كتاب طلال -13- نار تطلع من هذا الفصل واغمى علي صحيت وانا بغرفتي وأبوي وأبو عصام فوقي وأبوي يصارخ ويقول: ولدي له يومين وهو كذا وانت مصر م تبيني اوديه المستشفى مسوي فاهم؟ قال أبو عصام: يا ابو عمار الله يهديك مافي لزمه للمستشفى انا عارف وش فيه وقاعد معاه أن صار شيء مو طبيعي أو غريب علي بقولك وده المستشفى اما الحين أن وديته المستشفى بيرجعولك اياه وهو على نفس الحال السالفه ما راح تفهمها يا ابو عمار والله ما راح تفهمها قلت بهمس: أبو عصام؟ لف علي ومسك يدي وقال: الحمد لله عالسلامه جلس ابوي جمبي وقال: عمار ولدي ايش فيك ايش صار؟! قمت وبست رأس ابوي وقلت: أهم شيء انا بخير ضمني وقام وقال: بقول لأمك بسعدها -وطلع- قعد جمبي أبو عصام وقال: عمار لقيت السحر حقك وحرقته هو والكتاب وباقي الأسحار وهاذي الأسحار سواها واحد من استاذتكم الله يسامحه وشفته من قبل بحلم انه يسحر طلابه بس تأكدت من هالحلم بعد اللي صار وكنت اشوف جني متشكل عليه لمن كنت أحرق هالاسحار والكتاب وكان يبكي ويقول ملكنا ملكنا ويردد سكت شوي وقلت له الي صار لي قبل مغمى علي ابتسم وقال: الناس الي يبكون هم الجن الي قاعد انا أحرق على بيتهم وكتابهم والي خنقك من ظني هذا هو الي اخذ منه طلال الكتاب وشكلهم عذبوه بسبة انه ضيع كتابهم والله أعلم قلت بتأتأه: يعني انا الحين خلاص تخلصت من السحر ضحك وقال: ايه الحمد لله قلت: الحمدلله، طيب السحر الأول تعرف من مين؟ قال أبو عصام: من نفس الشخص لأن الي لقيته يوضح أن السحر الي فيك من قبل متواجد بنفس المكان بس السحر الأول ما كان قوي فجددوه لأنهم يبون ينتقمون تذكرت طلال وقلت: ايه ايه عمي وش صار لطلال طيب؟ قال أبو عصام: صحى الحمد لله بس مو متذكر شيء كان عصام يحاول يذكره مافي فايده قلت: الحمد لله، طيب عمي ادري ازعجتك وتعبتك معي اعذرني والله يسعدك ويجزاك كل خير بس حاب اعرف من ذا الأستاذ الحقير؟! قال أبو عصام: خلاص عمار ما له داعي جزاه عند ربي ما راح تستفيد شيء لمن تعرف من هو قلت: الله يخليك عمي بس ابي اعرف قال أبو عصام: أستاذ رائد وانتبه تعلم أحد هاه؟ انصدمت وصرت اقول في نفسي -أستاذ رائد؟!.. لا لا مستحيل انا اعرف هالاستاذ من أطيب الاساتذه هو الأستاذ الوحيد الي احبه ومستحيل اهرب من حصصه لاني جد احترمه ما عمره رفع صوته على أحد أو عامل أحد بوقاحه مثل باقي الاساتذه مو معقوله مو معقوله-! .....
