#صفحة_هنا_نحكي_حكايتي
#بختة
#الخلقة_4
قتلكم تفارقت انا و خيرة وبدلنا حويجنا باه ميفيقولناش وكل واحد راح في طريقو بديت نمشي ونزرب مبغيتش نشوف من موريا باه ايلا كان من موريا ميتاكدش بلي راني هاربة منو... نمشي نمشي حتى نشوف ظل تاع واحد سابقني عرفتو بلي هو قلت خلاص ضروك يدخل فيا موس قلي اسمعي روحي نيشان و ميشقاش تشوفي من موراك باه ميطيرش راسك (دموع هابطين وحدهم ياربي هذا كيفاه عرفني ) ومهدرتش مقدرتش نهدر قلي باين راكي تقولي هذا كيفاه عرفني قلي هذ صوالح كملنا معاهم و قلي سمعي مليح قولي لبنت سي احمد (خيرة) قولها ليوم قبل غدوا ترجعي لدار والهدرة لوخرا غير زيادة وقوليلها انتي خيري يا راسك يا راس بويك (نخلعت ) ...جيت نهدر ..قلي غير انا لي نهدر وانتي يسموك تسمعي وقلي انتي حسابك وحدو بصح حتى تتعذبي قبل ...انا من خلعة معرفتش واش نهدر كي جيت نصد من موريا مصبتوش ...رحت نجري ديراكت للبلاصة لي تفهمنا باه نتلاقو انا وخيرة قعدت تقريب ساعتين نستنى فيها بصح والو و هذاك الوقت الغاشي كامل موسوس من روحو وسيرتو النسا ضليت نستنى بصح مكان والو ما صبت لا نروح و لا نستنى لحق العصر و مكان والو سقسيت صحاب نقولا فان مشفوهاش ...وبدات دور الافكار العيانة في راسي ...قلت نرجع للاقامة بلاك نصيبها ثم ..حكمت البيس كي وصلت للبوسط بوليس قلولي مناش عارفين كانو جماعة وحدوخرين هنا ..رحت نجري لشومبرة نطبطب مكان والو حتى تفكرت بلي المفتاح راه عندها و هي مهيش ثم ...ضربت راسي على الحيط اه ياربي وانا كي ندير ضروك و الجوع قتلني طبت و انا واقفة مع البالكو نستنى فيها ...حتى شفت السيارة تاع لبوليس عند البوسط بوليس ...هبطت نجري بغيت نشوف شا كاين ووقلبي مزير قلي انتي هي زميلة خيرة ..قتلو انعم حضرات انا هي ..قلي تفضلي معانا قتلو شا كاين منروحش قلي هياي معانا مشي كيما تبغي انتي ....(يااااربي واش كاين ثاني ) .....ركبت معاهم ونبكي ونسقسي فيهم على خيرة ...بصح مبغاوش يجاوبوني ..كي وصلت للكوميسارية ودخلوني .......#يتبع ......
