معذبه قلبي

البارت ١٣

مُعـذّبة قلـبي
" ١٣ "

"تيما رجعت البيت وهنا استغربت "
هنا:  حبيبتي انتي بخير
تيما:  ايوة
هنا:  امال جايا بدري لي ومين ال جابك
تيما:  بابا بعت الشوفير اخدني هو وشويه بوديجرد معرفش لي
هنا:  لي ده ف اي وفين لين
تيما : ف المدرسه
هنا : طيب
تيما:  فين طنط شهندا انا بطلت اشوفها
هنا:  فوق لو عايزه تطلعيلها اطلعي
تيما:  ماشي
هنا:  رنت ع حسام " حمزه جاب بنته ليه
حسام:  عادي ي هنا
هنا:  اي هو ال عادي قول اي ال هيحصل للبنت
حسام: يعني اي ال هيحصلها انتي عارفه حمزه بيخاف ع تيما من خيالها من اقل حاجه بس كده معرفش انا اي ال جه ف دماغه
هنا:  تمام لما تجي
حسام:  ماشي باي "وقفل السكه وابتسم "
حمزه:  بتضحك ع اي ي حبيب امك انت والله هنا لتضحك عليك وتعرف الحقيقه بردو ده انا حافظها
حسام:  ضحك " طب اعمل اي منا صريح مبعرفش اكدب ولما بكدب وبحور بيبان عليا وبتقفش ع طول
حمزه:  لا ي بابا امسك لسانك شويه معلش عشان هزعلك والله ...
____
شهندا فتحت الباب وتيما دخلت عندها وقعدت ف الريسبشن "
شهندا:  تحبي احضرلك اكل
تيما:  ماشي " شهندا دخلت المطبخ وتيما دخلت وراها " هو انتي اي ال خلا شكلك عامل كده
شهندا:  عادي ارهاق
تيما : بابا هو السبب صح
شهندا:  انتي صغيره ي حبيبتي ع الكلام ده سيبك انتي
تيما ; لا انا كبيره وعارفه كل حاجه وان بابا شديد اوي
شهندا:  تيما لو سمحتي من فضلك متتكلميش عن الشده متتكلميش عن غضب حمزه ولا صوته العالي ولا مده ايده ولا قساوته انتي مشفتيش من الحاجات دي حاجه تمم انتي واخده كل حاجه حلوة من حمزه وسايبه طبعه الوحش لغيرك يبق تسكتي "وقالت ف نفسها " قد اي انتي متستاهليش ي تيما متستاهليش حب ابوكي ليكي ، ابوكي بيحبك لدرجه فوق الوصف فوق الخيال وانتي بردو ال فيكي فيكي ولسه فكراله الحاجه الوحشه ولسه بتحبي امك الخاينه الزباله قد اي انتي حاجه صعبه ودماغك انشف من الحجاره ومعندكيش قلب ..."
