مُعـذّبة قلـبي " ١٩ " "الدكاتره ف المانيا ردو ع الفاكس بالموافقه وهيجو كمان 5 ايام ، حمزه فرح جدا جدا هو وحسام وبدأو يشتغلو كتير ونفسهم مفتوحه .. بعد يوم شغل طويل ومرهق حمزه راح للدكتور النفساني " حمزه: حاسس اني بقيت احسن شويه الدكتور: تمام نوقف العلاج نهائي حمزه: مهو ممكن لو وقفت اتعب تاني الدكتور: لا انا واثق من كلامي + ان ف حاجه مسعداك من غير متاخد بالك ، ان انت ف الفتره الحاليه بقيت خايف ع مراتك مش خايف من مراتك انها تخونك وكده ف انت تفكيرك اتغير من خوف منها الي خوف عليها ليصيبها مكروه او هيثم يعمل فيها حاجه حمزه: ايوة معاك حق .. بس انا مش عايز اتعصب عليها تاني ولا اظلمها معايا وانت فاهمني انا بدون ارادتي بهدلتها وهي صبرت عليا انا نفسي اسعدها الدكتور: انت بتقول انك اتحسنت روح اعمل كل حاجه كويسه معاها وفرحها واسعدها ي حمزه ومتفكرش ف اي شئ وحش ده لازم يكون عندك اراده وعزيمه حمزه: حاضر الدكتور: كل متحس انك اتعصبت روح اقعد ف مكان لوحدك وفكر ف انك بتحب مراتك وعايز تسعدها ، مثلا انت الفتره دي لو جبت بيبي هتقرب منها اكتر ومشاعرك هتكون كلها حب فيها ووف ابنك ال ف بطنها ، هتبقا خايف عليها ومهتم بيها وبحركتها ولمده 9 شهور. ودول مش قليلين ابدا ع انهم ينسوك طليقتك نهااائي حمزه: فعلا كلامك صح انا بس لازم اسستم مخي ع الكلام ده وابطل انفعل لاني ممكن اخسر كل حاجه ..... " _________ هويدا: شهندا كويس انك نزلتي تعالي يلا كلي شهندا: فين حمزه هويدا: عمر محد عرفلو جاي امتا والله تعالي بس تلقاه اكل شهندا: لا مش عايزه اكل غير لما اطمن عليه ، حسام انتو مش بتشتغلو سوا اشمعنا انت تجي وهو لا حسام: مش متعودين نجي مع بعض والله يمكن وراه مصالح وكمان عيد ميلاد تيما بكره وهنجهز ف الجنينه من انهردا بالليل شهندا: طيب "وراحت قعدت ف الريسبشن لوحدها ومستنيه حمزه وخافت عليه جدا ، وصل عندهم ولسه هيطلع ع الشقه بس شافها وراح قعد معاها وحط ايده ع كتفها ومنيمها ع كتفه " حمزه: مش بتاكلي لي شهندا : مستنيه حضرتك حمزه ; طب يلا ناكل عشان جعان شهندا: اتعدلت " كنت فين ي حمزه حمزه: برا يبنتي ف اي يعني من امتا بتسألي شهندا: بقولك اي انا هسأل من دلوقت عجبك ول لا حمزه: عجبني ي شاهي مالك ، تعالي بس تعالي "ونيمها ف حضنه" مالك متعصبه لي حد مدايقك شهندا: هو ف حد ف البيت ده بيدايقني غير حضرتك حمزه: ماشي لما انا ف الشغل دايقتك ف اي ي بت المجنونه شهندا: ديقتني وخلاص ، اوعا ايدك دي حمزه: ضمها " مش واعي شهندا: يبني حل عن سماياااا حمزه: قولي ديقتك فيه ونا هبعد حسام وهنا راحو عندهم وحمزه بعد عن شهندا " شهندا: ناس مبتجيش غير بالعين الحمره حمزه: تقصديني انا شهندا: ااا لا انا ، انا ناقصه ي عم تتعصب عليا حمزه: طيب وانتو داخلين علينا لي حسام: هو احنا داخلين عليكو اوضه النوم ولا حتي دي شقتكم ولا ده الريسبشن بتاعك حمزه: مهو لو البعيد بيفهم واحد قاعد هو ومراته قاعد ف اي مكان سبوه دققتين ده انتو عالم رخمه ، يلا يبنتي شقتنا اولي بينا هنا: روحو كلو الاول شهندا: انا عامله اكل "وطلعت هي وحمزه " حسام: ربنا يهديهم يااارب يااااااااارب