#صفحة_هنا_نحكي_حكايتي
#بختة
#الحلقة_19
قتلكم هذيك العجوزة وسوستنا و معرفناش قاع واش مخبية ...وسيرتو مين عطاتنا ذوووووك الدراهم ..بتنا نخمو ومن بعد قررنا باه نسكتو حتى تزيد تبان الحالة كي دايرة ...ومدام قتلنا بلي كي يجو يسقسوكم على شكارة قولو داتها حكيمة ...عرفنا بلي صح يجو يسقسونا ....قعدنا وسكرنا على الموضوع ....وحد النهار خصنا شوية خضرة ...قلت لخيرة نخرج نشري ونجي منطولش وبلاك تفتحي لباب لكاش واحد بلا ما طلي و تعرفي شكون ....كي خرجت و دخلت لوحد الحانوت نقضي و نخطار فالخضرة ...واحد كان حذيا يشري هو ثان ..انسان عادي يبان مواطن عادي نورمال ...قلي انتي لي راكي ساكنة فالسكنة للفلانية ....قتلو متحشمش علاه تسقسي فيا وين تعرفني ...قلي بلعقل وميشقاش تعرشي .....قلي الشكارة لي طاحت عندكم فليل حطيها مع لبوبال حذا الباب ومن بعد نجي نديها....فلول نكرت ...قلي متلعبيهاش مكيش عارفة ...انا قست شكارة ثم وبغيت نرجعها هذا مكان ....قتلو لالا اك غالط معندي حتى شكارة ....قلي حكيمة ....وانا عرفت بلي هو السيد المطلوب وهو لي قاسها...قتلو املا حكيمة هي لي جات داتها ....قلي ايا صحا ختي ....كي جا رايح لحقتو ..قتلو شكون انت قلي متحوسيش تفهمي وراح و خلاني ....رجعت نجري لدار خفت على خيرة قلت باين راح لعندها قبل ...كي وصلت صبتها نورمال ..حكيتهلها كلش ...قاتلي خيرة والله غير كاين حاجة والله يقتلونا ...خوفتني بهدرتها....قتلها رجلي على رجلك ونروح عند هذ العجوزة نفهمو منها ويلا مبغاتش تفهمنا ..نعطولها مفتحها و نروحو للبلاد لي كلتنا كلتنا ....دينا كوغطنا و هذوك الدراهم ....ورحنا ليها عينا نطبطبو بصح مكان والو ....رحنا ندورو فالمرشي شويا ...كي رجعنا نفس الشي مكان والو ...طبطبنا على جارتهم وسقسينها ...قتلنا راهم عند لابوليس ....اوووووووووو ...متنا بالخوف....و مصبناش قاع كي نديرو ......قتلها اخيرة و الله غير الهربة ....قاتلي صبري صبر كون كاين حاجة والله غير كون طاحو علينا....قتلها والحل .....قاتلي .........#يتبع...انتو لسا ما شفتو شي .....