"خلصت تحضير اكل وحطت ع السفره ف المطبخ وحمزه رجع من الشغل وسمع صوتهم ودخل المطبخ "
حمزه:  تيما حبيبتي انتي هنا
تيما:  ايوة ي باباا
حمزه:  والله ده احلي يوم ف حياتي ، هتتغدي معانا صح
تيما:  صح
حمزه:  قلبي والله ي صغنن انت "وقعدو ع السفره وكان بيأكل تيما ومهتم بيها جدا وبيهزر ويضحك معاها وشهندا قاعده بتاكل من سكات ولا حتي بيبص عليها وشهندا قالت لنفسها "
شهندا:  قولتلك قبل منتجوز ي حمزه انا بس عايزه ربع الحب ال بتحبه لبنتك مسمعتش مني والله مكنت طالبه اكتر من كده ...." خلصو اكل وقعدو مع بعض شويه وبعدها تيما مشت وهو نزل وراح لريهام "
حمزه:  انتي كويسه وبخير
ريهام:  ايوة لي ف حاجه ول ااي
حمزه:  هيثم جه عندي الشركه وسابلي الكرت بتاعه ، هيثم عايز يعرفني انو عارفني وقدر يوصلي لي معرفش ي ريهام
ريهام : بخوف ورجعت لورا " ياربي انا خلاص حياتي انتهت ، هيثم نزل مصر ، تيماااا وانت ي حمزه اانا عايزه اتطمن عليككك وع البنت انا مش عايزه تروحو كده بسببي انا
حمزه : وحيات امك بطلي تقلقيني ع تيما انا قلقان لوحدي مش عارف اعمل اي
ريهام:  طب انت كلمتو
حمزه:  لسه
ريهام:  طب طلع تلفونككك بسرعه بسرعه ي حمزه ورن خلينا نشوف عايز اي
حمزه:  هكلمه بعيد ليعمل تتبع للمكالمه ويوصل لبيتك بس انا مش جاي اقلقك انا جاي اخليكي تاخدي حزرك انا مش هفضل معاكي طول الوقت
ريهام:  ماشي ي حمزه بس طمني عليك دايما ونبي
حمزه: حاضر متقلقيش ، انا همشي "ومشي وراح ع البيت ولقي هنا وقفه ف وشه" اعوز بالله في حد يخض حد كده
هنا:  اه انا ، انا مش هسألك اي المخبيه علينا انت والاستاذ حسام
حمزه:  امال هتسألي ع اي ي حلوة
هنا:  ع البني ادمه ال حضرتك متجوزها ، اي ال انت عامله فيها ده
حمزه:  بعصبيه " انا معملتش فيها حاجه ي هنا لو سمحتي متجبيش سيره شهندا انا ال فيا مكفيني والتفكير ف شهندا بيتعبني
هنا:  هو انت بتحس اصلا انت لو بتحس ولا حتي زي مبتقول بتفكر ف شهندا مكنتش زعلتها لو ثانيه واحده
حمزه:  انا همشي احسن متعصب عليكي واضربك
هنا:  لا متمشيش واديني واقفه ووريني هتضربني ازاي
حمزه:  بزعيق " عايزه اي ي هنا عايزه اي
هنا:  لما انت بتحس بشهندا وعارف انك بتزعلها لي متصلحش كل ال انت عملته ده
حمزه:  عشااان مش قادر ااصلح علاقتي بيها مش قادر مش قادر اتقبل فكره جوازي مش معتبر ال فوق دي مراتي انا معتبرها واحده من ال كنت بتسلي معاهم كل ليله ، حاسس بيها ايو حاسس وحاسس انها عايزه تتعامل كويس وتحس بالحب بس انا كل مبشوفها مبقدرش اصالحها وبشوف ريهام ف كل مكان انا تعبت نفسيا وتعبت شهندا معايا ومش عارف اعملها اي ، ابعدوها عني يستي وانا مستعد اطلقها انهردا قبل بكره
هنا: نعممم ? تطلقها
حمزه:  عندك حل تاني
هنا:  اه عندي في دكاتره كتير تعال نروح واكشف مش عيب والله
حمزه:  انا روحت وملقتش فايده ولا انتي فكراني مبسوط بحالتي دي
هنا:  نروح لغيرو وغيرو وغيرو مهو مش طبيعي ال بيحصل ده
حمزه:  حاضر اوعدك هروح تاني
هنا: تمام ، هتطلع تعمل اي دلوقت
حمزه:  هتخمد بعد ازنك
هنا:  متقربش من شهندا نهائي ي حمزه لحد متخف والعقده بتاعتك تمشي
حمزه:  عدل وشه ليها ورجع تاني " مقربش من شهندا .. حتي ده كمان بيتحكي ده انتو البنات عايزين ضربكم بالنار والله
هنا:  ماشي شكرا
حمزه:  روحي لجوزك يختي
هنا:  تمم "مشت وهو راح ع شقته وطلع ولقي شهندا نايمه بهدوم النوم ال كان قيلها تلبسها وهي خوفا منه كانت بتلبس كل يوم ، قرب وقعد جنبها وبيفوقها بهدوء وصحيت واستغربت ازاي حمزه بيصحيها بالهدوء ده ..."
