#الحلقة_17
ديتها ورحنا عندهم كي شفونا ستقبلونا نورمال و زهات ذيك الاستاذة كون صابت ديرنا في عينيها ....بصح كي سمعت بقصتنا و قصة خيرة نقصت نيتها بصح عندها الصح مرا بخير عليها و متزوجة و برجلها تشد عندها طفلة عزبة وشابة كيما خيرة انا ومنقبلهاش في بلاصتها...حسينها حشمت مصابتش قاع واش تقول ...حتى ذيك العجوزة شافت في خيرة و قتلها ..اسمعي ابنتي تقدري تعيشي كيما انا....شافت فيا خيرة و هبطت راسها باغتني نجوبها في بلاصتها باسكو ذيك العجوزة غريبة الاطوار تهدر غير لضرورة ...قتلها كيفاه ا خالتي تعيش كيما انتي ...قاتلي راح عندي حوش مغلوق جاية فالخرجة ....شافت فيها ذيك الاستاذة ...قاتلها احوجي شا راكي تقولي امااا هذاك الحوش دونجي ملي (وسكتت).....بقينا نتشاوفو في بعضنا انا وخيرة و خايفين ....قتلها ذيك العجوزة قوليلها خبريها ...سكتت ذيك الاستاذة ....قتلنا شوفو ابناتي هذا الحوش راه في 3 سنين مبلع قتلو وليدي فم ...لحمي كوش و رفضت الفكرة في عقلي ....قتلنا حوش صغير وبيه بقشو ومين ذاك نروح ليه باه مينسكنش ..قتلنا ايلا بغيتو تسكنو فيه هاكم المفتاح....قتلها اخالتي متخرجش فيه الغولة ...بدات تضح قتلنا ولي راكم عايشين فيه كي يتسما ؟.....حتى خيرة نطقت و قتلها ني قابلة اعطيني المفتاح...نخلعت ...ناضت جابتلوها اعطتولها....وعطتنا الامو باه نقوه ...وجات تعطيلنا فراش قلنالها لالا نروحو نجيبو تاع الاقامة.. قتلنا ملا روح جيبوه وروحو للبلاصة الفلانية نتلاقو فيها ونديكم نوريلكم الدار ...رحنا من ثم وانا مدابزة مع خيرة قتلها كيفاه تقبلي تعيشي وحدك ...قاتلي كي ندير معنديش حل نوالف ....قتلها شا توالفي خوف الغولة و لا خوفهم ....قاتلي ااااااي سكايتي راه عليا ضغط ...رحنا تلاقينا مع ذيك للعجوز دتنا لهذ الدار ....كي وصلنا و دخلنا صبنا الحالة مرونة و الحالة تخوف ....بقينا نقو ونسيقو فيه ....وبقات توصي فينا قتلنا متخلوش بعضاكم وكي تخرجو لتولات خرجو مع بعضاكم وخلو لضواو شاعلين ...بقات خيرة تشوف فيا وباغية تبكي ..باسكو هذيك العجوز حاسبة بلي نقعد مع خيرة...كي كملت و راحت هذيك العجوز ...جيت رايحة انا ثان ...كي درت من موريا صبت خيرة هابلة بالبكا وتشهق مخلانيش قلبي وتفكرت نهار لي جات لاحقتني الفوق لدورا كيما طلعت وحدي ...ومن بعد قلت الله يلعنك يا بليس
رجعت و قتلها معاك نموت ....خملنا شمبرتنا و شرينا فاشات للباب وغلقنا التاقة ...عمرنا البتاتي تاع الغاز عمرنا الما شرينا السميد ...المهم ستكينا الدعوة و قررنا نعيشو في رحبا ولي صرا يصير.....فاتت يمات نورمال ...و المصروف بدا ينقص علينا ..وحد الخطرة فليل راقدين الحاجة لغات كيما البتية فالحوش ...نضتنا نجرو وقعدنا نتحسو و الخوف مكملنا بصح من موراها ما سمعنا والو ....بغيت نخرج و خيرة مخلاتنش قاتلي خلي لصباح علاه رانا مقلقين كي طلت الشمس خرجنا ..تخيلو شا صبنا ...صبنا شكارة ...ما جينا نفتحوها حتى بطلوع الروووووح كي فتحنها ..صبنا...........#يتبع......
