كتاب طلال -6- الله يستر ثلاث أيام مفصولين ثلاث ايام تذكرت اني حطيت الكتاب بشنطتي قمت وطلعته من الشنطة وحطيته على سريري ورحت غيرت ملابسي وطفيت النور وحطيت راسي على سريري بالظلمه وصقعت بالكتاب اخذته وحطيته جمبي ونمت.. صحيت وانا دايم وشغلت النور والصدمة! غرفتي مكركبه والجدار مكتوب عليه بالأحمر صرخت بأعلى صوتي: حسبيالله مين مسوي كذا؟! قمت ورحت للسرير ولقيت الكتاب مفتوح بدون تفكير جيت بسكره بس سمعت ابوي يدق علي الباب ويصارخ بأسمي.. رحت فتحت الباب واعطاني ابوي كف وصارخ وقال: انت سكران ولا مجنون؟! شوف كيف البيت شوف! طلعت وقعدت اناظر البيت.. حاله حال غرفتي! تلفزيون، اثاث، تحف، كل شيء بالبيت مكسر ومقطع! شوي الا تطلع امي وأختي وصارخو.. قالت امي: من سوا كذا؟! أشر علي ابوي وقال: من غيره سكت ولا نقطت بحرف لاني متأكد ان كل ذا من الكتاب وانا جايب الكتاب وخن أتحمل العواقب.. صرخت امي: انت مجنون؟! قالت اختي: كلب حيوان حسبيالله عليك ابوي تراه هالأيام يروح المدرسه ويهرب هو واخوياه من الحصص الاخيره وفصلوهم لمدة ثلاث أيام انصدمت وقلت: شدراك أنتي؟! قالت بضحكه: صديقتي رهف أخت طلال قالت لي وبعد انت لك سوابق -انفجرت ضحك- قحصت بأسناني وقلت بقلبي -حسبيالله عليك أنت وصديقتك وعلى الكلب طلال الفضيحه- كفخني ابوي ودخلني الغرفه وقال: اوريك بعدين -وسكر الباب بقوه- قعدت عالسرير ومسكت الكتاب وكان مفتوح وجيت برميه وشفت شيء لفت انتباهي.. حطيته على رجولي وبديت اقرأ -تتأكد من دخول الجن[الجن المنتقم] لحياتك اذا لاحظت انك تختنق وتنكتم وتدوخ كثيراً وترا أمور غريبه تحصل لك كحدو كوارث فيما حولت وموت من تحبهم وقبل كل هذا تتأكد من دخولهم اذا أخذت هذا الكتاب!- بهاللحظه دخت ورميت الكتاب وطحت عالأرض بركبي ويديني وبديت استفرغ -الله يكرمكم- وكنت أستفرغ شيء أسود! وبدأ يطلع من خشمي دم.....
