معذبه قلبي

البارت ١٥

مُعـذّبة قلـبي
" ١٥ "
حسام: اطلعي ل شهندا انتي ي هنا ونا هروح اشوفو
هويدا : تعالي نطلع سوا
هنا:  هو قفل الباب بالمفتاح هندخل ااازاي بس ....
"شهندا فضلت تبكي كتير اوي ومسكت الفون ورنت ع راشد "
شهندا: بابااا الحقنييي .. حمزه ضربني وطلقني وحبسني ف الشقه ومش راضي يخليني اروح ي باباااا ... تعلالي ونبي ...
"راشد كلم فارس وفارس ادايق جدا وراح ع الڤيلا "
فارس:بعصبيه"  فين حمزه
هنا:  هو مش هناا شوفو ف الشركه
فارس:  انا مش جاي عشانو اصلا انا جاي لاختي "وطلع ع الشقه وفضل يخبط ف الباب وكسرو ودخل اخد شهندا ومشي ، هنا وهويدا كانو مصدومين وزعلانين من ال بيحصل ف البيت ومش عارفين اخرته اي وكله بسبب العقده ال حاصله لحمزه ومش عارفين هيتعافا منها امتي ........
هنا:  ي حسام فارس جه ع البيت وخد شهندااا ...
"فارس اخد شهندا عند امها وطلع عالشركه ودخل المكتب بقوة ومسك حمزه من هدومه "
فارس:  يلا انجز وابعتلي ورقه طلاق اختي يلاااا ي حمزه
حمزه:  زقه بعيد عنه ومسك دراعه ولواه " غور بعيد عني وعندآ فيك وعندآ فيها ع الحركه ال عملتها دي انا م هطلق ي فارس مش هطلقها وهجبها ع بيتي وهوريها ازاي تطلع من غير ازني
فارس: بعد عن حمزه وعايز يضربو وحمزه مسك ايده " انا شكلي غلطت لما جوزت اختي لواحد همجي زيك ولا عرف يراعيها ولا يراعي مشاعرها بس انا هخليها ترفع عليك قضيه خلع
حمزه:  مسك فارس من رقبته " انت عارف نفسك بتكلم مين ي فاااارس ، ااانت بتستعبط صح ،طب ابقا وريني هتعمل كده ازااااي وانا اختك دي ان م أخدهاش انهردا فبيتي انا ال هرفع عليها قضيه واطلبها ف بيت الطاعه
حسام:  بعد حمزه وزقه " خلاص بقا كفاياااا كفايا زعيق وخناق وقرف الامور عمرها مهتمشي بالقوه دي
فارس:  ااانت مش شايف اخوووك
حسام:  معلش هو مخنوق وحده والله العظيم حصلنا مشاكل ف الشغل وف البيت ميعلم بيها غير ربنا تعالا معايا نشرب حاجه ونسيبه يهدا
حمزه:  اختك هترجعها ع بيتي ولا اروح اجيبها انا ي فارس ?
فارس:  هي ال استنجدت بيا اكيد مش هترضي تجي معايا
حمزه:  طب اشرب حاجه وانا هخلص ورقه كده ونروح سوا
فارس:  تعالا بالليل تكون هديت شويه " مهما كان هو مش عايز يبعد شهندا عن حمزه عشان تكمل بقيه مهمتهاا "
حمزه : تمام
_________
"بالليل وحمزه وحسام راحو عند شهندا وفارس كان هناك"
حمزه: اي اخبارك ي عمتي
ايمان: والله كويس انك فاكر اني عمتك وان ال بتعمل فيها كدا بتكون بنت عمتك ومراتكك مش وحده من الشارع
حمزه:  مهو المشكله انها مراتي
ايمان:  مش قادر تتقبل فكره انها مراتك ومش عايز تتجوز بعد ريهام اتجوزت لي هو احنا غصبناك ولا ضربناك ع ايدك
حمزه:  طب خلاص يعني مكنتش اعرف ان هتعقد مكنتش عارف
ايمان:  طيب شكرا لكل ال انت عملتو وكفايه لحد كده
حمزه: لا منا مش همشي من غير شهندا
حسام:  ي عمتي خليه ياخدها واقنعيها تيجي برضاها عشان ميخدهاش غصب عنها
ايمان:  انتو مجانين انتو الاتننين ياخدها لي اااصلا مش هو ال قالها تبعد ولا هي ال مشت لوحدها مش هو ال طلقها ولا هي ، حمزه انت عايز اي بجد انت قولتلها تبعد عنك ف الوقت ال هي كانت مستحملاك فيه ي حمزه
حمزه:  طب معلش هرجعهالك وحيات ربي وحيات ربي هرجعهالك ومش هعمل فيها حاجه تاني بس شويه كده خليها تيجي عندي من فضلك
ايمان:  لي ف اااي ?