حمزه:  مالك مخضوضه لي
شهندا:  مش مخضوضه انا مستغربه بس فين الزعيق بتاعك
حمزه: اجازه انهردا
شهندا: يارب الاجازه دي تكون مستمره ولله
حمزه:  يموسهل "وقام اخد شاور وغير هدومه وراح ع السرير واخدها بهدوء نيمها ف حضنه واتغطو وطف النور "
شهندا:  باستغراب شديد ورفعت دماغها من ع صدرو وشغلت النور " انت بتعمل اي
حمزه:  هناااام اي منمش ي ناس
شهندا:  تنام اي انت مين
حمزه:  اه تعالي نتعرف ، انا حمزه المنشاوي صاحب اكبر شركات استيراد وتصدير الادوات والاجهزه الطبيه عمري 30 سنه مطلق ومعايا بنت واتجوزت تاني وانتي عرفيني بنفسك
شهندا:  لا انت مش طبيعي
حمزه:  انتي ال مش عجبك حاجه انتي عايزه اااي بالظبط يبت انتي
شهندا:  ايوة كده ارجع لاصلك
حمزه:  انتي تقصدي اي ي شهندااا
شهندا:  هو ده ال انت بتعمله كل يوم لازم تزعق وتقل مني وتهيني مينفهش يعدي يوم من غير اهانه
حمزه:  اااااه يارب هشيل المراره قريب ول اي هو انا مش لسه كنت بقولك هنام ومنيمك ف حضني ومصحيكي بهدوء اهو كان في يوم هيعدي بهدوء انتي شكلك مش عايزه كده
شهندا:  منا مستغربه
حمزه:  عاوزه اي من الاخر
شهندا:  خلاص نام زي مكنت
حمزه:  تمام "ونام وخدها ف حضنه ...
______
"الصبح وقام قبلها واخد شاور ولبس وكان فاتح الابتوب وبيشرب قهوة ، شهندا:  صحيت وبصتله " صحيت بدري يعني
حمزه:  منا نمت بدري ، صح نسيت اقولك ان عيد ميلاد تيما بعد 7 ايام عايزين نجهزلو
شهندا:  هتعملو فين
حمزه:  ف الطبيعي بنعمله ف قاعه بس المرادي ف جنينه الڤيلا بس هنخليه كأنها قاعه ، اصل انا مضامنش اي ال ممكن يحصل لو طلعت برا البيت
شهندا:  عايزه اسئلك سؤال هو انت لي بتخاف اوي ع تيما كده يعني لييي بتخلي الشوفير يجيبها ويوديها المدرسه لي الدروس بتبقا هنا ف البيت لي الفسح والخروجات انت بس ال ليك حق تخرجها او حد كبير من اهلك لي مبتخلهاش تطلع وتشوف الشارع وتتمشي فيه تروح عند صحابها تررح ف اي مكان عايزاه لي يعني لي مش مديها حريتها
حمزه:  عادي كل اب حر ف تربيه بنته ، انا لو سبتها دلوقت مش هعرف اخليها تقعد ف البيت وهي كبيره لو خليتها راحت عن صحابها دلوقت وهي كبيره كل شويه هتروح لبيت واحده وانا مش ضامن الواحده دي بتجيب مين تاني البيت لو اديتها فلوس كتير من دلوقت لما تكبر هتستعمل الفلوس دي في حاجات غلط ف انا بس مخلي كل شئ بحدود
شهندا:  ده انت تفكيرك بعيد اوي ، يعني بتخطط من دلوقت لبعد سنين وسنين
حمزه:  من لو اسستها صح من دلوقت مش هتعب معها لما تكبر. هتبقا كل حاجه مجابه ليها بس في حدود بردو ومش عيب
