مُعـذّبة قلـبي
" ٢٢ "
"حمزه بلغ ع خالد واتقبض عليه بتهمه التزوير والنصب وحسام زعل جدا من ال حصل وجاب محامي ليه وقالو يدافع عنه ويظهر برائته والحقيقه ويشوف الفلوس ال اتاخدت راحت لمين ... ف اخر اليوم بالليل وحمزه قعد مع هنا ف الجنينه "
حمزه: هسألك سؤال
هنا: اتفضل
حمزه: هو اي ال يخلي الواحده تستحمل جوزها لما يهينها ويضربها ويعيشها ف نكد وجحيم
هنا: مش محتاجه تفكير ، انها تكون بتحبه لدرجه فوق الخيال يعني حتي وهي شيفاه ف اسوء حلاته بردو مش قادره تبعد عنه ومتعلقه بيه
حمزه: مهو ممكن يكون ف رأي تاني وميكنش حب ، يكون مصلحه وهي لازم تستحمل اي حاجه عشان تكمل المصلحه ال جايا عشانها
هنا: صح بردو بس استبعد الفكره دي اكيد مبتحصلش كتير
حمزه: انا لو جاتلي عقده تاني مش هيبقا من قليل ..
هنا: ف اي بالظبط
حمزه: فارس بيلعب لعبه زباله عليا
هنا: واي الجديد مهو طول عمره غيران منك
حمزه: الجديد ان شهندا بتتفق معاه عليا ، بيعملو اي بالظبط مش عارف
هنا : حطت ايدها ع دماغه " مش سخن اهو امال ف اي ، انت بتقول ان شهندا بتلعب عليك مع اخوها يعني ، البنت الغلبانه الهبله دي ، البنت ال حبتك من قلبها ، تعرف ان انت طلعت ندل اوي ي حمزه
حمزه: اااانا سمعتها سمعتهاا بودني ي هنااا هي مقالتش حاجه واضحه نهااائي بس اكيد ورا كلامها ده ف كتير ، انا من الصبح مش عارف اشتغل ودماغي اتقلبت بسببها وعمري متوقع انها وحشه او متجوزاني لغرض تاني او لمصلحه ليهم ونا كنت فاكرها بتحبني انا مش ناقص صدمات وبالزات من دي بالزات ف ال وثقت فيها ادعي ان كل شكوكي تكون غلط ي هنا
هنا: طب شهندا تعرف اي حاجه كبيره او صغيره عن شغلك ? لان عداوه فارس ليك بتكون ف سياق الشغل بس مش ف حياتك الخاصه
حمزه: لا متعرفش حاجه متعرفش
هنا: يبقا متشكش فيها بقااا عشان كده غلط
حمزه: ان شاء الله
هنا: ومعلش متتصرفش مع شهندا اي تصرف وحش غير لما تتأكد من الشكوك ال ف دماغك
حمزه: طيب
هنا: واجهه شهندا وانت ترتاح قولها فهميني اي ال سمعته ده وهي هتفهمك اكيد وهتقول تقصد اي والامر هيتحل بالتفاهم
حمزه: ال ناويه تستغل حد وتراقبو وتتفق مع اهلها عليه وتخبي وتعمل كل ده مستحيل تقول االحقيقه .. ال خلاها تعمل كدا هتستقلي عليها الكذب اكيد ده بنسبالها مفيش اسهل منه
هنا: بس ي حمزه احنا عارفين شهندا كويس وعارفين اخلاقها وعارفين انها متعملش كده
حمزه: فكك بقا "وطلع فوق ولقي شهندا قاعده قدام التلفزيون وماسكه الفون " بتعملي اي
شهندا: مش بعمل ، انت لسه راجع من الشغل ولا كنت فين بالظبط
حمزه : كنت بلف بالعربية وحابب اقعد وحدي
شهندا: طيب ، هو مش المفروض كونا نروح عند الدكتور انهردا
حمزه: منا في كام حاجه شغلتني كده ونسيت خليها بكره ان شاء الله ، انا رايح انام لان مرهق جدا
شهندا: ماشي
حمزه: وانتي هتعملي اي
شهندا: انا قاعده هنا
حمزه: شد منها الفون ع غفله وماشي وهي راحت وراه "
شهندا: اااانت بتعمل اااي ي عم انت
حمزه: بصلها " متتعصبيش عشان ده خطر ع البيبي
شهندا: ااااوف بقا اااوف انت خليت فيها بيبي ولا زفت انت اخدت الفون مني لي لما انت مش قاعد معايا ولا بتاكل معايا سيب ده يسليني
حمزه: انا مش قعدت معاكي 3 ايام ع بعض عايزه اي اكتر من كده
شهندا: ايوة يعني انا كده خلاص مش لازم اقعد معاك تاني
حمزه: انا عايز انام عشان تعبان والله بكره كملي خناق بكره حبيبتي
شهندا: بزعيق " حمزززه هاااات الفون انت عااايزه تعمل بيه اي
حمزه: معلش الفون مش هتمسكي طول منا فالبيت ونايم "ودخل الاوضه ونام وهي كانت هتموت م الغيظ وراحت قعدت قدام التلفزيون لحد منامت ...
