်သန်းနေပြီး၊ ပြာလဲ့လဲ့မျက်ဝန်းလေးများထဲတွင် အမျက်ဒေါသတို့ကိန်းအောင်းလို့နေ၏။

တခြားဘုန်းတော်ကြီးများမှာ ပုပ်ရဟန်းမင်းကြီးလေး ရုတ်တရက်အမျက်မာန်ရှသွားသည်ကိုမြင်လိုက်ရပြီး အထိပ်ထိပ်အလန့်လန့်ဖြစ်ကုန်ကြတော့သည်။
ဘာဘဲပြောပြော ဒီပုပ်ရဟန်းမင်းကြီးလေးက ရာထူးဆက်ခံသည့်နေ့၌ပင် ဂိုဏ်းချုပ်ဘုန်းတော်ကြီးများစွာကို အေးခဲကုန်းမြေများသို့နှင်ထုတ်ခဲ့သည်လေ။

ပုပ်ရဟန်းမင်းကြီးလေးက လက်သီးကိုကျစ်ကျစ်ဆုပ်လိုက်သည်။
အရှက်တရားကြောင့်ပေလား အမျက်ဒေါသကြောင့်ပေလား သူ့မျက်ဝန်းများက အနည်းငယ်နီမြန်းလို့နေသည်။