هنا: يارب ي حبيبي "طلعو الشقه ودخلت المطبخ حطت الاكل وراح ياكل " حمزه: شكلو حلو اوووي الكريب ده ، الله وطعمه كمان ، اتعلمتي فين يبت اعترفي شهندا: "حطتله العلاج ع التربيزا " اي ده حمزه: بصلها بغضب " انتي وصلتي للحاجات دي ازاااي شهندا: اولا اااهدا ثانيه العلاج ده بيدمرك من غير متعرف "ومسكت الدوا وكسرتو وهو وقف" حمزه: بزعيق" انا عارف كويس قوي العلاج ده بيعمل ااانا مش عبيط ولا اهبل انا عارف ي شهندا بس حتي لو حصلي حاجه م اغور ف داهياااا محدش لي دعوة بيا ولا مستني حد يزعل عليا حياتي مش عارف اعيشها وبنتي كرهاني وشغلي بخسرو انا قرفت من كل الدنيا شهندا: زعقت هي كمان " يعني شايف ده الحل حمزه: ايوة هو ده الحل هو ده شهندا:مسكت ايده" ااابوس ايدك احنا محتاجينك وعايزين .. مش عايزين نشوفك بطل خارق ولا غيرو ، انت انسان واي حد ف الدنيا بيجي عليه وقت بيتعب فيه بس لازم نواجه ونكمل لازم نسند نفسنا بنفسنا لازم نستحمل مش نستسلم ، بنتك هيجي يوم وهتندم. انها زعلتك او بعدت عنك ولو يوم واحد كل حاجه حلوة ف وقتها ي حمزه "وضمته وهو ضمها " حمزه: والله العظيم خايف افضل متعقد كدا باقيه عمري شهندا: لا ي حبيبي والله هي فتره وخلاص هتروح لحالها "واخدته ع اوضتهم ..." "بالليل وقام ع رنه التلفون " حمزه: اي ي حسام حسام: اي ي بيه لازقتك جنبها مش هتنفعك بحاجه ورانا حاجات كتير عايزه تتعمل وانت شكلك لسه صاحي ، نوم اي ي عم ال ف العشا ده حمزه: اديني هقوم وبطل غيره روح الزق لمراتك ..."وقام اخد شاور وطلع لبس قميص وبنطلون وواقف بيسرح شعره قدام المرايا وشهندا فتحت عيونها " شهندا: انت رايح الشغل حمزه ; شغل اي ي متخلفه فوقي احنا لسه بالليل شهندا: اه احنا نمنا بالنهار صح خلاص افتكرت حمزه: قومي وفوقي شهندا: طيب بس انت رايح ع فين حمزه: عند ريهام شهندا: بغضب " نعممممممممم هتررح تعمل اي عند ريهام ااه ي خاااين ي جزمه حمزه: رايح ل تيما ي بت المجانين شهندا: اماال بتقول لي ريهام وكمان واقف تظبط ف شعرك بقالك ساعه كل ده عشان تيما بردو وريحه البرفن ال تجنن دي ماااشي "وقامت ولبست بورنس وحطت روج احمر وباست القميص بتاعه من عند صدرو وباست رقبته ومسحت باقي وشها ف صدرو وبهدلته شعره باديها وهو عمال يمسك فيها وهي مش راضيا تبعد " يلا وريني هتنزل ازاي متشيك اتفضل امشي حمزه: فصل ضحك " امشي كده ههههه الناس تقول عليا اي يخربيت جنانك شهندا: تقول ال تقولو حمزه: مسك ايدها ولزقها فيه ورفع وشها لفوق " بس مقولتليش قبل كده انك بتغيري شهندا: مين دي ال تغييييير يخوياااا مين دي هغير لي اصلا ما براحتك حمزه: اه اه واضح " لف ايديه ع وسطها " هتعترفي ولا اي شهندا: هعترف ع اي انا مبغرش عليك ي حمزه حمزه: مصره بردو ، طب متزعليش بقا "وابتسم وقرب منها وهي عايزه تبعد لحد م فونه رن وبعد عنها ورد ع الفون " اه ي حسام حسام : انت بتضحك عليا ولا اي انت مش قولت جاي حمزه: خلاص والله هنزل اديني حسام: شكلنا مش هنخلص انهردا انت من ساعه قولتلي نازل يموسهل ياااارب حمزه: جاااي"وقفل معه " هغير وانزل بس لما اجيلك بقا هخليكي تعترفي وهتشوفي "ابتسم وغير هدومه ورفع شعره ب