"الصبح وقام واخد الورق والشنطه والابتوب ونزل وراح ع شغلو .. الدكاتره ال من المانيا وصلو ع المستشفي وقررو ينزلو اعلان للشغل عشان الناس تروح تشتغل .. خريجين طب وتمريض ومعاهد فني صحي .. حمزه كان مبسوط جدا جدا وهو شايف الشغل بينجح قدام عنيه وبيحقق الحاجه ال دفع فيها دم قلبه كله وجات بعد تعب .. رجع البيت بالليل هو وحسام والسعادة كانت ع وشهم "
"ف الشقه'
شهندا: انت كل يوم بتقول هوديكي للدكتور وبتكسل ولا اي
حمزه: ضمها جامد وهي كانت مستغربه " انا فرحان اوي انهردا ي شاهي بترجاكي متنكديش عليا
شهندا: بهدوء ولقيت نفسها ابتسمت لمجرد انها شايفاه مبسوط وضمته " يارب دايمااا ي قلب شاهي اشوفك مبسوط وفرحان .. بس لي يعني ممكن اشاركك فرحك
حمزه: انهردا المستشفي هتبدأ تشتغل وهنبدأ نوظف ناس .. اول حاجه خطر عددت ع خير والخبراء الاجانب وصلو
شهندا; ولو اني مش فاهمه حاجه بس الف مليون مبروك
حمزه: حكالها ع موضوع المستشفي كله بعدها راح يغير هدومه وهي قعدت ع السرير ومصدومه وقالت لنفسها "
شهندا: فارس كان بيضحك عليا يعني ولا اي ، حمزه مش بيشتغل ف حاجه غلط ومش بيدارا ورا شغله عشان يهرب حاجات ممنوعه ، حمزه بيعمل مستشفي حمزه كان بيساعد اكبر قدر من الناس سواء شباب هيتوظفو وسواء مرضي هيقدملهم احسن خدمه والخبراء ال انا صورتهم وبعتهم لفارس ع اساس انهم ناس وحشه كانو دكاتره ، بس دول كانو من امريكا وحمزه قالي ان الناس الجات من المانيا معقول فارس يكون عمل حاجه عشان يخسر حمزه ... ده انت ي فارس لو عملت كده هتبرا منك لو كان تفكيرك بالاذي ده نا هكرهك ي فااارس .. طب انا اعمل اي دلوقت اواجه حمزه واقولو ولا اخاف من رد فعله .. ياارب رسيني "راحت حضرت اكل وهو خرج من الحمام وراح ياكل وكان مبسوط جدا ويهزر مع شهندا ويضحك وهي كمان بس من جواها حزن ع ازيتها لحمزه من غير متقصد وكلو بسبب اخوها "
شهندا: صحيح ي حمزه انا كنت عايزه اخرج مع هيام صحبتي
حمزه: هو نا مش بقولك اني مبسوط لي يعني بتحبي تدايقيني
شهندا : وانت تدايق لي بس هي المتجوزه مينفعش تطلع خالص تغير جو
حمزه ; المتجوزه حمزه المنشاوي مينفعش تطلع غير مع جوزها ملناش دعوة بالباقي
شهندا: وانا مش زي الباقي
حمزه: لا اكيد مختلفه عنهم انتي مراتي انا ومش اي بنت تنفع تكون مراتي
شهندا: ضحكت وضربته ع ايده " والله ضحكتني بطل غرور يعم المتكبر انت خليني اطلع
حمزه: لا ي شاهي
شهندا: اها قول انك مش عايز تديني فلوس اخرج بيها
حمزه: الفلوس ف الدرج ف اوضتنا روحي خدي ال تاخديه ويكفيكي بس مش هتنزلي
شهندا: ي خفه وانا هعمل اي بالفلوس ف الشقه
حمزه: وانا اشعرفني
شهندا: ياربي ع الغلب ده ، يعني ريهام مكنتش بتخرج
حمزه : ملكيش دعوة بيها ولا انتي شكلك حالفه تنكدي عليا انهردا صح
شهندا: والله م عايزه انكد بس لي مخرجش اكيد ال قبلي كانت بتخرج
حمزه: كانت بتخرج ولعبت من ورايا وخانتني وطلعت واحده وسخه ي شهندا مش كويسه ، انا فضلت تعبان بسبب حركه زي كده هي كانت فكراها هينه ولحد متجوزتك وانتي شفتي تعبي بنفسك ، انا كده مرتاح ومش حاسس بان فيه عقده من اصلو ، كل خوفي من ان الحصل ف الاول يحصل تاني ف عشان كده مكننتش حابب الجواز بس انا كده مرتاح انتي ف البيت ومقفول عليكي البيبان اخرك باب الشارع ال انتي مبتشوفيش اي بعده اصلا غير معايا خروجك معايا كل حاجه معايا ف انا مرتاح كده انتي ولا بتقابلي شباب ولا ممكن تخونيني وفونك بفتش فيه + ان غير كل ده نا واثق فيكي
شهندا: ضحكت بصوت عالي " والله ياخي فصلت ضحك بتقول حابسني ومش عايزني اقابل شباب ف اي مكان عمتا اروحو ولا اتعامل مع حد نهائي وجنب كل ده واثق فيكي هههههههههه يخربيتك ي جدع ده انت مشمتش ريحه الثقه
حمزه: مسك ايدها " قلبي بيغير بطريقه فظيعه ي شهندا متستهونيش انتي متستحمليش غيرتي
شهندا: فلتت ايدها منه ودخلت اوضتها وهو مهانش عليه وراح وراها ووقفها قباله وحط ايده ع وشها "
حمزه: انا واثق فيكي حقيقي بس بغير وبخاف بس مش كتير يعني ،المهم خديلنا معاد مع صحبتك وهنخرج كلنا وانا معاكي اي رايك
شهندا: موافقه "وباسته ف خده وهو ضمها "
حمزه: بحبك ي اجمل واغلي واعز ممتلكاتي ..
