#صفحة_هنا_نحكي_حكايتي
#بختة
#الحلقة_3
تقاسمنا الشومبرة حنا ربعة و كل بنت و جات مع قصتها و كل قصة تقول للقصة الاخرى ريحي ...حكينا لبعضانا و تفهمنا على كلش وتفاهمنا نكونو يد وحدة ولازم نرفدو بعضانا لبنات لخرين محكينالهمش على بابات خيرة بلي ارهابي باه ميخفوناش ..المهم حطينا شوية شوية و بدينا نطيبو في هذيك الشومبرة و بدينا متفاهمين ونقراو نورمال و كل خطرة تنقص طفلة من الجامعة كاين لي نسمعو خبارها و نعرفو سبتها على بطلت و كاين لحد الساعة ما سمعنا عليها لا ميتة و لا حية ...فاتت 3 اشهر قراية ما رحت لا انا لا خيرة لديارنا هو امر عادي بزاف بنات مراحوش بصح احنا غير شكل احنا اهلنا مكانوش قابلينا نقراو و كي شغل رانا هاربين بصح ناس لخرين ميروحش خوف برك ...كي قربت العطلة قلنا المدير تاع هذيك الاقامة شوية خطر عليكم مدام راكم غير انتوما و بعض لبنات لي رايحين تجوزو العطلة هنا قلنالو معليش متخممش احنا نتحملو المسؤولية دلنا تعهد و بقاو معنا غيرو رجال الامن لي ينعدو على الاصابع اما الاكل قلولنا طيبو رواحكم قاع ماليهم جاو داوهم قعدت غير انا و خيرة كيما ليتما ...ذيك ليلة بتنا نفيبرو و رقدنا حذا بعض و حدة ترقد و حدة تعس ومن بعد نتقاسمو الدور ...و بلا ما نحكو على انقطاعات الكهرباء ...نقصت علينا الماكلة قلت لخيرة غدوا نروحو عند عمتي نجيب شوية خضرة راجلها يخدم فيها نفوت بيها العطلة بيد ما فتح الله باسكو مبداوش يطيبولنا ..الصباح درنا جلابيبنا و هذاك السيتار و درنا اليد فاليد و رحنا.. احنا خرجنا و احنا صبنا وحد السيد حذا الجامعة تقول كان يستنا فينا ....فلول معطينالوش اهمية ..مي كي مشينا شوية كي دارت خيرة صابتو من مورنا ..قاتلي ا بختة ا بختة راه يتبع فينا ....بديت نفيبري ...قاتلي وين نروحو ضروك ...قاتلها اسمعي نساي الامر تاع عمتي غير نساي ....قاتلي ها وين نروحو قتلها لسبيطار ديركات ....مشينا وهوما مزال من مورنا دخلنا لسبيطار ودرنا رواحنا نهدرو مع وحد البوليسي بلاك السيد يخاف ويروح...دخلنا رحنا لوحد.الطبيبة ويدينا يرجفو ...خبرنها بكلش ..قاتلنا وانتوما مهابل تخرجو من الاقامة قاتلنا علبالكم شكون لي يقعدو فالاقامة و زيد بنات وحدهم مع ليزاجو شفت في خيرة و هي شافت فيا قتلها اجدك هذي مقرينلهاش حساب ....شفنا فيها وقلنالها والحل ...قاتلي ما نقدر ندلكم والو يا تروحو لابوليس و تخبروهم ولا عندي فكرة لي تخليكم تهربو منو قلنلها لابوليس لالا تلحق لامالينا و زيد خفنا بابات خيرة يسمع و يقول بلي راحت تبيعو ...راحت مسكينة جبتلنا حجابات و عجارات وحدوخرين ..قتلنا بدلو حوايجكم وكل وحدة تخرج وحدها ...مكانش عندنا حل اخر ولازم نديرو عليها تفهمنا باه نتلاقو عند البيس بصح منتلاقاوش و منهدروش مع بعضانا ...لبست خيرة هي لولة و خرجت ودرتلها فاصمة في رجلها و قتلها مشي شوية عوجة ... و لبست انا من مورها ورفدت ساشي فيها جلابيبنا ....وخرجت بديت نمشي وخايفة نشوف من موريا خفت ايلا نشوف من موريا و يفيقلي ....نمشي و انا حاس بواحد يمشي من موريا و كانت الشمس كي شفت في لرض سبقني الظل تاع السيد ....عرفتو بلي هوا ......#تصبحون_على_خير....الله يعينكم على هذ القصة ........هذ القصة جريمة في عالم القصص .......بون وي
