معذبه قلبي

البارت ٤

مُعـذبه قلبـي
" ٤ "
تيما:  لما افكر
حمزه:  ماشي يحبيبتي فكري المهم هروح اجبلك اكل بسرعه لانك مكلتيش حاجه م الصبح .. شهندا معلش لو هتعبك خليكي معاها مش هتأخر
شهندا:  لا مفيش تعب ولا حاجه .. "مشي حمزه وهي قعدت مكانو جنب تيما" تيما هو انتي لي اتعصبتي لما باباكي رفض مش يمكن كلامو صح ولا هو متعود يقولك لا ع كل حاجه
تيما:  مش بيقولي لا اصلا
شهندا: يبقا اكيد بابا خايف عليكي واحنا لازم نسمع كلام ابهاتنا عشان هم مش بيقوللنا حاجه غلط ودايما بيكونو خايفين عليناا وكمان لو قالولنا لا ع حاجه ف هيعملو مقابل كلمه لا دي حاجات اكتر واحلي كمان ويستي انا استأذنت من باباكي ان اخدك ونروح مصيف وهنلعب وناكل وننزل الميه وهنروح ف كل حته انتي عايزاها
تيما:  وباباا هيكون معاناا
شهندا:  لا المهم انتي موافقه
تيما:  موافقه ..
شهندا:  ابتسمت " ياااس

"بعد شويه وحمزه رجع ولقاهم قاعدين يتكلمو ويضحكو وانبسط جدا .. قعد جنب تيما وبدأ ياكلها وقالتلو انها موافقه تروح مع شهندا .."
حمزه:  شهندا مبتكليش لي انا عامل حسابك
شهندا:  مش جعانه والله بس يلا اكل تيما
حمزه:  الاكل مالي بوقها اهو ي عم يلا كلي
شهندا:  لا ي حمزه
حمزه:  برحتك بقا " ومسك الاكل وقرب منها ومسك وشها واكلها غصب عنها " يلا كملي
تيما:  ضحكت " ههههه هتموت شهندا قبل ما تفسحني ي باباااا
حمزه : هههه البت همها ع الفسحه وبس لا اصليه ي تيما حبيبه بابا
شهندا:  عادي يعم
حمزه: المهم هروح اشوف الدكتور انا عشان نرجع ع البيت ...
الدكتور:  هي حالتها احسن بس ياريت متعمليش كده تاني ولا تعوري نفسك تاني "بص ل شهندا " وانتي ي مدام اهتمي بيها وخليكي قريبه منها هي اكيد محتجاكي جنبها وعايزه اهتمام اكتر من كده لان حاله نفسيه زي كده لطفله ملهاش غير انكم تاريكنها او بينك وبين المهندس حمزه مشاكل ف البيت ادت ل كده
شهندا:  بحلقت وفتحت بوقها " ااااايي يخويااا
الدكتور:  نعم ي فندم. !!
حمزه:  شهندا بس .. تمم ي دكتور هنخلي بالنا منها تسمحلنا نروح
الدكتور:  اه اكيد ..
"حمزه اخد شهندا وتيما ونزلو وركبو العربيه "
شهندا:  هو الدكتور ده اعمي .. هو شايفني عندي كام سنه يعني عشان اخلف بنت قربت تبقا طولي اصلا ده شكلو اعمي رسمي يعني هو شكلي يوحي ان ست  كبيره ولا اي
حمزه:  والله يعني هو ده الفرق معكي انو شافك كبيره مش فارق معاكي انو اعتبرك مراتي مثلا ده انتو صح البنات دي ناقصات عقل
شهندا:  يرضيكيي كده ي تيمااا
تيما:  ضحكت " لا ميرضنيش
شهندا:  وبعدين يعتبرني زي ميعتبرني يعني هو هيمشي يقول للعالم اني متجوزه ولا سنجل انا فارق معايا انو شايفني كبيره وانا يدوب 20 سنه
حمزه:  خلاص حقك علياا انا
شهندا:  وانت مدافعتش عني ليييي ان شاء الله وهو بيقولي كده
حمزه:  وادافع عنك لي هو شتمكك يبت المجانين انتي
شهندا:  ايوة هو غلط فياااااا
حمزه : شهندا اسكتي بقااا بطلي دوشه "جايا تتكلم راح حط ايده ع بوقها " مش قولت خلاص انااا .. هو انا ناقص جنان "شهندا شالت ايده وعدلت وشها بعيد وفضلت ساكته لحد م وصلو بيتها ونزلت وهو نزل وراها ووقفت عند الباب "
شهندا:  اتفضل امشي مش هينفع تدخل
حمزه:  لا هطمن عليكي عشان محدش يزعقلك انك اتأخرتي برا هطمنهم انك كنتي معايا
شهندا: قالت ف نفسها " ده لو بابا عرف ان كنت معاك لحد الان هيقتلني .." حمزه مش هينفع انا فاهمه انك م عاوز حد يزعقلي بس
حمزه:  ااي!
