كتاب طلال -9- لا تخوفني رد -كنت اردد- رد طلال.. طلال بصوت متعب: هاه قلت: وش فيك وين انت وين الكتاب وين حطيته ليه شلته؟! قال طلال: شوي شوي لا تاكلني تعبان انا توني راجع من عند واحد مدري ش جوه مشعوذ المهم قلتله يأخذ الكتاب ويرجعه لهم مابيه قاعد يقولي يقولون نبي الكتاب يجيبه لنا طلال وعمار بنفسهم صرخت: انا شدخلني ياربي انت جايب الكتاب ليه ينشبولي حسبيالله قال طلال: لأنك انت الي قريت الكتاب المهم اسمع مو هذا موضوعنا بكرا جمعه والمدرسة بتكون مقفله خن نروح انا وانت نرجع الكتاب وبنداوم يوم الأحد مرتاحين من هالكتاب الحقير والكتاب هالحين حاطه تحت سريري بصندوق -وقفل بسرعه- قمت وطفيت النور ونمت.. صحيت عالعصر على جوالي وهو يدق من غير ما اشوف مين المتصل رديت.. قلت: ايوا طلال هلا حبيبي قال: ماني طلال انا المشعوذ الي جاني صديقك طلال عشان الكتاب قلت بخوف: ها وش، كيف جبت رقمي وش تبي قال: رقمك عطوني اياه الي كتابهم عندكم وقالو يبوني اقلك شيء قلت: وش قال: أن ما وصلهم الكتاب فهاليوم راح يقتلون خويك وهو الحين نايم وما راح يقوم الا اذا رجع كتابهم! قلت بتوتر: طيب طيب -وقفلت- جهزت نفسي وطلعت من البيت بسرعه واتجهت لبيت طلال.. وصلت البيت وصرت أدق الباب بقوه فتح أبو طلال: بسم لله خير وش فيك يا ولدي قلت: عمي الله يخليك بروح لطلال بسرعه قال أبو طلال: بس هو نايم؟! قلت: ادري الله يخليك ضروري وربي قال أبو طلال باستغراب: هاه طيب دخلت بسرعه واتجهت لغرفة طلال وكان أبو طلال يمشي وراي فتحت الباب ودخلت وشفت طلال نايم.. هويته بقوه وصارخت بأعلى صوت وصرت ارفسه برجولي دخل أبو طلال ومسكني: بسم لله الرحمن الرحيم وش بك؟ صارخت: صحي ولدك صحيه بدون م ينطق بكلمه جلس بالسرير وصار يحاول يصحي طلال لكن ما رضى يصحى قال أبو طلال بخوف: وش فيه ولدي ايش صار؟! قلت بعصبيه: مادري مادري ووقفت عند الباب وطلعت جوالي من جيبي ودقيت على عصام.. رد عصام واول ما رد صرخت: عصام بسرعه بسرعه تعال وجيب ابوك بسرعه -وقفلت- "أبو عصام مطوع ودايم يقرأ على الناس ويفهم في مواضيع الجن والسحر له خبره بهالمجال وقد مره صارتله مواقف مع الجن وهذا الشيء الي خلاه يتطوع".....
