ندوب القلب

الخامس والثلاثين

بسم الله بدأنا وعلى الله توكلنا
اللهم يسر لي امري واحلل العقدة من لساني يفقه قولي
صلوا على من بكى شوقا لرئيتكم
اذكروا الله

.
.
.
&&&&&&&&&&&&&&&&&&&&&&&&&&&

تسير بخطئ متعبة وقلب يضرب بشدة بسبب ما اقدمت عليه وما سيقدم عليها من اضرار ولا تعرف ما هو رد فعل عائلتها  ..
فتحت باب الملحق لتتفاجئ بلؤلؤة تجلس على احد الكنبات وعلى وجهها علامات القلق ..وبيدها هاتفها واضعة اياه على اذنها تتصل باحدهم ..
اسرعت خطاها باتجاهها معانقة اياها بقوة ما ان انتبهت لها لؤلؤة وارادت معاتبتها ..
لؤلؤة بقلق ما ان ارتفع صوت بكاء جنات لتقول لها: جنات في ايه قلقتيني وكنتي فين من الصبح وانا زي المجنونة بدور عليكي من مكان لمكان وبتصل عليكي مش بتردي.ّ ازاي تخرجي ومن غير ما تقوليلي

ينفع بقا اقوم من النوم عشان اوصيكي على خواتنا ادخل غرفتك ملقيش فيها ده حتى ولا كانك نمتي في فراشك من اساسه كنتي فين قليلي وانت..جنات انتي بتعيطي حصل ايه انطقي يا بت قلبي وقع حد اتعرضلك في حاجة ..قالتها بقلق شديد من بكاء جنات

جنات وقد ازداد بكائها مشدد على عناقها قائلة من بين بكائها : انا اسفة اوي يا لؤلؤة اسفة اوي سامحيني ارجوكي اسفة على كل حاجة اسفة اني زعقت فيكي اسفة على حجات كثير عملتها ارجوكي سامحيني انا مليش غيرك في الدنيا دي انتي اختي وامي وكل حاجة ليا

مسدت لؤلؤة على رأسها بلطف لتقول بخوف: جنات يا حبيبتي قليلي ارجوكي حصل ايه انتي بكلامك ده زودتي خوفي اكثر ..
لتتابع بحنان :وبعدين هو ينفع لؤلؤة من غير جنتها صدقيني تموت انتي عارفة غلوتك عندي قد ايه احنا ملناش غير بعض بنقوي بعض بنساند بعض دايما وهنفضل كدة انا عارفة انك زعلتي مني عسان خبيت عليكي الي حصل معايا بس بجد انا خفت عليكم يحصلكم حاجة او يزن يستخدمك كحاجة يبتزني بيها وده حصل فعلا وانا سمحت بده انا الي اسفة يا جنات سامحيني يا حبيبتي بجد اسفة على كل حاجة

جنات وهي تمسح وجهها كالاطفال لتقول بتوتر  :انا مسمحاكي على فكرة وبعدين متقلقيش انا انا كويسة بس ..بس يعني قلت اتمشى شوية لاني كنت متلخبطة شوية وكدة و الفون شحنه خلص ومعرفتش اشحنه.. ايوة ده الي حصل ولو كان في حاجة كنت قلتلك هخاف من ايه يعني انا بس كنت مضايقة شوية لاني افتكرت بابا وماما اصلهم وحشوني اوي قالتها ودموعها عادت لنزول 

لتنظر لها لؤلؤة بشك من توترها وقبل ان تتكلم قاطعتها جنات قائلة باستفسار وهي تمسح دموعها محاولة تجنب اسئلة لؤلؤة  :هو انتي خارجة ولا ايه لابسة كدة ورايحة فين لحظة سمعتك تقولي توصيني على الولاد ..