شهندا:  مش هينفع تدخل بردو انا اصلا مش هقولهم اني كنت معاك
حمزه:  لي مين عندك مدايق مني
شهندا:  بصت بعيد " مفيش
حمزه:  مسك دقنها وعدل وشها ليه "
شهندا : بصتله " انا لازم ادخل بدل ميطلعو ويشوفونا
حمزه:  قولي مين ال مدايق مني ف البيت
شهندا:  مفيش صدقني
حمزه:  حط ايده ع وسطها وشدها ليه وهي اتخضت وبصتله جامد وحطت ايده ع كتفه .. بيشيل شعرها بايده التانيه وبيرجعو ورا ودنها .. بصتله كتير وهو ع غفله قرب من خدهاا "
شهندا:  حح ... حمزااه  .. ف ااي
حمزه:  بعد عنها .. بص لفوق وخلاها عدلت وشها وراها ولقيت كاميره وكانت اول مره تاخد بالها منها "
شهندا:  ي نهار اسوووود يعني ااانت قاصد ال بتعملو ده صح انت قاصدو .. يربي ده بابا هيقتلنيي
حمزه:  بابا ? وباباكي مالو ومالي ? اي مش عايزك تقابليني ?
شهندا: بعصبيه وخوف"  وانت ماااالك بقاااا ابعد بعيد عني .. انا غلطت لما شفتك وجتلك وقابلتك ومسمعتش كلامووو يعني شايف الكاميرا وواقف معايا وكمان بتقرب مني عشان تكمل يعني هو من الاساس عارف عنك انك بتعمل حاجات غلط امال لما تعمل ربع حاجه غلط معايا انا هيعمل فيك اي ولا فكك من انو هيعمل فيك انت ... انا ال هيطلع ميتيني ، والله لو بابا عمل فيا حاجه بسببك ولما يشوفنا مع بعض ف الكاميرا مهسامحك مش هسامحك ي حمزه .. يلااااا بقا ابعد عن سماااايا ...
"حمزه مشي وهي اتخنقت وبكت وهو ادايق وعمال يفكر لي ابوها مش عايزها تقابلو اصلا وهو شايفو اي بالظبط ف نفس الوقت خاف عليها لابوها يزعق فيها اكتر او عرف انها معاه طلاما هو مش عايزها تقابلو وهي كانت معاه واستغفلتهم .. ركب عربيته وطلع ع البيت "
تيما:  كل ده كنت بتوصل شهندا
حمزه:  معلش ي حبيبتي اتأخرت عليكي
تيما : طب هاتلي بقا حاجات حلوة عشان انت اتأخرت عليا
حمزه : اه هتدفعيني غرامه تأخير
تيما:  ايوة
حمزه:  ماشي يستي "و وقف عند سوبر ماركت وجاب شبسيهات وعصاير وبسكوت كتير وادهملاها وفرحت جدا بيهم ورجعو ع البيت وشالها وراح بيها ع الاوضه "
هويدا:  طلعت وراه " ها بقيتي كويسه ي تيما
تيما:  ايوة ي تيتا
هويدا:  حبيبتي اوعي تعملي كده تاني متقلقناش عليكي
تيما: حاضر
حمزه:  فين هنا
هويدا:  ف اوضتها المهم اخلي الخدم يحضرو الاكل بقا عشان مرضناش ناكل غير لما نطمن عليكم
حمزه:  لا انا وتيما اكلنا كلو انتو ونادميلي هنا عاوزها ابعتيها ع الجنينه
هويدا:  لي ف حاجه
حمزه:  لا عادي ابعتيهالي .. "وراح وقف ف الجنينه وهنا راحتله بعدها بشويه "
هنا:  اي ي حمزه
حمزه:  اتعدل ليها " انتي قولتي ل شهندا تجي ليا لي
هنا: يربي ... هي شهندا راحتلك صح .. بص ي حمزه قبل م حسام يروحنا هي رنت وكانت عايزاني ومتفقين هتجيلي فقولتلها اني ف المستشفي وقالت جيالكم وكده بعدها مشينا ونسيت ابلغها اني مشيت
حمزه:  امممممم فهمتت واي بقا المشاكل ال حاصله معاها مهي بقت حبيبتك وصحبتك اهو وبتكلمو بعض
هنا:  مقلتليش حاجه والله هي كانت هتجي عشان تحكيلي بس حصل ال حصل
حمزه:  اممم طب انا نيلت الدنيا .. ابوها شكلو مدايق مني بس انا مكنتش اعرف كده
كنت جاي ادخلها البيت عشان ابلغهم انها كانت معايا ف خافت ومرضتش تقولي اي سبب خوفها .. ببص بالصدفه لقيت كاميره مراقبه عند الباب روحت قربتها مني وكده بس معملتش حاجه وقولتلها ان ف كاميره ورانا عشان اعرف من رد فعلها هي خايفه من اي بالظبط ولا هي بتستهبل ومش عايزاني ادخل .. راحت خافت ووقعت بلسانها كذا مره وتقول بابا هيزعقلي ويقتلني وهيعمل فيها حاجه لو شافها معايا ونا دلوقت خايف عليها ومش عارف اعمل اي .. انا اتصرفت بغباااء ويارتني عرفت بردو ابوها مش عايزها تقابلني لي ده بنت عمتي هو نا غريب ولا فاكرني هأذيها ..
