#صفحة_هنا_نحكي_حكايتي
#بختة
#الحلقة_23
المهم طحت فالفخ ورجعت نجري للحوش و خالتي حكيمة من موريا ماراهي فاهمة والو ....كي وصلت وصبت الغاشي داخل وخرج نقطعت في نفس و مقدرتش نزيد خطوة ..فاتت نيشان خالتي حكيمة باه تعرف واش كاين ...زدت قدمت شوية ودخلت غير بلعقل حتى نصيب الدم مع الباب ...طحت عند العتبة و حكمت قلبي مقدرتش نبكي .....قالي وحد شيباني جارنا ساكنا حذنا مكان والو ابنتي مكان والو ..قلي هذيك صحبتك ؟ هززت غير راسي ...قتلو قتلوها وداوها لسبيطار واه؟ ...قلي لالا ....بقات خالتي حكيمة تسقسي فيه واش صرا ..قلها هذاك شيباني جارنا اودي مكان والو ... قلها انا كنت في داري حتى سمعت تعياطة تاع هذ الطفلة خرجنا كامل نشوفو واش كاين ...خرجت انا لول صبت 404 باشي حذا الباب والعياط لداخل ...كي لحقنا صبنا زوج يجرو في هذيك الطفلة ربطوها وطلعوها وقاسو من لور في وسط الخبز اليابس ...قتلوو وهذ الدم تاعش ...قلي شفنا واحد منهم مضروب فالجنب تاعو ...عرفتها بلي هي ضرباتوو كانت متتحركش بلا موس مسكينة عايشة فالرعب ....ريحت شوية قلت المهم مقتلوهاش كون عينهم كون خلاوها مذبوحة هنا ...جاو لابوليس وبقاو يديرو في لونكات ديت قشي و قش خيرة وذوك الدراهم ورحت مع خالتي حكيمة و قلبي مقهوور على خيرة ... بلعنا ذاك الحوش ...ما وليت لا ناكل ولا نشرب حتى دخلت لسبيطار وقلبي على خيرة ..مفرحتش مسكينة في حياتها ....قاتلي خالتي حكيمة مقتلوهاش باين قاتلي باين بويها عندو علاقة بالخطيفة تاعها....معرفتش قاع كيفاه نفسرها ....فاتت سمانة وانا نستنى غير. في كاش خبر تاع كاش وحدة صابوها مقتولة و مرمية ..قاتلي خالتي حكيمة مشكيتش تقدري تكملي وحدك في هذ الطريق بزاااف عليك عييتي...وكنت ديجا حكيتلها على ذاك العريس ..قاتلي لازم واحد يسترك و القراية نسيها ....في هذيك الفترة حسيت روحي ثقيلة شوية على دار الناس ووقررت باه نرجع لعمتي ...رجعت ليها صبتها سامعة كامل بالقصة ...قاتلي وصيتك و صيتك شعال من خطرة عيينا نهدرو بصح والو طفرتيها في صحبتك كل يوم نفس الموال كل يوم تلومني حتى قريب هبلتنيى...قتلها اعمتي قوليى لعمي عبدق ايلا ذاك سيد مزال متزوجش راني قابلة ...قاتلي الحمد لله ..قاتلي مزااال متزوجش..قتلها قوليلو ...بعثنا خبر لخوالي عاودت بعثت يما لعمتي وقتلها زوجيها راهي عندك احنا معندو مدخلنا...بصح انا عرفت بلي خالي هو العدو والسبة لي مخلاهش تجي ...بصح مكنتش حاطة مع الزواج كان تخمامي غير عند خيرة و ميمونة ختي لي مبان عليهم حتى خبر ....ليصونصيال جا هذ السيد يخطب وسمو حسان ...جا هو و مو قبلت بكلش ووهوما قبلو ....وتفهمنا باه نديرو كلش بسكات لانو الار...ها ..ب.....كانوا يطيحوا غير فالمناسبات كي بقات سمانة للعرس ....وقاعدة عمتي تخيطلي في وحد المخاد وانا نغسل فالماعن ...حتى جا ولد عمتي فات عند مو يخالي فيها ..فلول محطيتش معاهم ...بصح كي عيطتلي عمتي ووقاتلي ريحي قلبي نقزني ....وعرفت بلي كاين حاجة ..بدات تهدر و خلاص ....قتلها شوفي اعمتي ايلا راكي مهتمة للمشاعر تاوعي وخيفتني كاش ما يصرالي غير كونك هانية صيبو طلقي واش عندك تعودت القلب مات ...قاتلي شا باغي نقلك ..قاتلي ......#تصبحون_على_خير ....وميشقاش تقلولي زيدي حلقة باسكو حطيتلكم ,,5 اليوم ...وباه نطمنكم كل حلقة في تشويق كثر من لي قبلها...ماعليكم غير تصبرو ....ولساتكم ما شفتو شي ......
