كتاب طلال -5- شوي الا يجي طلال وبيده الكتاب وكان مقطع وحالته حاله وقال: اخوي الكلب أخذه وقطعه قلت معليه أهم شيء نرجعه أخذت الكتاب وحطيته بشنطتي وطلعنا ورحنا المدرسه ودخلنا من غير يحس فينا أحد وكانت نهاية الحصة الخامسه.. كانت الفصول فوق وحنا كنا تحت بالساحه.. كانت الساحه فاضيه، قمنا وبدينا نمشي بالدرج بشويش بنطلع فوق وكانت الادارة جمب الدرج من جهته اليسار.. سمعنا باب الاداره ينفتح وانحاش ي ولد المدير تحت يصارخ: تعال انت وياه م عطيناه وجه وصلنا فوق ولقينا الاساتذه توهم طالعين من الحصه الخامسه مسكنا الأستاذ محمد الي كانت الحصه الخامسه معه وقال: أيش قاعدين تسون هنا انتم؟ هربانين من حصتي هاه؟ وصل المدير صالح وقال بعصبيه: تعالو انتم الثلاثه عالأداره كم مره اشوفكم تلعبون بأوقات الحصص أنتم جايين تدرسون ولا تلعبون؟ قال طلال: تكفى أخر مره والله ما نعيدها قال عصام: اي والله ما نعيدها صرخ المدير عالأداره وانت ياالمتلثم -يقصدني- أنقلع عالأداره أولهم م وراك الا المشاكل كل يوم يشتكي منك أستاذ وطالب قلت: وطي صوتك طيب ونزلت انا والعيال ورانا المدير - بالادارة - قال المدير: مفصولين لمدة ثلاث أيام ولا عاد أشوف وجيهكم طول هالثلاثه أيام ويلا خذو شنطكم وانقلعو على بيوتكم صرخ طلال: لحظة الله يخليك بروح فوق بأخذ شيء ناظر المدير الأستاذ محمد وقال: خذهم واقلعهم برا المدرسه وانت يا ولد شسمك؟ قلت بهدوء: عمار طال عمرك قال المدير: انتبه لنفسك يا عمار ترى حطيتك براسي قلت: ي شيخ.. أخذت شنطتي وطلعت انا والعيال ومعنا الأستاذ محمد وطلعنا من المدرسه وكلن راح بيته.. دخلت البيت ورميت نفسي عاالسرير وبديت أفكر، ياربي ايش بنسوي بالكتاب، الله يستر ثلاثه أيام مفصولين ثلاث ايام....
