ندوب القلب

الثالث والثلاثين

بسم الله بدأنا وعلى الله توكلنا ...

ربي اغفر لي وارحمني ربي لا تكلني الى نفسي طرفة عين

صلوا على من بكى شوقا لرؤيتكم

اذكروا الله.

.
.
&&&&&&&&&&&&&&&&&&

ما ان خرجت لؤلؤة من غرفة يزن وعقلها وقلبها في صراع عميق تفكر بمصيرها.. حتى شهقت برعب شهقة كتمتها بيدها وهي ترى امامها جنات تنظر لها بصدمة عتاب الكثير من النظرات التي اوقعت قلب لؤلؤة بقوة..

ارادت جنات الصراخ عليها وعتابها ولكن لؤلؤة سارعت بامساكها من يدها مشيرة لها بالصمت وهي تنظر حولها خوفا من ان يسمعهم احد.. ثم سحبتها معها متجهين بهدوء الى الملحق

دفعتها لؤلؤة الى الداخل مغلقة الباب خلفها بسرعة ..راكزة ظهرها عليه تلتقط انفاسها بحدة وكانها كانت تركض لمسافات طويلة بينما نظرها الى الاسفل لا ترغب برفعها كي لا ترى الخدلان والاشمئزاز في عيني جنات

جنات بصوت حاد منخفض كي لا توقظ الصغار :عاوزة اعرف كل حاجة من غير ما تختصري حاجة يا لؤلؤة كل حاجة

لؤلؤة بيأس وارهاق ونبرة اقرب الى التوسل :اوكي تمام هقلك كل حاجة بس عشان خاطري الوقت بدري ومش عاوز الصغار يفيقوا على صوتنا خلينا نتكلم في الغرفة ممكن انا تعبت اوي من الحمل ده

جنات رغم قلقها من التعب الواضح على ملامح لؤلؤة ولكنها اخفتها وهي تقول بجمود :اتفضلي خلينا نشوف اخرتها ايه قالتها وهي تتقدمها الى غرفة لؤلؤة

تنهدت لؤلؤة بارهاق وهي تتبعها ..
دخلت الغرفة لتلقي نظرة على مكان جنات وجدتها تقف بجانب النافذة تنتظرها .
اغلقت الباب خلفها ثم جلست على الفراش ..
مرت دقائق من الصمت كأنها ساعات ..لتبادر لؤلؤة قولها بتوسل : انا هقلك كل حاجة بس عاوزك تعرفي انه بعد كل الي هقولهولك ده انا مليش اي ذنب فيه انا اتخدعت وانكسرت انا الوحيدة المظلومة في القصة كلها ..تنهدت للمرة التي لا تذكرها عندما جذبت انتبه جنات لتبدأ باخبارها كل ما حصل معها بداية من لقاء يزن في الجامعة ثم خداع سالي لها وتهديدات يزن لها اخبرتها كل ما حصل معها الى هذه اللحظة ..
ابتلعت ريقها وهي ترى صدمة جنات بها لتقول برجاء ودموع بدأت بالنزول: انا عارفة اني غلطت من البداية اني مقلتش لحد وخاصة انتي بس حطي نفسك مكاني كنتي هتعملي ايه انا خفت يا جنات خفت اشوف النظرة الي شفتها في عينك اول ما عرفتي ارجوكي متحملنيش اكثر ما متحملة

جنات وقد عادت الى وعيها لتقول بغضب وصراخ حاد :انتي واعية لنفسك بتقولي اي انتي ازاي اساسا تفكري كدة بينا ازااااي انا مش فاهمة ولا قادرة استوعب اساسا انك بقيتي بالضعف ده وازاي تفكري انه ممكن نحط الغلط عليكي لدرجادي بقيت ثقتك فينا مش موجودة من امتى بنحط الغلط عليكي انطقي من امتى دحنا لو شفناكي بعيونا بتعملي الغلط بنقول لا دي مش هيا دي اكيد حد شبها انا مش مصدقة بجد ازاي بقيتي ضعيفة بالشكل ده وتسمحي لواحد يحركك زي اللعبة فين لؤلؤة الي علمتنا انه كرامتنا فوق كل حاجة فين لؤلؤة الي خلتنا نتخطى كل المشاكل الي حصلت فينا ...ااانا مش مصدقة انك قدرتي تخفي عني حاجة زي كدة دنا وثقت فيكي ودلوقتي عوزاني اسامحك ليه هاااا من امتى وانتي بتسكتي عن حقك دنا كنت اعتمد عليكي تجبيلي حقي من اي حد يجي عليا ولا نسيتي كل الي مرينا بيه نسيتي انااا هتجنن ازاي وحدة كلبة ولا تسوى تسمحيلها تعمل كدة لا وسبتي حقك بس وديني لو شفتها مهرحمها الكلبة الي معندهاش ريحة الدم لا هيا ولا امها ولا اي حد من عيلتها انا من النهاردة مش هتكلم معاكي ولا عاوز المحك قدامي ومتقاطعنيش وانا بتكلم ....عااااا ازاي متطلعيش زمارة رقبتها هيا والمعفن الي اسمه يزن ده وانا بقول منين حالنا بقا بالسهولة دي وكل حاجة اتوفرت لينا بيت وحراسة وخوتنا بقوا بافضل المدارس طلع كل حاجة متدبرة واحنا نايمين على وداناااا دنا مفيش حاجة الا بقولهالك كل حاجة بتحصل باجي زي الهبلة و بقلك عليها اما انتي يحصل معاكي كل ده ويا رييت جيتي قلتيلي لا اعرف بالصدفة يا جمالوا ..كنتي تعالي وقوليلي وشوف ان كنت هصدقك او لا يا ستي جربي مش يمكن اصدمك واصدقك ساعتها ...لا لازم تعمل فيها الصندوق الغامض وتخبي كى حاجة جواكي عشان نقول لا بت ججدعة بتتحمل كثير ازاااي اساسا بتفكري هااا ازاي انه ممكن عيلتك سواء انا او لؤي او جنة ممكن نشكك بيكي هاااا ازاي هتقوليلي خفت والكلام التافه بتاعك يبقا انتي مش بتعرفينا خالص
كانت تتكلم وهي تمشي ذهابا وايابا وكلما ارادت لؤلؤة التحدث والدفاع عن نفسها ترفع يدها في وجهها مانعة اياها من الحديث لتستسلم لؤلؤة منتظرة منها الانتهاء من حديثها فهي تعلم جنات عندما تتحدث لا تتوقف الا عندما تنهي كل كلامها لذلك بقت تنظر لها بملل تحول لفزع ما ان توقفت جنات فجئة مقتربة منها قائلة بغباء رغم غضبها :ابقي قليلي لما نببى نتصالح ده لو اتصالحنا كم كلمة ازاي قلتها لاني حاسة قلتها كثير