كتاب طلال -3- دقيت على طلال واول ما رد بديت اسب واسب واسب بعد م شبعت سب تنهدت وسكت قال طلال: خلصت؟ قلت: الله ياخذك انت وكتابك الخايس من الليل مكتوم وماني قادر اتنفس ورحت المستشفى وقالو ما فيني الا العافيه وانا اشوي واموت من الكتمه قال طلال: متأكد بسبة الكتاب؟ قلت: يااهوه ركز كتاب طلاسم وتحضير جن م تفهم حمار أنت؟ قال طلال: بس يا حلو انا وعصام م فينا شيء وداومنا اليوم وقرينا أكثر فالكتاب بعد صرخت: حمير انتم لا عاد تفتحون هالكتاب لا وربي لاجي لين عندك واقطع هالكتاب وبعدين تعال من وين جايب الكتاب انت؟ قال طلال: مدري.. وسكر بوجهي.. قمت وجهزت وضعي للدوام بكرا لازم اداوم اشوف وش قاعدين يسون بالكتاب الدلوخ رحت ونمت.. صحيت الصباح بدري وجهزت نفسي وطلعت وكنت مكتوم بس الحمد لله مو مثل أمس يعني تحسنت شوي وصلت المدرسه بدري ودخلت الفصل وكان فاضي بعده ما جا أحد المدرسه شبه فاضيه.. طلعت الكودرد وقعدت اشرب فيه وانا اغني شوي الا يدخل طلال وباين عليه أنه معصب قمت ومسكت علبة الكودرد ورميتها بوجهه وقلت بهدوء: هلا والله كيفك ي الزين ناظرني بعيونه وقعد بمكانه وحظ شنطته على رجوله وفتحها وطلع ورقه صغيره وحطها بالطاوله ورما شنطته تحتي وقام ومسك راسي وصار يقول كلام م فهمته! صكيته كف وقلت: ياخي انقلع شقاعد تقول انت؟! ابتسم وأخذ الورقه وحطها قدامي بالطاوله بس قلبها ومشى وطلع من الفصل ما اهتميت ابد للورقه ولا فكرت اشوف وش فيها وضليت اناظر بالفصل.. بدو العيال يجو وبدأ الفصل يمتلي شوي الا يدخل عصام وهو يركض ويضحك ويدخل وراه طلال وهو فاطس ضحك واول ما شافوني ركضو علي وصارو يصارخون: وحشتنا ي شيخ قال طلال: بسم لله وش بك مكشر أمس داومت ولا لا؟ ضحكت وقلت: تسألني انا داومت أو لا؟ سلامات ابوي؟ قال عصام: وش دراه أمس انا وياه غبنا قلت: كل تبن وبعدين انت ي طلال عندك شنطتين ولا شسالفه ووش هالورقه الي حاطها لي وشبك كنت مطنقر اول م دخلت وقعدت تقول كلام بزران توهم ينقون وامس لمن دقيت عليك قفلت بوجهي خير خير؟ قال طلال: خير انت اي شنطتين وايش دخلني بهالورقه؟ م حطيتها لك وانا متى شفتني عشان اكون مطنقر توني جاي وامس ي خراط م دقيت علي ولا كلمتك عشان اسكر بوجهك؟ طليت تحتي وما لقيت الشنطة وقلت بتوتر: اءء أمس ليه غبتو قال عصام: أمس انكتمت ودقيت على طلال وقال بعد هو مكتوم وقلنا بنسحب كنا مره مكتومين! توترت زياده ومسكت ال