حمزه: مفيش مش لازم تعرفي ، انا طالع ليها "وطلع و وراه ايمان ودخل اوضه شهندا " يلا ع البيت
شهندا:  انت عاااايز مني اي اااابعد عني
حمزه:  عايزك ع البيت يلا عشان انا مش هطمن عليكي غير عندي
شهندا: تطمن عليا من اااي
حمزه:  يووووووووه
فارس:  دقيقه ي حمزه دقيقه بس انزل وانا هجبهالك "نزل وفارس قفل الباب "
شهندا:  انت عايزني اروح معاه ي فارس
فارس:  اه عايزك تروحي معاه ومتبلغيش مخلوق ف البيت ده انك حامل ، ولو حصل حاجه للبيبي احنا هنوديهم كلهم ف داهيا
شهندا:  بس انا خلاص داخله ع الشهر التاني وكمان شهرين بطني هتبان
فارس:  يستي ع ما يعدي شهرين نكون لقينا حل
شهندا:  بس حمزه بتصرفاته دي مش ممكن يموتلي البيبي بس ده ممكن يموتني انا شخصيا
فارس: اثقي فيا ومتقلقيش حمزه ميقدرش يعمل فيكي حاجه
شهندا:  وهرجعلو ازاي وانا مطلقه
فارس:  متخلهوش يقربلك غير لما يردك او ممكن يكون قال كلمه ف الهوا وخلاص سيبك انتي
شهندا:  ماشي ، اطلع برا عشان اغير "ولبست ونزلت وبصت لحمزه بفقدان امل واخدها ومشيو ..... طول الطريق ساكتين ووصلو ع البيت وشهندا مسلمتش ع حد وطلعت شقتها "
هويدا:  اي ده رجعتها ازاي
حمزه:  عادي مش محتاجه
هنا:  ومرجعها لي لما انت مش قادر تستحمل وجودها ولا قادر تشوفها مراتك رجعتها لي لما انت طلقتها ومش طايقها جايبها تهينها تاني جايبها عشان تهزقها "شهندا سمعت هنا بتزعق قربت وخرجت من الشقه ببطء ووقفت تسمعهم "
حمزه:  بزعيق " الزمي حدودك ي بت ااانتي ومتعليش صوووتك عليا مره تاااني
حسام ; انت هتتجن علينا ولا ااااي
هنا:  شكلو كده الحاله بتاعته هتجي علينا ده ال ناقص بدل ميطفش وحده هيطفش الكل. ، احنا ف الاول استحملناااك عشان كان ف سبب دلوقت مفيش اسباب للعقده دي عمال تظلم ف مراتك ده انت حلال فيك ال تيما بتعملو ياخي والله انت تستاااهل ي حمزه
حمزه:  بعصبيه وبدون وعي وضرب هنا قلم وحسام زقه بعيد ومسكه من هدومه وادالو بونيه ف وشه. ، شهندا حطت ايدها ع بوقها واتصدمت من العملو حمزه "
هنا:  بقااا بتضربني وبتمد ايدك علياااااا
حسام:  اقسم بالله دي مهتعدي ع خير ابدااااا والله مهتعدي "زق حمزه بعيد عنه وخد هنا ف حضنه"
هويدا:بحزن شديد " منكك لله ي حمزه
حمزه:  يااااااااربي بقاااا يااااااربي مهي ديقتني هي ال حسستني ان حمل تقيل عليكم هي حسستني ان بعمل كده بمزاجي لي يعني ده انت اكتر واحده عرفاني ، حسام خدني من ايدي و وديني مستشفي امراض عقليا لو حابين تبعدو عن الدوشه بتاعتي ودوني مصحه وسبوني هناك وارتاحو مني طلاما محدش متقبل مني حاجه وف الاخر فكرني بستعبط وبتعايروني بحاجه مليش زنب فيهااا ، انا العقده مرجعتليش تاني من طريق ونص ي هنا ، انا كنت واخد قرار ان هتجوز وهستقر وكنت بخرج كتير مع شهندا قبل جوازنا وكنت شايف الحوار عادي واني متقبلها وبحبها كمان وحسيتها هي الهتعوضني ومكنتش بفكر ف الماضي ولا كنت بشوفها ريهام ولا اي زفت لحد يوم فرحي ي هنا ، انا قابلت ريهام ورجعت ورجعت زكرياتها الزباله كلها بقيت مبقدرش انام من التفكير بقت ع بالي بقت ف احلامي بقت عباره عن كابوس ف حياتي مش عارف اخلص منه ... وهي بعيده كان احسن بكتير ولما رجعت انا تعبت من تاني وكأنها اول مره .. انا قرفت من حياااتي. .. "شهندا وهنا وهويدا اتصدمو من كلامو وانهم اخيرا عرفو سبب عقدته اي وان ريهام رجعت البلد وقابلته ، هويدا قربت من حمزه وحضنته "
