معذبه قلبي

البارت ١٢

مُعـذّبة قلـبي
" ١٢ "
"حمزه اتطمن ع تيما وبعدها خرج ورنت عليه ريهام وراحلها"
ريهام : بنتي بخير ي حمزه
حمزه: عرفتي ازاي ?
ريهام:  انا متابعه اخبارك واخبارها .. مره كان نفسي اشوفها وكنت بعتلها بوديجرد تبعي عشان يضحك عليها ويقولها ان ف رحله سفر عشان يخدها وتجيلي
حمزه: نعممممممممممم ، هو ده ااانتي ااانتي ال عملتي كده
ريهام:  مسكت ايده " كنت مشتقالها والله العظيم
حمزه:  وانتي ال مخططالها المرادي
ريهام:  لا لا اقسم بالله محصل
حمزه:  تمام عايزه حاجه
ريهام:  ضمته جدا " مشتقالك انت كمان مشتاقه لحضنك مشتاقه لحبكك لياا ي حمزه
حمزه:  حبي ليكي ال انتي متستهللوش حبي ليكي ال تعبان بسببه لحد الوقت ده .. انت اي ال رجعك بس ي ريهام .. بقيت كارهه مراتي حرام عليكي مع اني انا ال كنت مختارها وعايزها .. كله بسببك وبسبب وجودك تاني
ريهام:  خليك معايا ي حمزه
حمزه:  لا ي ريهام همشي
ريهام : قربت من وشه وضمته وهو قرب منها ، كانت بتمشي ايديها ع جسمه وهو بعد عنها " حمزه انا عيزاك
حمزه: وانا مش عايزك
ريهام: انا حبيبتك
حمزه: انتي الغلطه الوحيده ال فحياتي "سابها ومشي وروح ع البيت ودخل المكتب يكمل شغله وحسام راحله "
حسام: غلط ال انت عملته ف شهندا قدامنا
حمزه:  خليك ف نفسك
حسام:  يعني اي مش هتصالحها
حمزه:  وانت مالك
حسام:  بلاش تشوفها ريهام ي حمزه .. شهندا هي شهندااا مش واحده تاني "ومشي وسابه وحمزه حط ايديه ع دماغه ومش قاادر يشيل من تفكيره فكره الخيانه "
حمزه:  ااااه يااااربي اااااه لي الحاجه دي هترجعلي تاني لي هخاف تاني لي بفكر ان كلهم زي ريهام لي مش قادر ابقا مسؤل لي مش قاااادر اسيطر ع نفسي لي بسسسسس "وطلع بكل غضب وحزن وراح اوضه النوم ولقاها نايمه ، مسك ايدها وقومها "
شهندا : في حد بيصحي حد كده
حمزه:  فين تلفونك
شهندا:  اهو لي
حمزه:  هاتيه
شهندا:  خد "فضل يفتش ف الارقام والرسايل والوتس والفيس،وهي بصالو بقرف " انا مش برن ع حد ولا بكلم حد ي استاذ حمزه وشكرا ع عدم الثقه .. طول منت مش واثق فيا اتجوزتني لي طول منت مش واثق ف نفسك وانك ممكن تتخان عادي اتجوزت لي "ويدوب خلصت الكلمه ولقيت القلم ال ع وشها راحت بعدت من ع السرير "
حمزه:  انا اتخانت عشان انتو صنف زباله "قرب منها وشدها من شعرها ورماها ع السرير "
شهندا:  بتبكي " ااااابعد عننييي ي حمزه انت عايز ااي مني عاااايز اي هو انت متجوزني عشان تهيني وتضربني وتهزقني وف الاخر السرير هو ده الجواز بالنسبالك انت متجوزني لييييي
حمزه:  اه بالظبط متجوزك عشان السرير وبس هو ده مكانك ومكان اي بنت تقع قصادي انا يلا ارضي بنصيبك بقا .........."
__________
"بعد شهر ونفسيه شهندا حرفيا اتدمرت وتعبت من تصرفات حمزه معاها والاسلوب ال بيعاملها بيه والاهانه ومشفتش يوم واحد حلو من يوم م اتجوزت .. حمزه راح للدكتور 3 مرات والدكتور مش عارف يغير اي حاجه او اي تصرف فيه وحمزه مرحش تاني ومش عارف يعمل اي ف نفسه ، كل ميقعد لوحده بيتعب نفسيا من التفكير ف ريهام وف ال بيعملو ف شهندا ومش بيهون عليه ابدا بس مش قادر خالص يتغير بسبب ريهام ال بيشوفها كل يومين تلاته ............  "
"ف الشغل "
حمزه:  حسام انا بعت الفاكسات للدكاتره ابقا تابع هيوافقو امتا واول ميوافقو هسافر امضي التعاقد معاهم وهيجو مصر والمستشفي هتكون جاهزه ع طول
حسام : الموافقه هتيجي ف خلال كام يوم
حمزه:  ي انهردا ي بكره بس مش هتتأخر .. انا عندي اجتماع حاليا وانت روح استلم الشيك بتاع الصفقه ال كسبناها
حسام:  تمام
........
