#صفحة_هنا_نحكي_حكايتي
#بختة
#الحلقة_8
جا سايح الاجو و قلي ميمونة ختك طلعوها الارهاب ....بقيت نشوف فيه و ساكتة و نستنا فيه يقولي نضحك معاك ..بصح ما قال والو ..خرجت من ريسطو و ساكتة و هو مخلوع خرجت برا لساحة و نعيط وحدة تعياطة عينيا خرجو ...لحقني هو يجري ولي كانو فالشنابر كامل يطلوو وتاع ريسطو قاع تلمو بيا ....جاو رفدوني لبنات وداوني لشومبرة هذاك زمن مكان لا لومبيلونص ما ولو ....بديت نبكي بصح مخبرتهمش واش صرا جات خيرة خبرتها ثان ....فليل قاعدة في فراشي ونخمم في ميمونة كانت اعز اخت و اقربها لقلبي ...نبكي و نسكت ...قاتلي خيرة ااا بختة كيفاه ضروك نتمو هاك ...ضروك يقتلوهم واحد ورا واحد .....غير تهدر تهدر وانا ساكتة حتى تفكرت هدرت السيد لي تبعني ذاك نهار قلي انتي تتعذبي مليح مليح .....كي خبرت خيرة قاتلي اقسم بالله غير هيا ..وباغيينك تروحي برجليك ليهم ....(تخيلو الموقف ) ...قاتلي عندنا حلين يااا تغلقي على قلبك وديري روحك معلبالكش و تكمل حياتك هاكا ولا نروحو ليهم ....قتلها و بيميزك كي نروح ليهم و يقتلوني باغيين يخلوني في حالي ....نضت من فراشي و حكمت راسي و بديت نبكي ..اااي انا شدرت في روحي و خوتاتي ...ندمت بزاااف على قراري ...وخممت في يما مسكينة ...وبابا كبر مع هو يخاف علينا بزااف بزااف ..بقات خيرة و زبيدة يصبرو فيا .....قتلها لازم نروح لدار نطل على دارنا ...قاتلي خيرة والله ما تروحي هبلتي ...قتلها نروووح باي طريقة ....قاتلي اجدك و بلاك دروهالك ...قتلها علبالي دروهالي كي داو ميمونة من بين كامل خوتاتي يستناو فيا نجي برجليا ...بصح نروح اخيرة نروووح ....قتلها نطلع مع العسكر ....قاتلي هبلتي هذي تالية تاعك و تاع داركم ...نضت نضرب في رجليا و نقلها وكي نديييييير ااااي كي ندييييير ............قاتلي صبري شوية نتاكدو من الخبر بلاك كذبة .....قتلها غدوا نصبح عند عمتي ...قاتلي زوبيدة ننن انا نروووح ...شفت فيها و حسيت بشوية حنانة من توالها رحت عنقتها و قتلها كامل واش تقولي لعمتي .....راحت غدوا من ذاك الصباح ...والعشية جات ...وقاتلي خسارة ا بختة و الله غير صح و صبت عمتك هابلة عليها ....خلاص زادت شعلت فيا نار نضت و قتلهم نروووووح ولي صرا يصير ...ناضت خيرة دمرتني قاتلي ماشي كيما تبغي ...وزادت زوبيدة ناضت معاها قاتلي صبري نصيبو حل ....مكاش مروحة ...فاتت 3 ايام قاتلي خيرة صبتلك فكرة بصح فيها ريسك .....قتلها قولي اهدري ...قاتلي .......#يتبع ........لسا ما شفتو شي ......
