Catching Glimpse

IKA-11

AMARA'S POV

Ilang araw nang lutang si Finn, tinatanong ko naman siya kung ayos lang ba siya, at tumatango lang siya sakin everytime I asked him. Hindi na rin siya bumalik nung umalis siya bigla sa restaurant, si Lendl pa ang naghatid sakin sa bahay. Tapos 9pm rin nung araw na 'yon, pumunta na si Tita Belle sa bahay. Hinahanap niya na sakin si Finn, pero hindi ko rin alam kung 'san siya pumunta 'non.

Flashback

"Hoy Finn! San ka pupunta!?" sigaw ko kay Finn nung bigla na lang siya lumabas ng restaurant ng walang paalam. Pero hindi pinansin ni bakla ang tawag ko sa kanya, lagot sakin 'to pag bumalik.

"San daw punta 'non?" tanong agad ni Lendl.

"Hindi ko nga alam sa bakla na 'yon, parang tanga lang. Bigla bigla na lang tatakbo." inis na sagot ko kay Lendl.

Hindi ko alam kung anong nangyayari kay Finn, pero iba ang pakiramdam ko. Parang may mali, parang may nakita siya sa labas ng restaurant. Hindi naman kasi aalis 'yon ng hindi ako kasama, lalo na at sa kanya ako sasabay.

"Baka naman may bibilhin lang." sabi naman ni Christian. Pero tiningnan ko lang siya at bumuntong hinga. Nilabas ko na rin ang phone ko para I-text at tawagan siya, pero hindi sumasagot si bakla.

Natataranta na ako, baka kasi kung 'san pumunta 'yon. Eh hindi naman siya nagpaalam kay tita.

"Tawagan mo na lang Brynn, sigurado naman ako na babalik 'yon." pagpapakalma naman ni Glen sakin, tinanguan ko lang naman siya.

Nagulat kaming lahat nung bigla siyang umalis 'non. Kanina pa kasi siyang naka-tingin sa labas ng restaurant at parang may nakita siya na familiar na tao. Pero hindi ko na lang talaga pinansin 'yon, dahil abala ako sa pagpili kung ano ang oorderin ko.

Ilang oras na ang nakalipas, pero hindi pa rin bumabalik si Finn. Tapos na kaming kumain kanina pa, nakapag-shopping na rin sina Lorraine pero hindi pa rin bumabalik si Finn. Kanina pa akong text ng text at tawag ng tawag sa kanya pero ni-isa sa mga 'yon wala siyang sinagot.