هويدا:  هنا
هنا:  ايوة
هويدا:  مامت شهندا واختها جايين وشهندا حالتها وحشه اوي وخاسه وتحت عيونها اسود امها لما تشوفها هتقولها اااي
هنا:  مش عارفه والله ، معرفش حمزه ربنا هيهديه امتا والله انا هطلع ليها لان بقالها شهر مبتنزلش من شقتها وهحاول تاني اخليها تنزل تغير جو ولا نخرج ولا اي زفت
هويدا:  ماشي ي حبيبتي روحي
"هنا خبطت ع الباب وشهندا فتحت ودخلت "
هنا:  مش ناويه تنزلي بردو
شهندا:  لا
هنا:  هخرج انا وانتي وناخد تيما ولين وسيف
شهندا: مش عايزه اروح ف حته بترجاكي ي هنا سبيني ف حالي
هنا:  طب ممكن تخدي شاور وتحطي ميكب وتسرحي شعرك كده عشان
شهندا:  قاطعتها " هو اناااا اي مش بني اااادمه انتو جيبني هنا عشان حمزه بس عايزين حمزه بس ينبسط وانا اغور ف داهيا حتي انتي بتدوري ع سعاده حمزه ، انتو عارفين ان حمزه متجوزني عشان اي وحمزه مش متجوزني عشان بيحبني ده عشان يرضي امه واهو بالمره يسعد نفسه انا مليش اي حقوق تاني ف البيت ده ، حتي انتي حتي انتي ال كنت بشتكيلك منه جايا تقوليلي ظبطي نفسك عشانو مش كفايه هو بيتأمر عليا ومش محتاج حتي اظبط نفسي ، اطمني يختي انا شكلي عاااجبو
هنا:  بصالها بصدمه ع الحاله ال وصلتها وان حتي الكلام اخدتو كله ع حمزه وهي مكنتش تقصد كده " شهندا ااافهمي
شهندا: بصريخ" اطلعي براااااا اانا مش عايزه اشووووفك مش عايزه اشوفك ف وشي
هنا:  طب اااهدي اهدي ونبي اهدي انا بس مش عايزه اشوفك ف الحاله دي
شهندا:  تشوفيني ولا متشوفنيش ممكن تمشي مش عايزه اشوف حددد خالص ااااطلعي براا
هنا:  هطلع هطلع بس اهدي "وطلعت وقفلت الباب وقعدت ف حضن هويدا وبكت ع الحاله ال وصلالها شهندا " البنت متدمره اوي ي ماما انا مش قادره استوعب ابنك وصلها ل أي ، حرام عليه دي بني ادمه بردو
هويدا:  هنا اهدي ي حبببتي متخلنيش ابكي انا كمان انا فاهمه ان شهندا صعبت عليكي بس مش عايزاكي تزعلي ونبي عشان ال ف بطنك ....
"بعد فتره وجات ايمان ومي واسراء مرات فارس وطلعو الشقه عند شهندا وامها اتصدمت لما شفتها "
ايمان:  حبيبتتي اي ده ااي منظرك دهه فهميني انتي مبتكاليش ومش بتنامي ولا اي ده اي ال حاصل فيكي
شهندا:  انا بخير
ايمان:  بخير ااااي انتي مجنونه ، هو انا مسلماكي ل حمزه كده ، انتي اي ال حاصل ليكي
شهندا:  والله كويسه بس شكلي مش وش جواز ف حصلي كده
اسراء: انا مش عارفه فارس ازاي اقنع باباكي انو يجوزك لحمزه اصلا ، دول شكلهم مش متفاهمين مع بعض بسبب فرق السن و شكلها بتصطبح بعلقه وبتتمسي بعلقه
ايمان:  بصت ل اسراء وبصت ل شهندا " معقول يكون كلام اسراء صح ي شهندا
شهندا:  لا عادي اي اتنين بيكون ف بينهم خلافات ومشاكل بس بقالنا كام يوم زعلانين ف خسيت من الزعل
ايمان: ومجتيش عندي لي ي شهندا
شهندا:  هو انا بقيت بطلع اصلا ولا اشوف الشارع
اسراء:  قولي انو حابسك ف الڤيلا دي زي م حابس بنته
شهندا:  هو حر محدش لي دعوه مش مستنيه كلمه من واحده زيك انااا
اسراء:  دي غلطتي ان بفسر لاهلك ال ممكن يكون حاصل
شهندا:  وانتي تخمني ولا تفسري لي اصلا متخليكي ف حالك
اسراء:  صدقي انك بنت قليله ادب عشان تكلمي وحده اكبر منك بالطريقه دي ، اكيد اسلوبك ده هو ال خلاه حمزه حبسك شكلك تستاهلي
شهندا:  يوووووووووه بقا يوووووووووه انتو جبتوها معاكم لي
مي:  اسراء متلمي نفسك انتي مش شايفه حاله اختي ولا اي