هويدا:  ادايقت عليه وصعب عليها جدا " حبيبي احنا منقدرش نعايرك بحاجه والله ولا نقدر نعايرك بتعبك انت احسن من كده بكتير وعارفين انو بدون ارادتك وهنا متقصدش انت عارف انها اكتر واحده بتقف ف صفك وبتعتبرك اكتر من اخ
حسام: هنا روحي لمي هدومك انتي والعيال
هويدا:  نعممممممممم انت بتقول اي ي حساااام بتقووووول اي انت هتروح فين
حسام: هشوف حته نقعد فيها بدل هنا
هويدا:  مسكت ايد حسام " لي كده انت عارف اني مش بحب اشوفكم بعيد عن بعض ي حبيبي لي عايز تبعد
حسام: معلش ي امي بعد ازنك
حمزه:  مسكه " استنا هنا مفيش خروج من البيت
حسام:  زقه " انت مااال اهلكك
حمزه: ايوة مالي .. خليك هنا بقولك انا همشي انا وانتو خليكم مع بعض .. هنا امي معتبراها بنتها ومش هتقدر تستغنا عنها ودايما قاعدين مع بعض لو مشت هنا امي هتبقا لوحدها وانت لو مشيت انت والعيال البيت هيفضا مش هيبقا في حد ي حسام ، خليكم هنا وانا والله همشي متقلقش مش هتشوف وشي غير فالشركه وبس
هويدا:  انت مجنون انت كمان انتو شكل حصل لدماغكم حاجه ولا انت هتبعد ولا هو وي انا يا انتم ف البيت ده .. لو حد منكم خرج انا همشي من البيت ده ومش هخليكم تعرفولي طريق غير طريق قبري وبس ي ولاد المنشاوي ....
"حسام اخد هنا وطلع ع شقته وشهندا دخلت شقتها بسرعه وبعدها حمزه طلع ونام ع السرير وباصص للسقف"
شهندا: مقولتليش لي انك قابلت ريهام
حمزه : مفيش داعي ان اقول بس حقيقي دي اسوء حاجه حصلتلي ف حياتي ، هي السبب ف كل ده حسبي الله ونعمه الوكيل ...
.....
هنا:  هنمشي ي حسام
حسام:  لا
هنا:  ضمته جامد " انا مش عايزه افكارك المجنونه دي تتنفز
حسام:  منا قولت لا اهو ....
______
"الصبح والكل متجمع ع الفطار "
حسام:  حمزه
حمزه:  نعم
حسام: تقطع علاقتك ب هنا نهائي
حمزه:  ازاااي يعني
حسام:  ولا تكلمها ولا تكلمك ولا تقعد معاها ولا تحكيلها عن حالتك ونفسيتك ولا تعتبرها اختك ولا تعتبرها مرات اخوك عايزك تشوفها معديه ولا كأنك شايفها اعتبرها هوا سامعني ولا حتي صباح الخير ولا مساء الخير
حمزه:بيبص ل  هنا '" يرضيكي الكلام ال بيتقال ده ، والله انتي ال عصبتيني امبارح .. انا اسف بجد
حسام: معلش بقا كلامك معايا انا مش مع هنا عشان ولا يبقا في مشاكل ولا يبقا في خلافات
هويدا:  حسام ينفع تسكت
حسام:  معلش ي امي ده ال هيحصل من هنا ورايح ... وانتي ي استاذه هنا لو حصل ولمحتك بس واقفه معاه او اتكلمتي معه نص كلمه هخليكي تروحي ع بيت ابوكي "هنا اتعصبت جدا من تهديده ليها كل شويه بانو هيطلقها "
هنا:  بقرف " يلا كده احسن كل واحد يخليه ف حاله ونا ابطل اتدخل ف ال مش يخصني
"حمزه ادايق وقام مشي وراح ع الشغل ..."
شهندا:  لي زعلتو ي حسام
حسام:  احسن مامشي من البيت انا عامل حساب لامي اقسم بالله
هويدا:  واضح ي حسام
تيما:  انكل حسام خدني معاك الشركه عشان انا عايزه اقابلو هناك مش هنا
حسام:  لي
تيما:  عادي هتخليني اجي معاك ولا اخد عربيه لوحدي
حسام: تمم يام اللماضه "وراح ع الشغل واخدها دخلت المكتب عند باباها واتفاجأ "
حمزه:  وقف " حبيبتي انت جيتي هنااا ازاي
تيما:  مع انكل حسام
حمزه:  ايوة خير ف اي
تيما:  عايزه اروح عند ماماا ال انت عارف طاريقها وبتقابلها من ورانا ......
"التكمله ف البارت ال 16 ... دينا "