ندوب القلب

جزء الحادي عشر

بِسْم الله بدأنا وعلى الله توكلنا ...

اللهم علما نافعا ورزقا حلالا وعملا متقبلا ان شاء الله

صلوا على من بكا شوقا لرؤيتكم

اذكروا الله ....

&&&&&&&&&&&&&&&&&&&&&&&&

في قصر يزن .....

نزل الى الأسفل بعد ان جهز نفسه كي يذهب الى الجامعة وجد أمه تجلس في الصالة وفي أحضانها فارس ليقول بعتاب : وبعدين معاكي يا أُمي كم مرة قلت ميفضلش فارس قاعد على رجلك كدة هتتعبي وبعدين فارس كبر وبقا ثقيل ومش محتاج حمل ولو محتاج فأنا جايب مربية ليه بقا .. قالها وهو يهم باخده من حضنها

فتمسكت به قائلة: يبني متقولش كدة وبعدين ايه ثقيل صلي على النبي على رأي المثل ما يحسد

المال الا صاحبه وبعدين مين قال اني تعبانة ده فارس حبيب قلبي ولو أفضل شايلاه طول العمر مش هتعب

يزن بابتسامة: عليه أفضل الصلاة والسلام .. مش قصدي يا أمي بس خايف عليكي .. ثم تابع بمزاح

وبعدين معنى كلامك اخرج منها انا وبقا سي فارس هو الأساس

رضوى وهي تضع يدها على وجهه قائلة بحنان : مفيش حد ياخد مكان بكري أبدا ده انت نور عيني

ابتسم لها يزن وهو يقبل يدها بحب ليغمز لها قائلا بضحك : يعني المثل الي قالوه ما أعز من الولد الا ولد الولد ده كذب

ضحكت رضوى قائلة : لا مش كذب يا لمظ .. شاركها يزن الضحك

توقفت رضوى عن الضحك لتقول بحزن : قلي يا يزن مفيش اي اخبار عن اختي

ربت يزن على يدها بحنو قائلا : لا يا أمي وانا مش ساكت المشكلة انك مش معطياني اسم جوزها غير أوله وده مش كافي إنتي متخيلة كم عاصم موجود ده لو افترضنا انه لسة عايش ممتش

رضوى ودموعها تنزل على خدها قائلة بحزن : لا متقلش كدة انت عارف هيا وحشتني قد ايه

انا عاوزة أشوفها قبل ما اموت واا

يزن بلهفة وهو يمسح دموعها : بعيد الشر يا قلبي متقوليش كدة ربنا يعطيكي طويلة العمر

ثم تنهد قائلا : متقلقيش يا أمي انا مش هبطل ان شاء الله وهلاقيها بس إنتي حاولي تفتكري اسم عيلته وساعتها هقدر بسهولة الاقيها لانها بعد متجوزت أكيد غيرت اسم عائلتها لاسم جوزها

رضوى ببكاء : والله ما فاكرة يبني ده حتى لما جيه عندنا كان اسم مزور ولما بابا سئل عليه عشان يعرف هو مين فطلع الاسم لراجل ميت من سنين ولما حاول يحذر ملك كانت هربت معاه

لم يرد يزن ان ييأس والدته اكتر من ذلك فهو يخشى ان ما يفكر به ان يكون حقيقة فَلَو مثل ما قالت أمه