#صفحة_هنا_نحكي_حكايتي
#بختة
#الحلقة_12
بعد ما رجعت للاقامة وسمعت بخيرة راحت تحوس عليا جن جنوني و ليت نمشي فالطريق ونسقسي عليها كيما المهبولة نحوس عليها وخايف غير كاش مايصرلها بسبتي ...نمشي نمشي ومن بعد تفكرت قلت خيرة مهيش غبية باه تطلع و تحوس عليا في دورنا مدام قلولها كاين قتيلة باين تروح لسبيطار ولا لبوليس تشوف شكون ...رحت لابوليس ستنيت شوية برا قلت بلاك ضروك تخرج بصح مكان والو ..رحت لسبيطار صبت الغاشي متلايم برا ولابوليس يحاوزو فيهم والحمد لله كيما توقعت صبت خيرة معاهم طبع وتحوس تعرف شكون لي مات وسيرتو من قلولها المرا المقتولة طفلة كيما احنا ...بصح هذاك الموقف لي شفتو فيها حسسني بالامان حسيت عندي سند يخاف عليا ..رحت ليها توشيتها من ظهرها كي صدت ليا ...طلقت نفس طويلة من فمها ..قاتلي. اووووووووووف قتلتيني وعلاه وعلاه ..ديتها ورحنا نتمشاو و نحكيلها واش صرا ..قاتلي والله ما غمضت ..قتلها مكان والو ..قتلها يماك مقدرتش نشوفها الله غالب و قتلها بلي يما نهار الخميس راهي جاية لطبيب عند عمتي وقاتلي نتلاقو ....الخميس صباح رحت عند عمتي و رحت كي لعادة مبدلة حوايجي نهار طول وانا عند لبنات نبدل في حوايجي و كانو تقريب كامل دايرين الجلابيب باسكو كامل كانو مهدينهم بالقتل ......ليصونصيال رحت عند عمتي استقبلتني نورمال قاتلي عندي خبر بلي مك راهي جاية ليوم ..المهم دخلتني قعدنا مجمعين حتى جات يما مع ختي ...اكم تعرفو تلاقيتهم و دموعي يسيلو ....و نهار قلولي بلي ميمونة زوجوها فالجبل هضعت بالبكا قسمتلي قلبي .....وحسيت روحي انا السبة ...قاتلي يما شوفي فالحق مكان لا طبيب لا والو ....وبقات تشوف في عمتي ....قتلها واش كاين ...قاتلي شوفي رايحن نقلولك وحد الحاجة بصح لازم تفهمي مليح مليح واش رايح نقلولك .... قتلها غير الخير ..قاتلي هوما جنهم راه جاي عليك انت وخيرة ...ولازم تبطلي من القراية ...قتلها يتسما قاع هذ المشي لي مشيتو و بعدما داو ميمونة ختي نرجع لدار باه يقتلوني ...قاتلي عمتي شكون قلك ترجعي لدار....قتلها اوووو كيفاه وين باغييني نروووووح ....قاتلي عمتي شوفي عبدق (راجل عمتي ) .....قلي صاحبو باغي يتزوج هو بخير عليه مضاري هو عندو كاميو يجيبلو الخضرة وقلو حوسلي طفلة باغي نتزوج ...قتلهم حبسو حبسو شوفي اماا ايلا جيتي ليا على جال هذ الموضوع غير مكان علاه ..ماشي انا ريسكيت قاع هذ الريسك و فالتالي تقوليلي تزوجي ...ناضت اامااا .....