اسراء:  شايفه ، بصراحه انتو ظلمتوها اوي لما جوزتوها لواحد اكبر منها ، البنت لسه بادئه ف العشرين لي تعملو فيها كده ، اكيد لسه عايزه تعيش سنها لسه مرحله النضج دي موصلتش ليها عشان تدبسوها ف واحد كبير كده وميعرفش شغل العيال ده اي
شهندا:  حمزه كان اختياري وملكيش دعوه بقا اطلعي منها انتي بس .. امي عايزه تقعدي معايا اقعدي بس من غير اسراء لاما تتفضلو تمشو وتيجو ف وقت تاني
"ايمان خدت اسراء ومي ومشيو وهي مخنوقه من تصرفات اسراء ، طلعو ع العربيه بس ايمان وقفت مع هنا وهويدا "
ايمان:  ابنك عامل ف بنتي اي ي هويدا
هويدا: والله م اعرف حاجه ي ايمان
ايمان:  بنتي مش جايه عندكم البيت بالمنظر ال انا شفته ده ، وربي لو جيت صدفه تاني ولقيت بنتي بالشكل ده انا هخلي حمزه يطلقها ونخلص ، بنتي كانت عايشه ف بيت ابوها معززه مكرمه متخلقش ال يجي يهينها بالطريقه دي بعد ازنك ..... "
هنا:  متدايقيش ي ماما بس اكيد هي مدايقه عشان بنتها
هويدا:  انا مش زعلانه ي هنا ...
_______
"هيثم السيناوي دخل ع شركه المنشاوي وراح لمكتب المدير والسكرتيره جني دخلتو "
هيثم:  هو فين حمزه المنشاوي
حسام:  عنده اجتماع ، مين حضرتك ?
هيثم:  اديلو الكرت بتاعي اول ميخلص وهو هيعرفني اكيد
حسام:  تمام ..
هيثم:  بعد ازنك ...
"مشي وبعد فتره حمزه خلص الاجتماع"
حمزه : اي مروحتش اخدت الشيك
حسام: لا رنو وقالو انهم حولو الفلوس ع حسابك ف البنك وبعدها رنيت ع البنك واتأكدت من ان الفلوس اتحولت
حمزه:  حلو اوي ، تابعلي بقا الدكاتره لم ترد ع الفاكسات تمم
حسام:  تمم ، صحيح في واحد جه هنا وساب الكارت بتاعه
حمزه:  وريني "ومسك الكارت واتخض من الاسم " ياااااربي هو الشخص ده جيلي انا لي عاااايز يخوفني ولا اي ، عايز يوصلي رساله ااااي "رن ع فون تيما كذا مره مردتش وبعدها رن ع الشوفير " بص روح هات تيما من المدرسه بسرعه .. اقولك خد معاك 4 بوديجرد معلش .. زي مبقولك كده اسمع مني روح هاتها وخد معاك بوديجرد .. طيب سلام
حسام:  في اي ي حمزه مين الراجل ده وخايف منه لي كده مين ده ال عايز يأذي تيما
حمزه:  هو انا مليش دعوة بيه بس هو جالي انا يبقا عايز ينتقم مني انا اي ال يخليه يجي ع شركتي ي حسااام لما هو مش عايزني
حسام:  مين هو طيب وعايز يأذي مين
حمزه:  ده واحد من بلاد برا كانت متجوزاه الزفته ال اسمها ريهام .. انا خايف ع بنتي خايف ع ريهام مش عارف هو ممكن يعمل اي فيهم
حسام:  وانت اشعرفك ان الراجل ده تبع ريهام
حمزه:  انا قابلت ريهام قابلتها يوم فرحي ومن ساعتها ونا بقابلها هي جات من بلاد برا خوفا من الراجل ده وكانت خايفه عليا وع تيما انا مش فارق معايا نفسي بس خايف ع بنتي .. كلو الا بنتي ي حسام
حسام:  طيب ممكن تهدا شويه خلينا نفكر هنتصرف ازاااي ونشوف الشخص ده عايز منك اي واي سبب مجيته هنا
حمزه:  هنعرف كل ده ان شاء الله المهم انا مش حابب حد يعرف ع كل ال انت عرفته مش عايز يكون ف قلق او توتر او خوف ف البيت بترجاك. ، انا بقابل ريهام من بدري ومحدش يعرف ولا عايز احسس تيما ب اي حاجه انا مش عايز افكرها بامها خالص انا مبصدق انها تنساها شويه وحوار ان ف خطر ع حياه تيما او عليا بردو مش عايز حد نهائي يعرف بيه ولا حتي هنا ي حسام سامع .. ولا حتي هناااا ..
"التكمله ف البارت الثالث عشر ... "
بقلمي / دينا