معذبه قلبي

البارت ١٨

مُعـذّبة قلـبي
" ١٨ "

حمزه:  شهندا انا رديتك يعني احنا حاليا مش مطلقين
شهندا:  احنا مروحناش عند مأزون
حمزه:  لا مفيش الكلام ده. مفيش داعي اننا نروح
شهندا:  تمام
حمزه: فونه رن وطلع برا الاوضه يتكلم " كان بيكلم الشركه الاجنبيه ال بيتعامل معاها برا مصر .. الحوار بالانجليزي " ايوة ي فندم حضرتك بنفسك بترن
المدير ريان :ايوة ي حمزه لما الاقي شغلك ضعف يبقا لازم ارن اشوف اي ال حاصل معاك واي ال مخلي شغلك واقف وضعيف اوي كده وواحد زي فارس سارق منك السوق بأكمله وبيتدخل ف شغلك وانت لحد الان نايم ومقومتش وريتنا مين هو حمزه المنشاوي
حمزه:  والله حضرتك عارف انا كنت ناوي استغل الشحنه ف اي ودفعت دم قلبي تاني ف بناء المستشفي وف ترخيصها و اخدت ازن من النيابه بفتحها وف الاخر ابعت فكس للدكاتره ويترفض انا اعمل اي تعبت ومشاكل من كل ناحيه
"شهندا قربت من الباب واستخبت ووقفت تسمع "
ريان:  طيب ي حمزه تحصل حاجه زي كده بلغني بس انا هعرفلك اترفضت لي وهم رفضو ينزلو البلد لي هعرف كويس وهبلغك بس حاول تتصرف تاني وانا هساعدك
حمزه:  بعت فكس لدكاتره ف المانيا يارب يردو بس
ريان:  طب كويس المانيا كويسه جدا بردو .. ربنا معاك ويوفقك وانا هعرفلك الدنيا .. وانت اشتغل وصنع اكتر واكتر ووزع ع المستشفيات المجاوره وصدر للدول العربيه ومتقفش ابدا
حمزه:  حاضر ي فندم ..
...
شهندا:  فكس اي ال بعته لدكاتره المانيا هو ف اي .."ودخلت جوه الاوضه وبعدها دخل وراها " اي كنت بتكلم مين
حمزه: مدير شركه برا مصر المهم انا هنزل اشتغل ف المكتب وبعدين اجي اقعد معاكي شويه
شهندا: ماشي هستنا "ونزل حمزه وهي مسكت الفون ورنت ع فارس " حمزه كلم دكاتره ف المانيا تعتقد لي
فارس:  ي ابن الكالب
شهندا:  ف اااي ي فارس
فارس:  مفيش فكك فككك
شهندا:  لا فهمني
فارس:  سلام ي شهندا "وقفل ف وشها السكه وهي ادايقت جدا ومش فاهمه هو ماله ..."
فارس:  كلم ابوه " شايف حمزه عمل اي
راشد:  ف اي تاني ما الشغل بتاعه واقف بقالو شهور وعمال يخسر
فارس:  بعد ما خلينا الدكاتره الاجانب ترفض المستشفي بتاعت البيه راح حاليا مكلم ناس من المانيا انا هموت واعرف هو بيعرف يتعامل مع الناس دي ازاي طب بتوع امريكا لان هو شغلو كله فيها طب والمانيا دي كمان طلعتلنا منين اهو دلوقت الدكاتره يوافقو ويجو مصر ويأسسو المستشفي ويكبروها ونشوف بقا الاعلان ال نازل طالب دكاتره حديث التخرج وقابل بقا المكسب
راشد:  فارس انت اي ال خانقك اتعلم منه ياخي مش تغير منه منت كل مبتخسرو حاجه بتخليه بدل ميخسر يكسب الضعف اانت ال غبي ومتهور وقرارتك بتودينا ف داهيا وانا غلطان ان بسمع كلامك وبمشي وراك اهو دلوقت حمزه يكسحنا بنجاحه ي فارس ....
