معذبه قلبي

البارت ٧

مُعـذبة قلبـي
" ٧ "
" شهندا كانت بتتكلم ف الفون وطلعت برا وعماله تزعق وحمزه شافها وقرب منها وعمال يبص ع شكلها ومبتسم والفستان شكلو قمر اوي عليها "
شهندا:  ازاااي يعني ازاااي الامتحان بعد اسبوع دول اكلو الترم خالص .. انا يستي مجهزتش لام السفر ده .. والله الجامعه دي بتستهبل هلحق الم كام ماده انا ف اسبوع .. ماشي ي هيام ماشي انا ورايا فرح دلوقت لما اتزفت اروح هكلمك "عدلت وشها عشان تدخل القاعه وشافت حمزه وبصتله بقرف وجايا تدخل بس مسك ايدها ورجعها " عااايز اي انت كمان
حمزه: يبنتي فين الرقه والانوثه .. ده انت حته مقضيه حياتك كلها برا يعني معشتيش هنا كتير عشان تبقي شلق كده
شهندا:  بقا انا شلق "وفضلت تضربه ع كتفه ومسك ايدها الاتنين " ابببعدد ايددككك دي عشااان انا متغاظه ومتدايقه وكمان انا مخنوقه منك لوحدددي ااااوعااا احسنلك
حمزه: ولو موعتش يعني
شهندا:  هضربك برجلي ي حمزه
حمزه:  ماشي اديني بعدت .. مخنوقه مني لي
شهندا : عشان قربت مني وده مش من حقك
حمزه:  طب انا اسف
شهندا:  ربعت ايدها " ده مش كفاياا
حمزه: طب اصلحك ب بوسه تانيه
شهندا:  انت بتستعبط صح
حمزه:  صح ..
شهندا:  ابتسمت .. ماشي ي حمزه الاعتراف بالحق فضيله
حمزه:  ايوة عارف ي خفه "ومسك خدها " اي الخدود الحلوة دي يبت
شهندا:  احسدني يلا احسدني
حمزه:  لا وانتي الصراحه تتحسدي
شهندا : مش كفايه تريقه بقا ولا اي
حمزه:  ع فكره مش تريقه .. انتي جميله اوي ي شهندا
شهندا:  وشها أحمر وعدلت وشها بعيد وابتسمت وبعد ثواني بصتله "ااحم يلا ندخل
حمزه:  يلا "
شهندا:  فين تيما
حمزه:  مش عارف والله تلقاها بتلف هنا ولا هنا .. كنتي بتزعقي لي انتي بقا
شهندا:  اصحابي قالولي عندي امتحانات وكده الاسبوع الجاي ونا مش عارفه اعمل اي + صحيح بابا فصل بتوع الامن كلهم ال بيشتغلو عندنا وجاب بدالهم ناس جديده وال اسمه هيثم ده مقدرش ينطق بكلمه ده انا قولت هيعترف ع كل ال حصل بس،منطقش
حمزه: عيب عليكي .. ده انت ربيته يبنتي "دخلو القاعه وهي راحت ترقص مع اختها وهو كان بيتفرج عليها .. حطها ف مخه وقال لنفسه " انا وهي ناقر ونقير من ساعه م جات من السفر بس حلوة العلاقه دي ههه اول واحده هجرب حظي معاها وهتقدم ليها بس مش هعشم نفسي ......"