شهندا: بفرح وسعاده ويمكن دي اول مره ينطق كلام حلو من يوم فرحهم " بحبككك بحبككك اوي ي حمزه والله ...
" تاني يوم الصبح وراح ع شغله وشهندا اتفقت مع هيام وحددو معاد .. ع الضهر وحمزه اخد شهندا وراح لدكتوره واخد المواعيد ال المفروض هتروح فيها ...."
___
فارس: اااه يبن الكااالب ي حمزه .. كل ال انا بخططله باظ كلو بااااظ والشغل هيبتدي كل ال بعمله اتهد ف لحظه لي ياااااارب لي بس كده يااارب
اسراء: اهدا ي فارس مش كده
فارس: وحيات اغلي الناس عليا بردو مهسيبو مش هسيبو غير لما اكسرو واهدو وابقا انا اعلي منه ومفيش غيري والله مهستسلم حتي لو بعد سنين مش هسيبو. ..
_______________
"ريهام دخلت اوضه تيما وجابتلها العشا "
ريهام: اي ده ي تيما اي الظيطه دي فارده لعبك كده لي
تيما: بلعب بيهم
ريهام: لمي الكراكيب دي بسرعه انتي كبرتي
تيما : كبرت يعني ملعبش
ريهام: ايوة
تيما: امال بابا جايبلي كل الالعاب دي لي ولسه بيجبلي
ريهام: باباكي معتبرك طفله
تيما: منا طفله ولين كانت بتلعب معايا وبابا وطنط هنا كمن كانو بيلعبو معايا
ريهام: حبيبتي والله هم عايزين يصغروكي وخلاص وانتي كلها كام سنه وتكبري وتبقي ف فتره المراهقه وتصاحبي بنات وشباب وتتعرفي ع ناس اكتر وترتبطي وحاجات كتير هتبقا ف حياتك
تيما: ي ماما بس بابا قالي اوعي تكلمي اي ولد ابدا ولا دلوقت ولا بعدين لانو غلط
ريهام : لا يروحي انتي مش غلط هو عشان معقد بس زياده عن اللزوم ف بيتحكم بالطريقه دي لكن انا اوبن مايند عادي
تيما: ماشي ي ماما ، صح هو بابا مش بيكلمني لي ولا بيجيلي
ريهام: معرفش بس تلقاه مش فاضي من مراته الجديده
تيما: هو كان ببسيب طنط شهندا وبيقعد معايا
ريهام: معرفش بقا بس ال سمعته انو مقضيها معاها خروجات ، انا قولتلك هينساكي
تيما: انا كل يومين كده بشم ريحه البرفن بتاعه ف اوضتي اول ما بصحي من النوم
ريهام: حبيبتي تلقاكي عايزه تشوفيه بس ، لكن هو مش حابب يشوفك
تيما: حضنت ريهام " بابا وحشني اوووي ي مامي انا نفسي اروح عنده
ريهام: مش باباكي ده ال كنتي بتكرهيه وعايزه تبعدي عنه اي ال حصل بقا اقعدي وانتي ساكته قولنا هو مش حابب يشوفك اعمل اي اانااااا
"التكمله ف البارت الثالث والعشرين ..
" بقلمي / دينـا "
أنت تقرأ
معذبه قلبي
Romansعندمـا يقع احـدهم في حـب شخص ما ، ثم يُسلم قلبه وعقله وحياته بكامل ارادتـه لشريـكه دربـهُ ، فترد لـه مقـابل هـذا الحب ' الوجـع والالـم والخـداع ' سيتـوقف قلبـه بالشعـور بأي فتـاهً اخـري لـمده ٦ سنـوات لتـأتي التـي لـم تكـن ف الحسـبان ،وسـوف يحـدث اي...