__________
"تاني يوم وحمزه قام ف الفجر ولقي نفسه نايم ع المكتب والابتوب مفتوح والورق ع المكتب "
حمزه:  اااه يارب انا شكلي من كتر الارهاق نمت ع نفسي .. "وقفل الاب ولم الورق وطلع ع شقته وشهندا كانت نايمه وفونها عمال يرن .. مسكه ولقي اسم هيام وراح رد " الو
هيام:  ااا هو مش ده رقم شهندا
حمزه:  ايوة انا جوزها
هيام:  اه شوفت صوركم كانت خاربه الدنيا بس متوقعتش ان حضرتك ال ترد عليا
حمزه: م هي نايمه
هيام: نعم شاهي بتنام دلوقت فين ايام السهر برا لحد الصبح
حمزه:  ادايق جدا " سهر اي وحضرتك مين
هيام:  لما كنا مسافرين برا .. انا صاحبتها ال كنت مسافره معاها بس خلصنا امتحانات ورجعت بلدي وكنت عايزه اشوفها وانا برا حاليا ممكن تصحيها وتخليها تنزل وانا هعدي اخدها وصحيح ابعتلي لوكيشن بيتك
حمزه:  اتعصب وقفل السكه ف وشها وفضلت ترن ومرضيش يرد ، فتح الفون بتاعها وفتش فالارقام ولقي فارس ومبين كل فتره والتانيه في رنات بينهم " معقول فارس بيقلق ع شهندا بالطريقه دي كل شويه يتطمن عليها. . سبحان الله "ساب الفون واخد شاور وغير هدومه وراح نام جنب شهندا وضمها من ضهرها ، الصبح وهي فاقت ولقيت نفسها ف حضنه وابتسمت واتعدلت ليه "
شهندا:  حمزه
حمزه:  اه ي شاهي
شهندا:  وراك شغل انهردا
حمزه:  اه "وقام بهدوء وبعدها رجع ليها تاني " في بنت بجحه رنت عليكي الفجر كانت عيزاكي تطلعي معاها كنت هزقها وسبحان من منعني عنها
شهندا:  اه هيام كانت قيلالي انها نازله مصر
حمزه:  وصح قالتلي كنتو متعودين تسهرو للصبح بتسهرو للصبح فين
شهندا: متقصدش بنروح ف حته
حمزه:  امال تقصد اي
شهندا:  ان كل واحده كان ليها اوضه بس انا وتلات بنات بنبات سوا كل يوم ف اوضه واحده شكل
حمزه:  بتباتو مع بعض لي انتو شواز
شهندا:  عادي بنتونس ببعض وكده
حمزه:  اه طيب ، انا رايح البس
بصي ف حوار معايا لو تم هاخد اجازه من الشغل 3 ايام ونسافر ف اي حته تتمنيها ، الجونه ، الغردقه ، الساحل اي حته عايزاها
شهندا:  انا عايزه اروح المالديف هههههههه
حمزه:  رما عليها المخده " خلي اومك توديهالك
شهندا:بتضحك ع شكله "   فيها اي ي حموزه هي بعيده ولا اي
حمزه: اي حموزه دي ، بت انا مبحبش ال يناديني باسامي دلع والهبل ده اسمي حمزه
شهندا:  ماشي ي حموزه خلاص "حمزه قرب منها وهي نزلت ع السرير و وقفت قباله وحطت ايديها ع كتفه وابتسمت " ههههه حمزه اخبرني الحقيقه انا مستاهلش اسافر ب 100 الف صح
حمزه: ابتسم " تستاهلي طبعا
شهندا:  طب يلا نروح المالديف نقعد شهر ههههههه
حمزه:  اه عايزه تسافري بمليون جنيه قصدك ي قلبي مش ب ميه ونا مليون يبقا 2 حلو مش وحش ، روحي نامي واتغطي شويه "وزقها ع السرير راحت قمت وووقفت قدامه ومسكت الهدوم بتاعته " سيبي الهدوم عايز انجز والبس
شهندا: لا انت قولتلي انا استاهل يلا نسافر عشان تثبتلي انك مش هتستخسر فيا سفريايه زي دي
حمزه:  اي الهبل ده بستخسر فيكي ? انتي هبله موت والله وغبيه وغلط الكلام ده ، هستخسر فيكي ازاااي يعني مش فاهم شيفاني حارمك من حاجه ، انا قرفت من ده صنف مش عارف انا اي ال بيتعمل فيا ده انتي طلعتي مبيطمرش فيكي زي تيما "اخد منها الهدوم ورايح الحمام بس وقفته "
شهندا:  حموزه انت فهمت اي
حمزه:  متقوليش حموزه ي شهندا لزعلك جامد
شهندا : طب والله مقصد ازعلك انا بس لما قولت بتستخسر فيا دي كنت بستفزك مش اكتر والله انا عارفه انك مش هتحرمني من حاجه
حمزه:  متستفزنيش تاني ياريت
شهندا:  حاضر ي حموزه "وجريت "
حمزه:  اه ي بت الل ... "ودخل ياخد شاور وهي ابتسمت وراحت تحضر فطار ، خلصت وهو خلص ولبس وبص عليها " عايزه حاجه ي زفته
شهندا:  ايوة ي قلب الزفته ههههه
حمزه: عايزه اي
شهندا:  تعالا افطر معايا انا مش محضره لامي الاكل ده
حمزه:  منا حاسس ان مليش نفس مع اني نفسي ادوق ، منظر السفره يفتح النفس
شهندا:  بس يبقا هتاكل غصب عنك ي حمزه
حمزه:  شاهي انا مليش نفس والله
