#صفحة_هنا_نحكي_حكايتي
#بختة
#الحلقة_24
كيما قتلكم بقات سمانة للعرس المشؤوم ولي منيش حاطة قاع معاه ....وحد اليوم جا احمد ولد عمتي فات عند يماه وعيطولي وقلولي بلي رجل ختك ربي يرحمو ....نضت نيشان ورحت كملت ماعيني ...صيبو مبقاتش بلاصة لصدماتفي قلبي ...بدات غير الدمعة تسيل ....وعمتي تقابر فيا خايفتني كاش ما ندير في روحي لانو تصرفاتي كانت ماشي عادية بصح ما بيا والو بغيت نتزوج و نكمل حياتي لي مفروضة عليا ..قاع هذ الشي كلاني قلبي على ختي قلت لعمتي كيفاه قتلوه ...قاتلي من ضربة تاع لي عاونكم كيما هربتو ذاك نهار .....وقتلها ختي وين راهي قاتلي رجعت هي و شيخها لدارها ....قتلها ومهمش خايفين ...قاتلي خلاولهم برية وقلولهم تقدرو ترجعو رانا دينا واش بغينا .......بغيت نروح ليها بصح عمتي مخلاتنيش قاتلي كي تتزوجي وديري شا بغيتي .....جا نهار العرس ما درنا والو و معرضنا ولا واحد من غير خالتي حكيمة لي جات درتلي شوية حنة ..خملت فليزاتي و جاو داوني صباح لله..وراحت معايا عمتي ...رحت لداري امنو قاع مشفتش فيه و كون ميسقسينش منهدرش .....عائلة مبنتليش كي دايرة بصح نورمال تصرفاتهم عادي مع اي عروسة جديدة ....فاتت ليلتي بخير وعلى خير ...صباح راحت عمتي وقاتلي تهلاي في روحك ....جات عجوزتي تسقسي فيا على اهلي قتلها خالتي ايلا ديرني بينتك منيش باغية نجبد فيهم انتي و راجلي هوما اهلي ...عنقتني وقاتلي انتي بنتي ....فاتت تقريب عام ....الحق تاع ربي عايشة غاية ...باسكو راجلي يليفي الخضرة و الفاكية ليكولات و مؤسسات الدولة ومن بينهم لابوليس و العسكر ..وهذ الشي لي مخوفني ...كي دصرتو مليح مليح جبدتلو فالسوجي قتلو كيفاه انت مكش خايف على حياتك ....بدا يضحك قلي الموت الوحدة ...قتلو كي الموت وحدة كون متزوجتش ..هاو انا غير لي نوالفو يروح ويخليني .....قلي متخافيش متخافيش نسلك راسي و كل مرة يبعثولي بصح ميديرو والو ....ما عييت نهدر و نحاول فيه ونحكيلو على واش فت بصح والو........ناض وراح فتح الخزانة و خرج وحد الصندوق قلي فتحيه.............
