كتاب طلال -4- مسكت الورقه ولفيتها -أعد الكتاب فوراً- هذا الي كان بالورقه! لحظة ليه اعطوني الورقه انا ليه م اعطوها طلال هو الي جاب الكتاب؟! أنا شدخلني؟! لفيت على طلال وقلت بعصبيه: انت من وين جايب هالكتاب ف هاللحظه جا الاستاذ وكلن راح مكانه سكت ومرت الحصه الأولى وطلع الأستاذ.. قمت من مكاني لعند طلال وسألته نفس السؤال وقال: ف الفسحه اعلمك، رجعت مكاني ومرت الحصص وجات الفسحه طلعت انا والعيال وقعدنا بمكاننا المعتاد وبدأ طلال يحكيلنا من وين جاب الكتاب.. طلال: قبل كم يوم لمن قالولي العيال أن في فصل مسكون رحت بنهاية الدوام له بس كان مسكر وكنت أحاول افتحه وكانت المدرسه شبه فاضيه وشوي الا يجي واحد اول مره اشوفه ويسألني شسوي قلت له وكان بيده كتاب وقالي أن الباب مسكر بالمفتاح وقعد يسولف معي عن سالفة الفصل وكذا بعدها سألته عن الكتاب الي بيده لاني شفته مكتوب عالكتاب طلاسم وتحضير جن فقالي الي تشوفه قلتله ابي الكتاب ممكن وارجعه لك بعدين بس م رضي لكني اخذته منه لما غفل وهربت بس كنت ناوي اردله الكتاب اذا شبعت منه وقصيته كامل بس الولد ما شفته من هذاك اليوم وبس قلت: اوك طيب فين الكتاب الحين؟ قال طلال: فالبيت قلت: خلاص أجل خن نهرب زي ذاك اليوم ونروح بيتك ونجيب الكتاب وحكيت لهم سالفة طلال الي شفته أو -شبيه طلال- والورقه.. قمنا وهربنا من المدرسه واتجهنا لبيت طلال دقينا الباب وفتحلنا أبو طلال وبدأ يسأل ايش جايبنا ف هالوقت وقعد يهاوش طلال وانا وعصام سحبنا عليهم ورحنا لغرفة طلال بدينا نفتش على الكتاب بس ما لقيناه؟! عصام بصراخ: طلال طلال تعال بسرعه شوي الا يجي طلال وهو معصب: خير خير لقيتو الكتاب؟ قال عصام: لا م ليقيناه وين حطيته انت؟ فتح طلال الدولاب وبدأ يدور فجأة شهق طلال: بسم لله وين الكتاب اختفى ي عيال صفقته على رأسه وقلت: حسبيالله عليك الحين وين ندوره؟ شهق طلال وركض برا الغرفه لف عليا عصام وقال: وشبه ذا ناظرته وانا ساكت....