شهندا: ونبي تاكل "مسكته من ايدو. وقعدتو ع السفره" يلا كل "وبتاكله وهو بياكل من ايدها " عايزه اسئلك سؤال غتت
حمزه:  انتي كل اسئلتك غتته .. اسئلي يختي
شهندا:  انت بقالك كام يوم كده مظبوط معايا ف اي يترا
حمزه:  عادي بحاول اسيطر ع نفسي + خفت عليكي
شهندا:  متقولش تسيطر ع نفسك انا بقالي هنا حوالي اربع شهور معرفتش تسيطر ع نفسك. +خفت عليا من اي
حمزه:  خفت وخلاص ي شهندا مش عاجبك يعني ونا كويس
شهندا:  لا عجبني طبعا بس مستغربه
حمزه: والله انا زي مقولتلك بحاول اسيطر ع نفسي بحاول اهدا بحاول انسا بحاول مظلمكيش معايا انا كل يوم كنت بزعلك كنت بزعل فيه اضعاف زعلك ي شهندا بس انتي مبتحسيش بيا ولا حد ف البيت هيحس انا لما كنت بتعصب عليكي كان غصب عني وهم هنا ف البيت عارفين كده وعارفين ال حصل معايا واتأزيت ازاي انا لما ادمرت ف اول علاقه كان بردو غصب عني محدش بيحب يشوف نفسه تعبان او بيتأذي ع حاجه متستهلش محدش بيحب يدايق الناس الغاليه ع قلبه وانتي غاليه اوي ع قلبي ي شهندا .. كنت واعدك ان هخلي ايام دي تكون احلي واسعد ايام حياتك بس ال حصل غصب عني ربنا يقدرني واعوضك يارب بس ادعيلي ، انا ي شهندا فاكر وقفتك جنبي كويس قوي فاكر ان لما اذيتك مبعدتيش عني وقدرتي تعبي وال انتي عملتيه ده فوق راسي وعمري مهخذلك ابدا بس ربنا يهديني ويبعد عني العقده دي
شهندا:  عيونها دمعت وقامت حضنته " خلاص يال تتشل احنا كنا لسه بنضحك بتبكيني لي ، انت كمان غالي عندي اوي ي حموزه
حمزه: ضمها اوي " مش قولنا بلاش حموزه دي بدل ما افعصك كده
شهندا:  ههههه خلاص خلاص
حمزه:  يلا المهم هروح الشغل انا ، الاكل حلو اوي ابقي حضري ع طول
شهندا:  ماشي يسطا هتوديني جزر المالديف امتا بقا عشان اجهز الشنط
حمزه:  يسطا والمالديف ف جمله واحده طب ااتنيلي بلا يسطا ، هتروحي تعملي اي ف المالديف انتي
شهندا:  وانت مالك يعم
حمزه:  ماشي ي جزمه الجزم انا نازل
شهندا: ماشي خلي بالك من نفسك
حمزه:  حاضر "ونزل وشهندا لمت السفره وراحت اوضتها وبتاخد هدوم ولقيت نص برشامه واقعه قدام هدوم حمزه ، ميلت واخدتها وبعدها فضلت تفتش وسط هدومه وف جيوبه لحد م لقيت ورقتين روشته وبرشام ودوا ، مسكتهم وطلعت قعدت ع السرير ومسكت الروشته وكانت من دكتور نفساني و التانيه من دكتور مخ واعصاب ، مسكت البرشام والدوا ومش عارفه بتوع اي ، كتبت اسم البرشام ع جوجل وكان برشام مخدر ميخليش البني ادم يحس بحاجه ، كتبت اسم الدوا وكان دوا مريح للمخ والاعصاب .. فضلت تقرا وكان مكتوب انو لو استعمل مع اي علاج تاني بيأدي لتلف ف المخ ، طلعت بسرعه وكتبت اسم البرشام تاني وفضلت تقرا وكان مكتوب انو بيستعمل مره واحده كل اسبوع وان زياده خطر ع جسم الانسان وممكن يصيبه بصعوبه الحركه او عدمها خالص وبيرخي الجسم مع كتر استعماله ، اتصدمت وسابت الفون وعيونها دمعت وفضلت ساكته لثواني ، رنت ع هنا وهنا طلعت ليها ولقيتها بتترعش وضمتها "
هنا:  مالك يبنتي مالك فيكي اي ، حمزه عملك اي تاني
شهندا:  بصي ي هنا بصي "
هنا:  اي العلاج ده انتي تعبانه ولا اي
شهندا:  دول بتوع حمزه ي هنا
هنا:  حمزه كشف ع حالته النفسيه ليه بيدوه علاج ، اي ده واي الخلاه كشف عند دكتور مخ واعصاب
شهندا :  معرفش معررررفش ي هنا
، العلاج ال بياخدو ده واحد بيجيب تلف ف المخ والتاني بيجيب شلل
هنا:  اتصدمت وحطت ايدها ع بوقها " ي نهاااار اسوووووود ، هو عشان عايز العقده تمشي بسرعه يعمل كده ويدمر نفسه
شهندا:  هو العلاج ببجيب نتيجه فعلا انتي متعرفيش معاملته بقت حلوة ازاي بس ي هنا العلاج ده اضرارو اسوء من مميزاته انا هموووت انا مكنتش اعرف ان حمزه بياخد علاج انا قاعده معاه ف شقه واحده ومخدتش بالي ، انا مش هسمح لحمزه انو ياخد علاج تاني مش عايزاه يخف انا عايزه متعصب ع طول بس مش عايزه يصيبو مكروه ي هنا "وبكت وهنا حضنتها وبكت هي كمان ..."

"التكمله ف البارت التاسع عشر ... "
بقلمي / دينا