شهندا: تمام "حمزه جاله تلفون تبع الشغل وطلع برا البلكونه يتكلم وهي جريت ع الابتوب وصورت حاجات كتير فيه ومن الحاجات دي رسم هندسي للمستشفي وعرفت كل مداخلها ومخارجها وكل جزء فيها ، عرفت كام بصفقهيقوم بيها حمزه اسبوعيا وعرفت اسماء الناس ال بيتعاقد معاهم،  صورت كتير ودخلت الحمام وبعدها هو دخل وقفل الابتوب وخدو ونزل وراح ع شغله ..  بعد فتره "
شهندا:  رنت ع فارس " يبني هو حمزه ده غني بالطريقه دي ازااااي هو معقول الممنوعات بتعمل كل ده
فارس:  اكيد ي حبيبتي ، صورتي تاني
شهندا:  ايوة "بعتهملك وتس بس انجز واعرفلي حقيقه حمزه عشان ارتاااح وابعد عنه لو بيعمل حاجه غلط
فارس : متقلقيش هعرفلك قريب
"حمزه وصل ع الشركه وحسام دخل بعديه وبلغو ان الفاكسات ال اتبعتت للدكاتره اترفضت وانهم ميشرفهمش يشتغلو ف مستشفي تخص حمزه وان سمعته ف الارض ، حمزه اتصدم صدمه عمره وال بيخططله وتعب فيه بقاله شهور متواصله يترفض ف يوم وليله ، الملاييين بتاعت الاجهزه والملايين ال اتشطبت بيها المستشفي وكل ده خسرووو بقا مجرد عن مبني ملهوش 30 لازمه ، حمزه لغي كل مواعيد انهردا وقعد ف مكتبه. حاطت ايده ع دماغه ومقابلش حد نهائي وحسام كان مخنوق جدا ع ال بيحصل ليهم "مسك الاوراق وقعد يراجع فيها ويشوف شكل المستشفي وكانت نضيفه جدا واجهزتها ع مستوي واتخنق. ..."
"اخر اليوم وحمزه رن ع هيثم "
حمزه:  خير انت جتلي مكتبي كنت عايز اي
هيثم:  مش عايز منك حاجه والله انا بس عايز روح تيما والعروسه الجديده مش اسمها شهندا بردو
حمزه:  بغضه " نعممممممم انت اي ال بتقولو ده عايز تعمل اي ف بنتي ومراتي انت متخلف احنا عملنالك اي عشان تأزينااااا
هيثم:  اصل السنيوره بتاعتي فالايام الاخيره مكنتش  بتجيب غير سيره حضرتك وانا بقا عايز انتقم من حضرتك ف لو قتلتك انت مش هيكون اننقام لكن لما اخسرك اغلي الناس هو ده الانتقام ، مش انا ال مراتي تجيب سيره واحده تاني وانا معاها ولا انا ال مراتي تقابل حد غيري من ورايا ولا فكرني معرفش خط سيرك ي حمزه بيه ، ولا مش عارف بيت ريهام وعارف انك بتروحلها كل شويه ، انا بقا هعرف اوريك ازاي تروح لحاجه تخصني وازاي هي تفكر فيك بالطريقه دي وتفكر فيك وهي معايا وتهرب مني وتجيلك حسابها معايا كبير اوي
حمزه:  ماشي طب انا زنبي ااااي عملت اي انا هي جابت سيرتي انا مالي ، هي ال طلبت مني اروحلها
هيثم:  بطل رغي كتير خليني اخططلك عشان انت عامل امن وحراسه شديده ع بيتك والشركه ومحدش هيعرف يقرب لحد من طرفك وانا لازم اخطط ل ده كويس اوي .. سلام ي حمزه "قفل السكه والفون وقع من ايد حمزه ومكنش عارف يتمالك اعصابه ... "
حمزه:  اااوففف ، يعني اااي يعني مش هعرف اتعامل مع حته واحد زي هيثم ، مش هعرف احمي تيما وشهندا منه ، ده يبقا نا مليش لزمه ف الدنيا لو معرفتش احميهم ، يبقا يفكر بس يمس شعره واحده منهم وانا اجيب اجله ..
"التكمله ف البارت الرابع عشر "
بقلمي .. دينا