ايده ونزل ' حسام : هو ربنا يهديك وكل حاجه بس مش كده امال الليل ده معمول ليه لما انت نايملي دلوقت حمزه: معلش ابقا نام زيي حسام: مفيش بني ادم طبيعي بينام بعد العصر لحد العشا حمزه: مهو انا وال زيي مش طبعيين احنا اصلنا زومبي حسام: والتجهيزات ال المفروض تتجهز من العصر لانها هتاخد وقت حمزه: حسام خف تحقيق "وقعد ورن ع الناس تيجي تظبط جنينه الڤيلا من انوار ل زينا ل بلالين لكل مستلزمات عيد الميلاد .. راح اخد الفستان ال جايبه ل تيما وطالع برا " اقف مع الناس الشغالين ياد حسام: طيب " وطلع وراح لبيت ريهام " ريهام: ادخل ي حمزه حمزه: دخل وقفلت الباب " فين تيما ريهام: هنادمهالك ، حمزه هو انا ينفع احضر عيد ميلادها حمزه: لا اكيد ابقي اعمليلها عيد ميلاد مع نفسك ريهام: لا ي حمزه انا نفسي اااحضر حمزه:بزعيق" قولت لاااا ريهام: قربت من وحطت ايدها ع صدرو وهو مسك ايدها وبعدها " حمزه: ممكن تنادميلي تيما ريهام: حاضر هنادمها بس خليني جنبك 5 دقايق بس احس بقربك جنبي ي حمزه "وبتفكله زراير القميص وساب الفستان ومسك ايديها " حمزه: اي بقااا ف اي متفوقي ريهام: ف اي انت كبرت ولا اي ولا فكرني كبرت ي حمزه ، انا لسه ف عز شبابي معجزتش يعني حمزه: يستي كبرنا ولا مكبرناش هو ده موضوعنا مثلا ابعدي عن سمايا ريهام: ماشي ي حمزه "ومشت وسابته ونادمت تيما " تيما: عامل اي حمزه: بخير الاهم انتي ،وحشااني ااوي اوي ي حبيبتي والله "ضمها " كل سنه وانتي طيبه ومعايااا ي حته مني، بكره عاملك حفله عيد ميلاد عندي ف الڤيلا وهبعت الشوفير ف المغرب بالظبط "ادالها الشنطه " وتلبسي الفستان ال هنا اانا واثق انو هيعجبك تيما: ماشي ي بابا حمزه: ماشي ي قلب بابا .. خلي بالك من نفسك "ومشي وسابها " تيما: بابا بيحبني اوي ي ماما ، حتي وانا عندك بردو بيجبلي كل ال عايزاه ريهام: واي ال غيرك كده يختي انتي مش كنتي بتكرهيه نسيتي ال عمله فيكي خلاص بسهوله ده بس عشان انتي بقالك فتره بعيده. وانتي متعوده عليه يكون ف وشك دايما وكل دققتين تطلبي منه حاجه وتتأمري عليه مش كده تيما: ممكن بس هو كان بيجبلي كل حاجه حتي لو مطلبتهاش ريهام: يعني عايزه تروحي لابوكي دلوقت صح تيما: عايزاكم انتو الاتنين ريهام: وانا كنت عايزه ارجعلو وهو رفض هو اتجوز غيري وانا فضلت مستنياه ع امل انو يرجعلي بس محصلش كده ابوكي ده ندل وخاين ومش بيبقا ع حد ابوكي بيبع اي حد بسهوله " تيما زعلت جدا وطلعت ع اوضتها وريهام طلعت وراها " متزعليش من كلامي بس دي الحقيقه ي حبيبتي حمزه شخص صعب اوي نسيتي الضرب ال ضربهولك زمان وكان من غير سبب نسيتي انو حرمك مني ولا هو عشان كان بيحاول يصلح ال عملو ف خلاص كده ، والله الاحساس ال حساه ده لانك كنتي متعوده عليه مكلنا عارفين انك مش بتحبيه اي الجديد ، يلا نامي ي حبيبتي ومتفكريش ف باباكي لان هو كمان مبيحبكيش ده بيعمل كده قدامك بس .. "طلعت برا الاوضه ودخلت اوضتها " اوووف اابنت دي بتستعبط خلاص حبت ابوها دلوقت ، بس ي تيما انا عمري م هوديكي لحمزه تاني طول م انتي هتكوني مصدر خير ليا انا مستحيل اسيبك ده انتي كنز ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