"خلص الفرح وتاني يوم وحمزه وحسام راحو ع الشركه .. "
حمزه:  بيرن ع شهندا " صباح الخير .. اي انتي لسه صاحيه .. ي عم ده الساعه 2 الضهر .. طب فوقي كده وخدي شاور ولو قدرتي تطلعي بعد العصر تعاليلي الشركه او قدام ماك .. هنتغدا سوا وعايز اتكلم معاكي ف حاجه .. مش هقولها دلوقت هتجي ولا اي .. تمم يلا اجهزي وتعالي
حسام:  هتقولها
حمزه:  ايوة هاخد رأيها بعدين لو وافقت هخلي امي تشوف امها بردو ولو موافقه هتكلم مع ابوها
حسام:  وتفتكر ابوها وفارس هيوافقو ان شهندا تتجوزك
حمزه:  ي حسام انا عارف ال فيها ومش متعشم ف شهندا ولا حاجه ده نصيب تاني حاجه انا مكنتش بحب شهندا يعني ولا متعلق بيها عشان اخاف من النصيب انا بس مرتاح وشايفها مناسبه غير كده لا .. عارف ان راشد هيرفض ولو وافق ف فارس هو ال هيرفض لان هو ف الطبيعي مبيتمناليش الخير هيتمنالي اخته مثلا ولا هيدي اخته لواحد مطلق ومعاه بنت كبيره
حسام:  نعم نعم نعم ولما انت عارف كل ده وحاسبها امال هتتكلم ليه ولا عايز تتقدم لي متبعد احسنلك
حمزه : مهو لو شهندا قالتلي موافقه انا هعمل المستحيل عشانها لان واحده زيها بالحلاوة والجمال ده مش مضطرة انها توافق ع واحد زيي ومن حقها تتجوز واحد ف سنها ومتجوزش قبل كده ف بقا لو هي قبلت بيا يبقا عيزاني ولو هي عيزاني انا عمري م هبيعها
حسام. : امممممم .. تتوقع كام ف الميه من موافقه شهندا
حمزه:  99 %
حسام:  اااي  ، اي ياد الثقه دي
حمزه:  عادي ي حسام .. روح بس شوف شغلك واتغدو لما تروح انت ومتخليش امي تستناني
حسام:  ماشي ي عم الواثق "ومشي وع العصر رجع ع البيت وحمزه راح ماك قبل شهندا وبعد ربع ساعه هي وصلت ودخلو وسلمو ع بعض وطلبو الاكل "
شهندا:  اي بقا الخبر ال جايبني هنا عشانو
حمزه:  خبر بخصوصك انت
شهندا:  بخوف " انت وترتني ع فكره .. بابا عرف ان جيالك ولا اي
حمزه:  بطلي عبط .. شهندا انا عايز اتقدملك .. عايز اتجوزك
شهندا:  بصدمه " اااا اااي ااا نتتت اااااا
حمزه:  ابلعي ريقك يختي واشربي ميه هو انا قولت حاجه غريبه عشان يجيلك خرص
شهندا:  اها حاجه غريبه .. غريبه اوي كمان ومكنتش متوقعه
حمزه:  عادي
شهندا:  ال بيتجوز وحده ده لازم يكون بيحبها وكان مرتبط بيها
حمزه:  مش لازم بردو
شهندا:  بس انت فجئتني وقولتها كده من غير اي مقدمات
حمزه:  مش لازم يبقا في مقدمات
شهندا:  امممم ... انا ونت نتجوز ..!!
حمزه:  شهندا لو رافضه قولي وخلصنا انا وانتي عارفين ال فيها وعارفه كل حاجه عني وعرفه بنتي وكل حاجه مش عاوزاني خلاص
شهندا:  انا ميفرقش معايا ال انت قولته ده انا يفرق معايا الشخص يحبني ويبقا حنين وكده بس
حمزه:  وانا هعرف اسعدك
شهندا:  هو انا عمري مهلاقي احسن منكك بس
حمزه:  اممم خلاص م لازم تكملي
شهندا:  انا لسه متفاجأه ومستغربه ال انت قولتو
حمزه:  تمم يلا اهو الاكل جاي وانا جعان جدا
شهندا:  حمزه هو انت لما قولتلي كده كنت تحسبني هرفض ولا هوافق
حمزه:  هتوافقي
شهندا:  لي اعتقدت كده
حمزه:  عادي احساس
شهندا:  ضربته ع دراعه " والواد بيحس اوي يعني صح
حمزه:  رفع وشه ليها وبصلها ورفع حاجبه " هتوافقي .. والله هتوافقي
شهندا:  ابتسمت وبعدها ضحكت " في اي بجد واثق من كده ازااي ههههه يخربيتك
حمزه:  اصل انا بعرف احس بالشخص ال قدامي "مسك ايدها " انا من ساعه مطلقت بقالي 6 سنين مفكرتش ااتجوز تاني .. انت اول وحده فكرت فيها بعد الفتره دي كلها + انا مترفضش ي حلوه
شهندا:  يخربيت ثقتك دي .. ف امريكا او ف الاجانب عمتا لما بيتجوزو مبيهتموش ب اي حاجه غير راحه قلبهم .. مبيفرقش معاهم انت لسه متجوزتش قبل كده ولا اتجوزت ولا حت معاك عيل مبيهتموش بالمستوي التعليمي او المادي مبيهتموش بفرق السن ال بين الاتنين وساعات كتير ستات كبيره بتاخد شباب اصغر منها وحياتهم فري خالص مش التعقيد ال عندنا ده ..
... وانا مؤمنه بكدا .. طلاما الاتنين عايزين بعض تغور اي حاجه
حمزه:  افهم من كلامك اي
شهندا:  هشاور مامتي وارد عليك بس سيبها لوقتها.. بس بابايا ممكن يرفض حتي لو انا وافقت
حمزه:  ده مش ممكن ده اكيد ههههه
شهندا:  طب وانت هتعمل اي
حمزه:  متشليش هم بس وافقي
شهندا:  ماشي ي حمزه "واكلو وبعدها كل واحد اخد عربيته ومشي ...