#الحلقة_27
قعدت عند الباب نتصنت قتلها اودي انا جيت على جال حسان علاه متحكميش وليدك والله لا راهم يحلفو فيه ...قتلها عجوزتي ما يدرولو والو راه عندو شعال في هذ الخدمة ( هذي لي حيرتي يماه جيتها نورمال ) ...المهم انا قلبي تزير ...وقلت ايلا مقاتلوش يماه والله غير نقلو ...مهما يكون راجلي .....كي جا العشية شفتها قاع معيطتلوش وبقيت نستى غير باه تخبرو ..بصح والووو ...فليل ديتلو يتعشى و خبرتو ...ويرفد هذاك البلا تاع الماكلة ويضربو بكراعو لفوق للبلافو ...قلي قتلك ذيك الخطرة متجبديليش في هذ السوجي ...بصراحة خفت منو..وعرفت علاه يماها متخبروش ....قتلك خلاص خلاص دبر راسك مقلتش ...ذيك ليلة بت نبكي ...كي سمعني نشهق خاف على البيبي بدا يطلب فالسماح وقلي الاحد نروحو عند خيرة صحبتك ..فرحت ... السبت فليل خملت القضيان واللبسة وكوغطها و وحد الدراهم لي كانو عندنا من قبل ايلا راكم شفينهم تاع خالتي حكيمة و وجدت روحي والصباح ديمارينا ودا سلاحو معاه ... ....وميتة بالسعادة ونستنى بسبع عيينن وينت نوصل ...كي وصلنا سقسينا عليهم داونا حتى لباب ....تخلطتلي كامل معرفت لا نطبطب و لا نرجع ...احساس وحدو ورهيب ......ومبغيتش نهبط كامل ...بسيف باه تجرات ورحت طبطبت ...فتح عليا رجلها قتلو انتوما تاع...قلي شكون انتي وعلاه تحوسي و عينيا معمرين بالدمعة ..قتلو انت راجل خيرة ..قلي ني قلك شكون انتي حتي طلت هي من موراها ....بقات تشوف فيا وانا نشوف ...انا نبكي ...وهي بقات مفيكسيا في بلاصتها. ....ورجلها ماهو فاهم والوو...قاتلي بختة ...هززت راسي طلعتو وهبطو ...ونطير عليها بوحد التعنيقة متامنوش ريسانكم ....بقينا متعانقين هي تبكي و تقول و انا نبقي ونقول ....قتلها ااي في حنونتي منسيتكش نهار ..وهي تقولي وك هوما دايين و انا ندعي في ربي باه مترجعيش و تتلاقي بيهم ويدوك معايا....المهم تقريب 5 دقايق واحنا متعانقين ...بعدما نحينا الوحش ..دخلنا صبتها كارية قاتلي مهيش داري قاتلي كل شهر نتحولو قاتلي كون زدتي غير يمات كون مصبتينيش ....راجلها دخل حسان وبقا مجمع معاه...بقات تحكيلي واش صرالها ...قتلها هذا الراجل عجبك ..بدات تضحك قاتلي وك هذا واحد من لي خطفوني وهو لي ضربتو للجنب (سبحان الله ) ..قاتلي ابختة بصح مفرطتش فيا قاتلي في هذ الدنيا انتي و من بعد هو ...وقتلها وبويك ...قاتلي متهدريليش عليه قاتلي منسمحلوش دنيا و دين ..وقتلها و يماك ..قاتلي داه معاه و هربتلو راهي عند خوالي هي ثاني ....صبت عندها طفل كيما القمر ......المهم بقيت نحكيلها و تحكيلي حتى قتلها اخيرة..مدامك كنتي فالجبل وراجلك كان معاهم ... ..ميمونة مسمعتي عليها حتى ..خبر ...قاتلي علاه مسمعتوش ..قتلها مسمعناش ...بقات تشوف فيا ........#تصبحون_على_خير ....