هنا:  طب منت واحد متسرع انا اعمل اااي يعني كل قرراتك كده بتاخدها بنفس التسرع ده مبتفكرش ليههه يعني
حمزه:  زعق " هو انا جايبك هناااا عشان تقطمي فيااا ي بت ااانتي
هنا:  انت كمان بتزعق فيا ? ده حسام مببعملهاش ي حمزه .. بس ماشي انا غلطاانه ان جيتلك هنا "ومشت وسابتو ودخلت الڤيلا ولقيت حسام جاي من برا وراحتلو " اي كل ده ي حبيبي
حسام: يعني هجيب لتيما شبسيهات وشوكلاتات ومجبش ل لين وسيف ... جبتلهم معايا الحاجات دي روحي طلعيلهم يلا ف اوضتهم وادي الشنطه دي ل تيما هي بتحب الحاجات دي
هويدا : حمزه جابلها والله وهو جاي بردو بس يارب يطمر ومتعملش فينا كده تاني
حسام:  اهو بنحايلها ع قد م نقدر نعمل اي اكتر من كده
هويدا:  ربنا يهديها
هنا:  طلعت وادت لاولادها ول تيما الحاجات ال جايبها حسام وبعدها رنت ع شهندا تطمن علييها ولقيتها كويسه "
... "تاني يوم الصبح ومتجمعين ع الفطار "
حمزه:  اسف ي اختي والله مكنت اقصد ازعق
حسام:  اي ده هو انت زعقت ف هناااا ?
هنا:  خلاص ي حسام .. هو اخويا وبراحتو ونا مش زعلانه
حسام:  بس اسكتي ااانتي خاااالص .. اانت بتزعق فيهاا ي حمزه ?
حمزه:  بجد مكنتش اقصد انا اتعصبت بس
حسام:  بزعيق " لا ي بابااا اتعصب ع اي حد الا هنااا .. هنا دي خط احمر انت سامع ولا هي عشان معتبراك اخوها وانت معتبرها اختك تعمل فيها مبدالك .. انت مش،من حقك تعلي صوتك عليها وانتي حساابك معايا بعدين .. ازاااي متقوليش من ساعتها ازاااي هو مش انتي بتكرهي الحاجه دي وان حد يعلي صوتو عليكي ده يوم م بعمل كده بيكون يوم اسود عليا بس ماشي ي هنا .. "وقام مشي وحمزه اتخنق ومشي هو كمان وركب عربيته "
حمزه:  يارب هو لي كل حاجه بعملها وبفكر انها صح بتطلع غلط امبارح ابوظ علاقه البنت وابوها وانهردا اخويا ومراتو اعمل اااي بس .. اي ال حاصل معايااا .. راح ع الشركه وحضر الاجتماع وبعدها مشي راح ل ماجد عشان يتابع الشغل ف بناء المستشفي ويشوف الدنيا وصلت لفين .. "
ايمان:  خبطت ع الباب ودخلت وبتصحي شهندا ال اتخضت " مالك يبت في اي
شهندا:  مفيش مفيش
ايمان:  صحبتك كويسه
شهندا:  صحبتي مين
ايمان:  اي هو ده ال صحبتي مين .. ال روحتيلها امبارح
شهندا:  ااه ااه كويسه جدا بس معلش لسه صاحيه وشكلي مفوقتش ..
ايمان:  ماشي يختي قومي يلا احنا ع الضهر ومرات اخوكي تحت تعالي بقا والبسي
شهندا : لي
ايمان:  عشان تروحو سوا تنقو فساتين تحضرو بيها الفرح ولا نسيتي ان فرح اختك كمان 3 ايام
شهندا:  لا منستش .. هلبس اديني .. "لبست ونزلت وسلمت ع اسراء مرات فارس وعمر ابنه" ثواني ي اسراء عندي مكالمه تلفون "ورنت ع هنا " هنا انا راحه اجيب الفستان ال هحضر بيه الفرح
هنا:  يبنتي اجليها طيب ل بليل ونروح سوا وكمان ننقي لبنتي وبنت حمزه .. صح تيما شكلها حبتك اوي + عايزه اتكلم معاكي  في حاجات كتير عايزاها وعايزاكي تكوني معايا
شهندا:  انا رانه عليكي عشان نفس الشئ انا محتجاكي اكتر .. انا كنت عايزه اجي معاكي انتي بس ماما مصممه ان هروح مع اخويا ومراتو وانا مش طايقاها
هنا:  ااه طب وبعدين ... اعملي نفسك تعبانه او اي حاجه
شهندا:  بعد اي منا نزلت ..
هنا:  خلاص بسيطه متختاريش فستان لنفسك قوليلهم مفيش حاجه عجباني ومتجبيش وقوليلهم هنزل وقت تاني وانا عارفه محل مبيفتحش غير بالليل وهبعتلك اسم المحل وعنوانه عشان لو حد سئلك
شهندا:  حلوه اوي اوي الفكره دي .. تسلميلي وللله ..
----------
" التكمله ف البارت الخامس "
بقلمي / دينـا