#صفحة_هنا_نحكي_حكايتي
#بختة
#الحلقة_7
قلتلكم قعدنا نخملو فالشومبرة حتى شفنا زبيدة تبكي ..سقساتها خيرة قتلها واش بيك ...قتلنا مسمعتوش ....قتلها غير الخيرة ...قتلنا وك سهام (لبنت الرابعة لي مريزيديا معانا ) ...انا فشلت قبل ما تكمل ...قاتلها خيرة انطقي مالها سهام ....قتلنا وك قتلوها ...طحت انا من خلعة ركبيا فشلو ....بدات خيرة تعيط كيفاااش هذي شكون قلك ....بقات تسكت فينا ..تعنقنا وبدينا نبكو ...قتلنا بلي كيما دينا العطلة بعد يومين جاو داوها ذيك ليلة من دارهم ....يومين من مورها صابوها في شكارة و مفزرة ....قتلها خيرة صيبو صيبو ...سقسينها على السبة لي قتلوها على جالها ...قاتلنا قلولها متقرياش ....شفنا في بعضنا انا وخيرة و تاكدنا بلي مصيرنا الموت كون نرجعو....ذيك ليلة منشفتش دمعتنا ...سيرتو هذي سهام جاية ضحاكة و نية بزاااف ...وبدينا نتفكرو فالسفونير توعها وبلا منحكيلكم على قشها وبلاصتها ...كي نتفكر نصي يروح ....قرينا تقريب سمانتين و الحزن مبغاش يفارقنا ....والوحش بدا قاتلني و مكاش قاع كيفاش نعرف اخبار دارنا ....قلت لزبيدة ايلا تروحي لعمتي و تسقسيها ...مبغاتش وعندها الحق كان الخوف ...قاتلي نروحو كيف كيف ....ومن بعد قاتلي انتي علاه مكيش باغية تروحي ...ايا قتلها خلاص خلاص انساي مبغيتش نخبرها بقصتنا باسكو كون تسمع ب بابات خيرة و الله تشيعنا ....المهم فاتو يمات وكل حادثة تصرا تزيد تأكدلنا بلي مكاش رجوع لدار ....رجت لهذاك الاجو لي يسموه السايح كان يعرف قصتنا ..قتلو توحشت دارنا ...وبغيتك جيبلي اخبار عليهم ونخلصك ...هذا سايح مكانش يخدم حاجة بلاش كان كل حاجة يخلص عليها بصح يريسكي بزااف ...قتلو روح لدوارنا وسقسيلي وسقسي على دار تاع خيرة وعطيني سمانة نخلصك فيها ...قلي الجمعة نروح ....عطيتو كامل العنوان وراح ... راح صباح بصح مجاش قاع هذاك نهار ...باسكو متفهمناش وينت يرجع ..قلت بلاك كي يدخل يخدم يجي. ....صباح صبحت عند البوسط بوليس حتى جا ...غمزني وقلي من بعد نتلاقو فالمطعم ...رحت للمطعم و قلبي محروق ....كي جا رحت نجري ليه .....قلي صح كاين عندك خواتتك غير بنات قتلو ايه علاه ؟ ..قلي و ميمومنة ختك ....هززت غير راسي من الفوق لتحت و حصلتلي في قرجومتي ....قلي .........#تصبحون_بالف_خير .......
