#صفحة_هنا_نحكي_حكايتي
#بختة
#الحلقة_16
صرا لي صرا و حكمنا هذاك لي ميتسماش بصح يا ريتنا خليناه راح ...مصبناش كي نديرلو توجهنا لرجال تاع الداور بصح مكاش لي بغا يعونا بصح عندهم الحق خافو وزيد ملازمش نخلوه عندنا لازم نليكيدوه ..يكيفوهلنا تهمة قاع وحداخرى ...بلاك تقديم العلاج للجماعات ... اكم عارفين ....بقلنا حل واحد ولي هو الرحلة ...و تفهمنا باه نروحو من هذ الدوار المشؤوم ....لمينا قشنا كامل غير كوغطنا و ذهبنا و دراهمنا ...و المعيز ونعاج باعتهم اماا بنص السومة ضطرينا الله غالب والقش هذاك اعطيناك لناس ختي باسكو ختى ثان عولت ترحل ....قبل ما نرحلو راحت يما لهذاك لي قبضناه ..قاتلو شوووف ا وليدي انا مراح ندلك والو و مراح نقلك والو من غير الله يسامحك ..قاتلو يلا كانت فيك ذرة تاع خير قولي بنتي كي راهي فلول مبداش يجاوب بصح كي قاتلو نطلقك ..قلها معلباليش قلها مهيش وحدها راهي مع بزاف نسا و زوجنها بواحد منا ...بدات تبكي قاتلو وين راهي ضروك قلها والله ما علبالي دها زوجها و راح لبلاصة اخرى ...قاتلو املا شوف اوليدي بلغلها سلامي وقلها منسيناكش قتلو رايحة نطلقك و دي سلاحك معاك و خلينا نعيشو طرونكيل و قاتلو بنتي عندكم..راجلي مات ..شردتوني داري نحرقت شا باغيين من فوق هذ الشي ...هو غير ساكت طلاقتاو فليل هو راح من و حنا دينا قشنا من ....سعاد راحت مع ختي المتزوجة و بقيت غير انا و ما و ختي امينة ...دينا كابتنا الصباح وكل واحدة راحت وحدها وتفهمنا الملقى عند عمتي .....والحمد لله وصلنا بخير عند عمتي ...بصح عمتي خافت بعد ما حكينالها و قتلنا والله ما نقدر نخليكم عندي ..قتلها ماا لالا مجيتش نقعد هنا جيت نوصيك على بختة راهي قدامك و راهي امانة عندك الله غالب بغيت نبطلها بصح كي طفرت لالا غير خليها تكمل قرايتها ويلا بغات تتزوج زوجيها ....هوما يهدرو وانا وامينة نبكو ...قتلها عمتي وانتي وين تروحي ...قاتلي نروح عند مرت بويي و خويا يشوفلي كاش حل ....المهم تعنقنا و تسلمنا وراحو وانا رجعت للجامعة و هدرت مع الاساتذة عاودولي الامتحانات ...و الدعوى بدات تبان لا دار لا دوار....و عيلتا تفرقت و تشتت و كل وحدة وين راهي ....لحقت العطلة تاع الصيف و تزيرت علينا سيرتو خيرة مسكينة. ...انا اوموا نروح عند عمتي بسرقة تبلع عليا في كلش شومبرة بصح هيا قاع معندهاش وين تروح ...تفكرت ذيك العجوزة و ذيك الاستاذة ...قتلها تبعيني ....ديتها و خايفة وسيرتو كي يعرفو بلي بويها ارهابي .....
